الحب لا يعرف القيود

البارت الثامن والعشرون

البارت السابع والعشرون
الحب لا يعرف القيود

كلت هيهات الفرح يندل بابي🥰
ثاري الفرح جيراني واني غافي 🥰

أركان. بعد ما تركت ابو ساره طرت من الفرح والسعاده اويلي يا ساره واخيراََ راح اصيرين اليه بعد تعب كل هل السنين اخ منج شلعتي باب قلبي تاليه انتي مالتي
كلش انعجبت بشخصية والده شخص محترم واله هيبه ويفرض احترامه على الأشخاص وحيل حبيت طريقة كلامه ورقيه بالحديث واسلوبه طبعاً إذا اهله هيج ناس شلون متطلع هي وردة

ابو أركان. الووو ها بويه
أركان. التقينه ومن ارجع نسولف
ابو أركان. لضوج روحك ابني
أركان. اجي ونحجي
ام أركان. ها رفضو حيل يستاهل حتى يعرف أوادمه
ابو أركان. يرجع متحاجين كلمه ويا واني اخذ عمامه واروح اطلبه من ابوه وما ارجع اله يوافق كل شي ولا ينكسر قلبه

محمد. السلام عليكم
ام ساره. ها حجي بشر شفتهمت من الولد
محمد. والله كلش خوش ولد ومحترم ومؤدب وثكيل ويفرض احترامه وهادئ وقليل الكلام وحبيته كلش
ام ساره. يعني
محمد. شايفين كل الخير ان شاء الله
ام ساره. اللهم صلي على محمد وآل محمد
ساره ماما تعالي
ساره. دكات قلبي يسمعوه حتى الجيران ها يم ام ساره. ابوج وافق على أركان
ساره. بكل خجل اها
ام ساره. مبروك حبيبتي والله يوفقج ان شاء الله
خلي اخابر خالته ابشره
محمد. لا لتخابريه لان اني كتله للولد مبروك ف اكيد هو راح يكله
ام ساره. زين سويت فرحته
محمد. حيل ارتاحيتله واعجبت بشخصيته
ام ساره. الله يعوضه
ساره. أركان حرك التليفون رسائل بس ما جاوبته لان كاعده يم اهلي
أركان. ليش متردين يعمري منو الي شاغلج عني يروحي
ساره. أقره وما اجاوب
ظل يلح
أركان. حياتي عمري نور عيوني....
ساره. أحبك
أركان. شنو
ساره. أحبك
أركان. اوووف
وج عيدي الي كلتي
ساره. امشي روح ما أعيد خلص كلته وخلص
أركان. على راحتج بس من تجين يمي لتنسين هذا الحجي مفهوم حبيبي
ساره. 😳😳
أركان. وصلت للبيت لكيت أبويه كاعده ويدخن
ابو أركان. ها ليش رفض
أركان. منو
ابو اركان. ابوه منو قابل أني
أركان. منو كال رفض
شفته وسئلوني جم سؤال ب الأخير باركلي وراح
ابو أركان. وافق
أركان. اي بويه وافق وحضرو روحكم راح ازوج
ابو أركان. اويلي هم اعيش واشوف زواجك ما مصدك
أركان. عمرك طويل ان شاء الله
خلي اتصل بخالتي تكمل بعد لان ابوه وافق
ام أركان. خالتك شكو أني بعد
أركان. خالتي الي خطبته وهي الي تكمل الباقي انتي خليج مرتاحه
ام أركان. كلت أني يعني اني وخالتك بعد لتوصل معليه
أركان. اخرب كل زواجي اذا خالتي ما كملت كل التجهيزات الباقيه محد يستاهل غيره
ام أركان. قصدك اني ما أستاهل
أركان. اظاهره مسامعه الي يكول

كولوهم شده وكضت وبخير صارت حالتي

أني من ردتج ويايه تروحين وتخطبيلي تخليتي عني وقبلتي تروح خالتي في سبيل خاف يردوج وينكسر غرورج هسه وره ما جهز كل شي لازم اظهرين للساحه
لا ابد تروحين يوم العقد حالج حال الي ينعزمون والي يكمل المراسيم خالتي
ام أركان. يطبك مرض ميته على جهازك
أركان. اي مادام ما ميته لعد خلص
واتصلت بخالتي
خالته. الووو ها حبيبي
أركان. خاله وافقو
خالته. كللشششش
أركان. هههه حبيبتي خاله خابريه واتفقي على كل شيء ورجعي الخبر
خالته. تدلل من عيوني
خلي اتصل ب امه
ام ساره. الو
خالته. شلونج حبيبتي
ام ساره. بخير شلونكم
خالته. شلونه بعد ما سمعنه الاخبار الحلوه
ام ساره. إن شاء الله دوم الأفراح عنوانكم
خالته. بعد عمري حبيبه احنه باجر نجيكم مشية النسوان نحدد الحاضر والغايب ونتفق على جم شغله
ام ساره. كل الهله بيكم تشرفونه ب اي وقت
خالته. نجي ب ٤ العصر ان شاء الله
ام ساره. هله بيكم
خالته. مع السلامة حبيبه
ام ساره. الله وياج عيوني
ساره تعالي
ساره. ها يمه
ام ساره. باجر يجون يحددون الحاضر والغايب جهزي نفسج ورتبي روحج زين
ساره. ماشي
أركان. ألوو ها خاله
خالته. خابرت امه حبيبي واتفقت باجر العصر اروح نحدد الحاضر والغايب
أركان. خوش خلي انطي خبر لخواتي
خالته. براحتكم ب ٤ الموعد
أركان. إن شاء الله تعبتج خاله
خالته. لا حبيبي تعبك راحه مثل ابني انت
أركان. تسلمين
خلصت من خالتي خابرت خواتي بلغتهم بالموعد وانه يجون للبيت نتفق على صيغه يحجون بيه وبعدين اروح أني أخذهم وارجعهم