الحب لا يعرف القيود

البارت التاسع عشر

اعتذر عن التأخير بالنشر بس صار عندي ظرف

الفقدان هو أحساس مرعب وان مر عليك لا تتمنى عودته ابداََ لكن يبقى فوبيه تلازم حياتك

ساره. اكلج صبا احس السنه هاي شطوله صارت
صبا. لان بيه أحداث ويجوز انضغط عليج بيه
ساره. هواي يبو عليه شوكت تخلص ويخلص شره
صبا. ما بقى غير ايام
اكلج اليوم استاذ خالد ينزل درجاتنه
ساره. ما اخاف من اي ماده كلهن الحمد لله
صبا. اي ان شاء الله بس مشوقه اريد اعرف استاذ خالد شكد منطيج
ساره. عاليه اكيد نفس الأول
وره ساعات نزلت الدرجات وهم جنت أعلى درجه بس الغريب محد اعترض لان يعرفون بيه الوحيده الي بالمحاضرة يعتمد عليه ف امر طبيعي اني أعلى درجه
بدينه نتهيء للأمتحانات وقربت الامتحانات وبلشنه بيه وكل يوم الحال شكل صعب. سهل. بين وبين.
بس اريد تبدي العطله كرهت الدوام والالتزام والعروض للزواج الي مابيه كل خير بس الي اكتشفته انه أني رغم كل القيود الي محاوطتني والي فرضته على روحي وكلت بعد ما اتعلق بشخص لكيت نفسي هواي اشتاق واذكر أركان راح ادكولون بس انتي ما عرفتي ما ادري شعور غريب ودائماً أني وصبا نجيب طاريه وكل حركه يسويه انه يخرب الخطب هم اعرف هو وره الموضوع لان ما وكفت على اخر خطيب الي بقاعتنه لا وراه اجتني عروض وجانت تنتهي قبل لا ارجع الخبر الهم لا وجنت أكله لصبا كلبي يكلي أركان الي ديخرب هل الشغل
صبا. والله ساره ما اكدر اكلج لا عمره احساسج ما خانج عمت عينج لو كلتي شغله اصير لازم اصير عجيب امرج
ساره. والله لان اتعامل بطيب اصلي وي الناس ابد ماكو دغش بداخلي دغريه كلش

خلصت السنه الكشره شثكله خرب بالحظ
وبدت العطله واني أبويه واعدني بسفره ان شاء الله وكلش مشوق اله وره مخلصت الامتحانات بيومين سفرتنه يارب اريد اسافر ارتاح متت من التعب هل السنه هم علاج وهم ضغوطات
طبعاً العلاج ما توقفت بي ولا يوم ولا تهاونت بي وشهر استجيب وشهر ارجع للصفر وتتخبل الدكتوره مني وراه كالت استجابة العلاج تعتمد على الحاله النفسيه بس تعطلين أني متأكده راح يستقر وضعج ويترتب كل شي وبالفعل ب العطله سافرت لمدة ١٥ يوم وكلش غيرت جو ومناك جبت ملابس للجامعه وجنط واخذيه وحيل ارتاحيت وبعدني اتابع العلاج وي الدكتوره ب العطله جانت استجابتي ممتازه للعلاج وحيل مرتاحه أني نفسياََ

صبا. الوووو
ساره. هلو قلبي شلونج عيني شخبارج
صبا. تمام وج ماكو مختفيه
ساره. يمعودة اشو ركض ركض انتي شلونج
صبا. ملتهيه بزواج اختي
ساره. صدك شوكت زواجه
صبا. الاثنين اذا الله سهل
ساره. اي ماباقي شي يعني بدايت الاسبوع
صبا. اي وانتي معزومه بقاعة...
ساره. اشوف الحكومه شيكلون بس ما اتوقع اجي
صبا. حبابه حاولي
ساره. الله كريم
وراه كتلهم لأهلي اريد اروح وطبعاََ اجاني الجواب اسرع مما توقعت لا ماكو روحه ليش عفيه
محمد. كلت لا يعني لا ما عندي بنات يروحون اعراس صديقاتهن عود من اطلعون من حكمي ذيج الساعه براحتكم
ساره. عليمن أظل ألح واعرف النتيجه سكتت
صبا. مخبوصين زواج اختي وتحضيرات وباقي شي والبيت كله خطار واني وياه اركض وبكل شي اني لازم موجوده ولازم اروح وياه صالون وووو.....
وتحضرت بس ركض ركض اريد اروح للقاعه اليوم زواجه واخذوني اخوتي وجنت فرحانه كلش وبدلت ورتبت روحي بس ضايجه ساره متحضر يله أني اصورله.......
ساره. طبعاً اكو شغله انه احنه امي جانت متشدده كلش بحيث من دخلت جامعه أني وان جان اختي نفس الشغله ابد منحف ولا انعدل شي بوجوهنه متقبل ابد واحنه من نوع بشرتنه فاتحه يعني بيضات ف الشعر ذاك وينه امبين وعدنه حواجب اجنن شثخن الحاجب وهم متقبل انشيل شعرايه وحده ادكول نشعت البنيه بيوم زواجه تروح اذا هي حافه قبل طبعاً جنت ولا اقتنع بكلامه بس شسوي حكم القوي على الضعيف
اغلب الطالبات جانو يكلولي يوم إلي تنخطبين اطلعين غير وحده يمكن على التغير الي يصير بيج بس ابد هذا الموضوع ما حسيته أثر بيه او قلل من ثقتي بروحي لان الإنسان اخلاق وجوهر مو بس منظر
مرت العطله اسرع من البرق وكأنما تعلن عن دخول مرحله جديده او انعطاف راح يقلب الموازين وبسرعه عاليه جداََ