الحب لا يعرف القيود

البارت الثالث

نرجع ب الأحداث شويه
ساره. وره ما طلع غضب فكري صار مشوش بين الفرح وبين الخوف من المستقبل وبالذات احنه منختلط بيهم كلش بس هو جان يتردد علينه هواي وحالي حال اي بنت ابن عمي واكبر مني ما جان فكري بي كزوج وب الأساس فكرة الزواج مجان وقته هسه

سهى. ما جنت متوقعه راح اهلي يوافقون على طلب غضب ابد ومن المستحيلات صح يحبه وهو مقرب اله بس كزوج لوحده من بناته مجنت متوقعه يقبل بي
دخلت شفت ساره بغير عالم تفكر بعده صغيره ب العمر وامي هواي أثرت على قراره
سهى. اكول ساره انتي مقتنعه ب غضب
ساره. اي مقتنعه ليش شبي
سهى. مابي شي بس ميفيدج اتوقع
ساره. لا ليش هيج ادكولين
سهى. بعدج صغيره ومتعرفين شي باجر تتغير نظرتج للحياة وتتندمين وافقتي لان تكبرين وتدخلين جامعه وتبدي عندج المقارنه هاي اذا خلاج تكملين
ساره. لا متتغير قابل هو شبي مناقصه شي واني راح اخلي الدراسه شرط ب العقد
سهى. يجوز من نزوج احنه تبدين تقارنين وبالذات غضب ما عنده سالفه غير كالت البضاعه وحجت الفلوس واي حديثه غيره ماكو باجر يكبر عقلج تريدين واحد يفهمج
ساره. سهى معليج ولتخربطين دماغي فوك ما أني مخربط فكري
سهى. بس فكري بكلامي
ساره اي عود ميخالف
ظليت افكر لحد ما نمت
الصبح كعدت بدلت ورحت للمدرسه اول ما دخلت حجيت لصديقاتي المقربات وجانت وحده نفس وضعي هم ابن عمه حاجزه المهم كيفو من سمعو وشجعوني وراح يحبج اصلاََ هو يحبج ولهذا خطبج كيفت وصار عندي راحه نفسيه المهم بديت اتعايش وي الوضع الجديد واني مخطوبه لغضب بس جنت اخاف أقترب منه او حتى ألتقي بي أستحي وأخجل ووو
وجان من يجي اطلع اسلم وانسحب وهو ميحرجني ابد وبدت الايام تمشي واجت اخر السنه ونجحت وكلش فرحت
وهو اتصل ب امي وكلتله نجحت وباركلي من خلال امي

غضب اتصلت بمرت عمي سئلته عن ساره لان جنت ما اتصل بيه جان عمي ميقبل ومنبهني لان ميريده تنشغل عن دراسته واني احترمت رغبته وجنت مشغول اريد ابلش بناء البيت وأريد ازوج واستقر ما اريد تأخير
ها بشري مرت عمي شنو الاخبار
ها غضب عيني نجحت ساره
غضب اي الف مبروووك باركيله وان شاء الله يوم التخرج أشكرك
سديت الخط وكلت هانت يغضب ما بقى شي وتزوج وتستقر بالذات ساره متغيره وكبرانه وصايره احلى من قبل طبعاً كبرانه
ظليت أتمنى تبادر وتتصل بيه لان جان عده موبايل بس مصار هل الشي كلت اكيد عمي محذره وهي تخاف منه بس اني جنت اروح واشوفه من تطلع أسلم ميته خجل بت اللذين متباوع بوجهي ميته مستحه
ومرات تجي وي امه للمحل وهم تستحي ومره كتله أختاري شي من المحل وأختارت بدي وجان مني ما أخذت فلوسه عااااا غير خطيبتي 😂

ساره نجحت وكلش فرحت وجنت أتمنى يدري نجحت
بدت العطله وبدت سهى اذبلي حجي ليش وافقتي ب غضب وراح تتندمين
واني أكله ابن عمي وابويه يحبه وهو وضعه زين ومراح احتاج شي وهي ادكلي مو كل شي الماده أني جنت اخاف اعيش بغير وضع اهلي ما اعرف ليش المهم بدت دائماََ ادكلي ميفيدج ترى واني اصده واضوج من كلامه
ومرات نتعارك واكله معليج عود انتي ازوجي دكتور هي جانت تدرس جامعه قسم (... .)
وفد مره تعاركنه وكتله انتي تغارين وهي ضاجت المهم كمت ما اهتم اله
وره شهر من العطله قررنه نروح لاربيل هناك خالتي عايشه رحنه يمهم وحيل جنه فرحانين لان كلش نحب بنات خالتي وعلاقتنه قويه بيهم
وصلنه وتلكونه وكيفو بينه واني جنت كلش أحب بت خالتي دعاء جانت نفس عمري وبدت تلمحلي عن غضب واني أستحي أحجي المهم سولفتله عنه وكلش شجعتني ابن عمج واكيد يحبج ويوه سوته شكبره بعيني
واني مراهقه جنت وهي هم ف اتفقنه ب التفكير كلش وبدت تسئلني عن مخططاتي المستقبليه واني أحجيله وكمنه نطرب ونسمع اغاني 😂😂 غير مخطوبه ومكيفه
وراه كلتلي دعاء شنو تحبين أسمعين أغنية كتله أحب أغنية شرين
أنا حبيتو بيني وبين نفسي 😍
كالت ها هاي المن تقصدين وكعدت احلفله والله هيج وما أقصد أحد وهي تشاقه ويايه اي عيني غضب حظك فوك النجم
طبعاً اني جنت مغرمه بشي أسمه حسام الرسام واتمنى ازوج واحد مثله مو اكلكم مراهقه مصدكون 🤭 وظلينه فتره يم بيت خالتي كلش نفسيتنه تغيرت
وسئلتني مره دعاء
دعاء. أكلج ساره أنتي تحبي لغضب
ساره. سؤاله جان اليه مثل الضربه على راسي أني غضب شنو يعنيلي
ساره. دعاء تدرين ما اعرف ليش أخاف أبدي اي مشاعر تجاه غضب
دعاء. ليش خاف لان بس كلام
ساره. يجوز بس أني ما عندي مشاعر حب وتعلق بحيث شكد ما اشوفه عادي عندي مدري اخاف من اهلي بحيث اموته مشاعري
دعاء. ساره كلش لطيفه وشخصيه مرحه وقلبه أبيض ومتزعل عكسي ههه واعرفه تخاف من خالتي ف مشاعره اموتته لهذا متريد تتعلق ب غضب
دعاء. بس يبقى خطيبج ساره
ساره. بابا اعرف قابل شريد اسوي خلي اكمل السادس واتفرغ والله مصدكين اذا اكلج مداير بينه حديث بس ما أضم عليج هو حلم وكل يوم يكبر بداخلي
ولتنسين دعاء اني مكاعده ويا وحدنه وحاجين ظالين من بعيد فقط ومنلتقي هواي أبويه ميقبل اصلاََ هل السوالف
دعاء. اعرف بابا طبع عمو محمد نفس طبع أبويه وهم هيج صعب وميحب الاختلاط

ساره. بقينه نسولف ونسمع اغاني وجنه كل يوم نطلع وراه خلص لازم نرجع ودائماً يوم الرجعه نبقى سهرانين كلنه ونسولف وحيل انضوج من نرجع وهم كلش ينقهرون ظلينه نسولف للصبح لحد ما اجه السايق وطلعنه منهم وطريق الرجعه كله افكر بكلام دعاء معقوله أني ما عندي تجاه غضب اي مشاعر لا اكيد عندي بس ما متعلقه بي ابد وب الاحرى اخاف اتعلق بي لان اهلي متشددين كلش واني اخاف منهم حيل الطريق كله فكره اجيبني وفكره ترجعني لحد ما وصلنه ميتين تعب الطريق طويل وبعيد هم بالشمال واحنه مناطق الوسط هواي مسافه طويله
رجعنه ورجع الروتين وبدت العطله تنتهي ولازم اتحضر للدوام وأشيل كل الأفكار من راسي كدامي طريق واحد هو الدراسه والنجاح اي سنه أتأخر بيه مشروع زواجي كله يتأجل...

وخلصت العطله وما صار شي اسمع اخباره لغضب من بعيد وهو هم ومنلتقي بالصدفه
وبدت السنه الدراسيه الجديده
يتبع.....

الكاتبه تماره الغراوي