الحب لا يعرف القيود

البارت الخامس والثلاثون

ان تعشق شخص شي بسيط لكن يعشقك بنفس المستوى شيء في غاية الصعوبه

بعدك غريب وما شاغل البال
تتعده على الي سواك ونصب يفلان

ماتكبر بعين البشر شما شيبت وانغريت
يصغر مقامك ويهينك جبير وصغير

الكبرياء والغرور من الصفات الذميمه واللعينه الإنسان كلما تكبر صغر بعين البشر مثل الطير كلما حلق في السماء عالياََ يراه الإنسان صغير هكذا المغرور والمتكبر

ساره. متت خجل على قهر من موقف ام أركان وخلص خاف جان اكو بداخلي امل بجيته خصمت كل شي بداخلي وخلتني استعجل بقراري

ام أركان. كاعده وابا ع سهى شلون اجيب وتخلي كدام عمته ام زوجه ومدللته واني ساره صافنه بوجهي لا حركه ولا بركه مدري عليمن شايفه نفسه الجمال مو كل شي

ساره. طول الكعده واني مشمئزه منه ومن نظامه كله اتخبل من الشخص المغرور الي شايف روحه على البشر وعنده البشر كلهم عبيد تالي كلت عليمن أني تالفه اعصابي دخلي اكوم افارك خلقته ارتاح وارجع
طلعت بره واني يمكن درجة حرارتي واصله للغليان منه

سهى. كمت وره ساره وج هاي شنو سالمين خو ماكو شي
ساره. عيفيه خلي تستعرض كل فعالياته أني خلص بعد ما اريد هل الزواج هاي هسه هيج بعدين شلون وشراح اسوي بره خلي انسحب وكل غراضهم ارجعه واتنازل عن كل شي ما اريد

سهى. نعم نعم شبيج تخبلتي بابا
ساره. اشششش هذا مو غضب وتعترضون أطلعو من الحمره وبهدوء معليكم قراري وخلص
سهى. لج عوبه أركان يصير بي شي
ساره. هسه يصير احسن من ما بعدين يصير شي بي وبيه ويجوز اكو طفل بينه
سهى. الي ما عنده حظ اظاهر يجي من بطن أمه هو ما محظوظ

أركان. رجعت امي من بيت اهل ساره وهواي هواي ذمت ساره وانه هي ما مقدمه لأمي اي شي ولا كايله اله تفضلي وعايفته وطالعه من بداية الكعده وأمه اصيحله متدخل واصيح وعكس اخته سهى مطيعه محبابه وتخدم عمته واجيب وتخلي كدامه

راح نرجع ب الأحداث شويه ليوره
ساره. طبعاً وره مخلصت تطبيق ورجعت للجامعه قررو القسم ياخذون صورة للتخرج ونسوي حفله وجمعنه فلوس

أركان. ساره تروحين تاخذين الفلوس ولا صوره تاخذين ولا حفله تحضرين

ساره. شنو ليش عود تحرمني هذا حلم كل طالب انه ياخذ صورة تخرج ويلبس الزي ويحضر حفلة التخرج ويصعد المنصه ياخذ الشهاده التقديريه من رئيس القسم

أركان. ساره غير الي كلته ما عندي لو تبقين تتوسلين سنه مراح يتغير شي بداخلي واني رافض الفكره وتروحين اسحبين الفلوس

ساره. ماشي براحتك
أركان. اي حبيبي اسمعي الكلام اريدج حبابه

ساره. تخبلت منه لان حرمني من احلى شي بس يله كل شي بي صالح
رحت ثاني يوم سحبت الفلوس وكتلهم ما اريد
صبا. أني هم لعد شعندي هو انتي صديقتي شعندي بعد وياهم هم انسحب