الحب لا يعرف القيود

البارت التاسع والعشرون

الحب لا يعرف القيود
البارت التاسع والعشرون

ساره. طبعاً اني بهاي الفتره بده التطبيق بالمدرسه واخذنه انفكاك من الجامعه وكمنه أنداوم بالمدرسه مطبقات وحيل فتره مقرفه لان اني وحدي بالمدرسه صبا بغير مدرسه طبقت لان ازوجت وافترقنه جنه متفقين بنفس المدرسه بس الظروف جانت أشطر اداوم كل يوم والمديره مزعجه ومعتبرتنه مدرسات وتحاسب ومشدده بس كل يوم ثلاثاء اوف عندي لان اروح للجامعه اراجع علمود البحث جنت من اروح للجامعه ترد روحي ومن ارجع اداوم أتكأب حيل وانطوني صف رابع والطالبات مرحله انتقاليه من المراهقه الى الرزانه وشويه التعامل وياهم صعب واني صغيره بالعمر ف اتخذته اسلوب الصداقه وياهم بس مفاد لان تمادو ويايه هواي حولة على اسلوب التسلط على ما يبدو أنجح اسلوب بس الغريب انه جان اكو طالبات متحررات اكثر مني حافات وترتيب واني جني عانس معقده كل حاجب شثخنه وفوكاه اتفيك عليهن 😂😂 جنه خبله شارده من الشماعيه ومصدكه روحي مدرسه
المهم سيطرت عليهن وضبطت القاعه وجنت امشي الدرس بطريقه حلوه كلش واعتبرت التطبيق فتره تمهيديه للتعين وبهل الفتره جنت احضر للخطبه مالتي والمشيه ومباقي غير بس ايام للمشيه بس ما بين عليه ابد مخطوبه حالي حال الطالبات ويمكن هن احسن مني معدلات خلقهن اله اني امي جانت متقبل ولا تتناقش بهل الموضوع كل حاجب ادكول شارب واحد كعاد كهاوي اصلي

سهى. جانت جيت ام مهدي وخطوبته اليه شي روتيني عادي بس المميز انه الصفات الي احلم بيه هي كله ب مهدي بس امه بعد ما اجت ما رجعت ولا اتصلت بينه معناته ما عجبه او اختلفت نيته الغايب عذره ويا وأهلي انشغلوا بخطوبة ساره واني هم يعني ما اهتميت هلكد عادي

ام ساره. جانت خطوبة ساره اول فرحه بالبيت وبنفس الوقت شي صعب لان ما مزوج احد قبله تجربه صعبه تزوج وتطلع وتروح لبيت ثاني واحنه ما مفاركين جهالنه ابد بس جنت اشوف الفرحه بعيونه وانه هي سعيده كلش وأركان جان اصراره عليه شي زاد من ثقته بروحه
اكول ماما ساره راجعي الدكتوره خلي اشوفج قبل كل شي
ساره. اي ميخالف اروح باجر خلي احجز
علاجي جان من ضمنه ما عندي تقبل لأي رجل يدخل حياتي او يتقرب مني كزوج وزوجه ما اتقبل ابد فلازم هذا الموضوع يتعالج لان يعتبر فتور وو...
وثاني يوم رحت للدكتوره أني وامي ونظام الدكتوره يدخل المريض وحده ومن تحتاج المرافق ادكله جرس يعني تحترم خصوصية المريض حيل
سلام عليكم دكتوره
الدكتوره. هله بساره الورد
ساره. دكتوره أني خطوبتي عن قريب ومحتاجه تچيك
الدكتوره. احنه متفقين الحاله النفسيه هي الي تلعب دور كومي سوي التحاليل وتعالي
ساره. رحت سويتهن وظلينه ننتظر لحد ما طلعت التحاليل اخذتهن ورجعت للدكتوره
تفضلي
الدكتوره. الله الله شنو هاي
كل شي تمام وعالي العال بس بقت شغله الدعم المعنوي انتي راح تواجهين مشكله بسيطه وهي كيفية تقبل العلاقه الزوجيه
ماما تعاملي وي الموضوع بصوره طبيعيه الزوج هو النصف الاخر للأنثى والي يصير بينهم امر طبيعي ورب العالمين امر بي لا هو عيب ولا حرام والزوج هو الشي المكمل للمره بمجرد ارتباط اسمه ب اسمه
زوجج مثقف لو لا
ساره. اي مثقف
الدكتوره. راح يساعدج تتخطين هل المشكله ان شاء الله واني افضل تحجيله عن وضعج حتى يكون بالصوره ويتعامل وي الموضوع بثقافه ووعي
ساره. إن شاء الله
الدكتوره. كل علاج بعد مراح نكتب خلص نعتبر عبرنه مرحله جانت كلش صعبه تعدينه مرض حيل صعب ب اراده وقوه وشجاعه وإصرار منج وعزيمه ومتابعه واعيه للحاله واغلب الي مثل وضعج ميكملون علاج بس انتي عندج وعي عميق جان للحاله وموفقه ان شاء الله ونشاوف مره ثانيه واني اشرف على حالة جنينج ان شاء الله 😘
ساره. مشكوره دكتوره مقصرتي
الدكتوره. وياج احد
ساره. والدتي
الدكتوره. تفضلي طلعي وخلي تدخل والدتج
ام ساره. سلام عليكم
الدكتوره. هله هاي بتج اكول هل الترتيب المن ثاري انتي الماما مالته شوفي حبيبتي تعتبر ساره هسه سليمه بس مشكله وحده عده هي صعب تتقبل العلاقه الزوجيه ف المطلوب انه متطرقون لهذا الموضوع كدامه بطريقه مخيفه او استفزازيه ابد موضوع طبيعي اشرحو كدامه بطريقه واعيه وبسيطه حتى تتقبله
ام ساره. إن شاء الله مشكوره دكتوره مقصرتي نشكر جهودج المبذوله
مع السلامه
اخذت ساره وطلعنه
بس رجعت للبيت
اتصلت ام مهدي