الحب لا يعرف القيود

البارت الثامن عشر

سهى. طبعاً بديت أداوم واني كلني شغف وفرح هذا حصيلت تعبي وبديت اطلع على المجتمع الي جنت بعيده عنه وعايشه حياة شبه مختصره على جم نفر من توظفت شفت الدنيا لا أوسع مما أني مصورته واغرب بهواي وعباره عن وحوش كاسره تحيط ب البنيه بالذات الي ما مزوجه واصير حلم كل شخص ب اعتبار انه هي تبحث عن الشريك وكل واحد يشوف نفسه هو الشخص المناسب بالنسبه اله وهنا بديت ب الصراع بين الدين والرغبات لا يا ربي كل شي ولا هل الامتحان وبدت الإغراءات والعروض المجانيه هذا الي خطبني لابنه لان اني عندي راتب وهذا الي دز ناس لأهلي يريدني لابن اخو وطبعاََ كلهم ارفضهم ويجون يعتبوني ميعرفون أني عندي مبداء ما اتنازل عنه يا ناس
وراه بديت احس بشخص بده يتقرب مني بصوره مو طبيعيه واني جنت مخالته بالحسبه ومأمنه منه مزوج عنده أطفال لا سهى انتي متوهمه واقنع بروحي لحد ما خطيه بعد ما تحمل وكلي احبج ومستعد ازوجج

سهى. عااااا😂😂😂 لا والقسمه اي والله اني رفضت ولد شباب عزابيه حتى انزل ضره واخرب بيت قائم
طبعاً رفضت. بس فيما بعد راح اكتشف مازن شكد جان لزكه هذا هو الي من عنده يطلعون الصمغ ويصدرون للكره الارضيه اذاََ هو مو بس عريس لا ثروه منتجه على مر العصور لان الصمغ منتج تحتاجه اغلب الدوائر الرسميه

ساره. سهى احنه كل يوم بنفس السالفه بابا غلسي عليه سوي نفسج مشوفي
سهى. وج حتى بالمي يطلعلي راح اتخبل
ساره. هههه خطيه هم قدري وضعه
سهى. شقدر ولج دا اموت اني داخله بصراع بين ذاتي وديني هذا اختبار يا ربي نجيني
ساره. طبعاً سهى الشرف ياخذ منه دروس تخاف من الله كلش وبالذات بهيج موضوع اعرفه شلون تفكر يمكن لو هذا جايه بغير وقت وبغير زمن ممكن بس ما طوله مزوج واكو أطفال مستحيل تنطي امل لو يثرم نفسه كدامه وطبعاََ بده يضايقه ويعترف بحبه اله ويتودد ويعرض عليه عروض خياليه حتى وصل بي الحال يطلك زوجته وهي ابد نفس موقفه أني ما افيدك إلى أن فد يوم محصل رقمه. خابره
سهى. انت فاجئتني هسه رقمي شلون حصلته وشنو المطلوب الي تريده مستحيل وابد ميصير أيس مني والله ماكو نفع من كل تصرفاتك غير انه انت تقلل من قيمتك كدامي وتثبتلي انت واحد ناكر العشره الي بعت مرتك ب اول إعجاب
ساره. أني اسمعه شلون اصده وبداخلي اتعلم منه هل القوه والتصدي وراه سمعته ختمت المكالمه وكامت من جربايته وكفت ها شكو
سهى. راح اصعد اذب روحي من السطح وحق الله وج موتني
ساره. ههههههه
سهى. والله احجي صدك راح انتحر وج هذا ضغط على النفسيه ما اتحمل حرب دين وذات الله يبعد شره عني وج معيشني برعب اخاف نفسي ازل وين انطي وجهي وراه منين اخلص تبقى السالفه كله نزوه وتخلص هم هو وهم أني وحوبت مرته وجهاله بركبتي ربي طلبتك ومتردني خلصني منه
ساره. كمت اشوف سهى من اصلي صلاة الليل تكعد تدعي اباوع عليه اكول خطيه شلون ادافع عن حماية بيت من الانهيار ممكن غيره تخربه من اول عرض وهاي متخبله شلون هذا يريد يخرب بيته بنزوه اسمه حبيتج
سهى. ظليت اعاني منه دمرني