الحب لا يعرف القيود

البارت الثلاثون

ساره. هلو صباح الخير وج شكو من الصباحيات سهى اشو لا اكو حفله ولا شي وحتى صالون ما اروح عليمن كالبه الدنيا

سهى. أني راح اصير الصالون مالتج واسويلج تسريحه ومكياج مالج علاقه ب امي تحجي وحده عيب اليوم اول مره يشوفج بدون حجاب
استغفر الله العظيم والله امي عليه عقليه يعني اليوم مهره ليش متحف
نزلت لأمي محاوله اخيره يمه ترى ميصير متحف والله عيب يطب يشوفه كل حاجب شثخنه
ام ساره. هذا الموجود عود وره المهر تروح تحف مو هسه بله بطل شنكول لو مصايره قبل

سهى. هو اذا بطل ليش الناس مراح تحجي لو راح يكلون عزه فوكاه حفت يمه ترى راح زمنكم احنه بزمن البنيه بدون خطوبه تحف وترتب روحه مو بعد أحنه وحدتنه حاجبه ادكول شارب

ام ساره. يله كملوا شغل من وقت ترى خالتكم هي وبناته يوصلون الظهر وتعبانين يجون الطريق شبعده

سهى. طبعاً خالتي جايه من الشمال على حساب خطوبة ساره
رجعت صعدت لكيت ساره كاعده
ساره. ها شكالت
سهى. نفس رائيه ما تغير شي
ساره. عيفيه باجر اروح احف بس فشله والله
سهى. اكلج ساره وره ميعقد السيد عود راح انسويلج حفله العصر ويدخل يلبسج الذهب
ساره. اي ادري وراح البس السيت من يعقد السيد وراه البس الكوستم الزيتوني بس استحي التنوره قصيره كلش
سهى. عليمن مستحيه يمعوده بالعكس يله كومي تريكي وصعدي خلي ابلش ارتب بيج منا لحد ميجون ترى ما ظل شي
ساره. نزلت كملت ريوك وصعدت وبلشت بيه سهى شالت جم شعرايه من حاجبي وخلتلي مكياج بسيط يناسب شكلي لان حاجبي ثخين لازم شي بسيط حيل وراه اشتغلت بشعري هواي سوتلي تسريحه وطبعاََ اكو تقطع بالشغل وقت الصلاة ووقت الغداء ونرجع المهم كملت ساعه ٣ نزلت استوني دخلت خالتي وبناته وكلبو البيت هلاهل وسولنه جو لان جنه جامدين

أركان. الووو
خالته. ها حبيبي
أركان. خاله شنو النظام اليوم
خالته. حبيبي تكمل المشيه تعقدون وراه تدخل تلبسه الذهب وانسويلكم حفله بسيطه وخلص
أركان. وبس
خالته. اي لعد شتريد حبيبي
أركان. لا مرايد شي هاي هي
أني ما كلت لاحد عن الحفله الي محضره اله خليته مفاجئه للكل لان شو ذوله شكلهم مكتفين انه ادخل ألبسه ذهب وره ميعقد السيد النه كل عقلهم يدخلوني بسرعه ومستعجلين ويطلعوني لا يا عمي ما حزرتو أني أركان رأيه وعلم اليوم يومي عندي الف حلم اريد أحققه بهل اليوم

ساره. طبعاََ احنه من العادات عدنه العروسه من يعقد له السيد تكعد بغرفه معزوله عن الحاضرين من النساء قصدي ومتكعد بنيه ما مزوجه يمه
المهم نزلت جوه كعدت بغرفة امي بس اني وامي وخالتي ومحضره السيت الأبيض وطاسه بيه مي وياس وكدامي صينية المهر او البخت يسموه بيه سبع بياضات بس جانت كلش حلوه لونه فضي ومرتبه حيل وبقينه ننتظر يجون وبده الوقت يعبر وهم ماكو بديت اتوتر حيل وامي اكثر مني صار واضح توتره تتصل بخالته مترد ان شاء الله المانع خير
خالتي بدت تشاقه ويايه وشغلتلي اغنية نانسي عجرم يابنات يبنات وتتمايل كدامي وتحرك شعره تحاول تقلل توتري وراه دخل أبويه