الحب لا يعرف القيود

البارت الثامن والثلاثون

أصعب أحساس من تحس الشخص الي انت باني عليه كل أمالك وأمانك هو الي يخذلك ويخونك ويغدر بيك ويخليك ألعوبه بيد غيره ويوكف يتفرج أويلي أحساس حقير كلش

أركان. دخلت أصبح على أبويه وجهه ثكيل مو بالعاده أبد بعدين بدلتله ونظفت كل شي يخصه وخليته بالعربانه مالته وطلعته برى متعود كل يوم هيج
دخلت تريكت وراه سمعت أبويه يصيحلي رحت يمه
أبو اركان. شوف أركان اذا مجر عدل وي مرتك وتحترمه وتقدره وتلبي رغباته لا انت ابني ولا اعرفك واني بريئ منك ليوم الدين

أركان. ليش بابا شكو
ابو أركان. تصرفك البارحه مرفوض مرتك ادك الباب ومتفتح وتلبسه بوشيه وتخلي دمعته تنزل وهي عروسه عيب كل هذا أني مراضي عليه عيب من اهله ابوه أدمي شاله وانطاه الك وهو يعرف ب امك متتعاشر ومحد يقبل بوضع امك احترم هل النعمه وخليني راضي عنك وامك لتسير حياتك لا هي ولا خواتك من بعد عيني حتى متخرب أبويه انت

أركان. جان كلام أبويه منبه من نوع آخر اليه
كمت دخلت بست راس ساره بس ولا تنازلت يوه زعله ثكيل هاي عفته ورحت يم امي سوالف عاديه أبويه يكعد بالطارمه اشوف ساره كل شويه تروح يمه

ساره. اطلع كل شويه اسئل عمي خاف محتاج شي مي جاي اكل المهم ما اعيفه ابد

ام أركان. ساره تعالي
ساره. نعم
ام أركان. شعندج كل شويه طالعه حاجيه وي عمج شكو هاااا
ساره. ماكو شي بس اسئله شمحتاج
ام أركان. خو سئليني اليه شيحتاج قابل هو رجال معاق وكاعد
ساره. وهو لان من ذوي الاحتياجات الخاصه واجب ينسئل هو مو الصاحي وعفته ورحت

أركان. يمه كلامج مرجوع عليج شنو هيج تحجين على أبويه مو عيب واني ما اقبل يجي طاري أبويه بهل الطريقه الرخيصه بعد

ابو أركان. وضعي الصحي ادهور حيل وما جنت احجي لاحد ولا اشتكي بس ام أركان جنت اوصيه على أركان ومرته وكتله ترى احس ايامي قربت ديري بالج عليهم من بعدي

ام أركان. ليش انت هم يجي يوم وتموت واخلص منك أني ما اصدك والله بابا انت عظمك قوي وينك وين الموت

ساره. جانو كل يوم العصر يجون خوات أركان يمنه لان بيوتهم قريبه بس الجبيره لا لان بعيده
ومن يطبون لحد ميطلعون ميحركون حاجه كل أني وجهالهم وكحين وعبثين والثلاجه من يجون تفرغ الطماطه وغيره كل الجهال يشمره بره وفنه الي يحجي
ومن تجي فقرة الاكل يكلون جهالنه ماياكلون اكل بيت من بره وتبدي القائمه كص بركر...

ابو أركان. عمو ساره انتي شنو تاكلين كولي خلي يجيبلج أركان
ساره. عمو أني ما اريد اكل اي شي بسيط ميحتاج
جنت افكر بالمصرف لان ميكفي كل يوم اكل من بره وهم بس الجهال ٧ يعني هواي بس ذني ولا يهتماََ مع العلم اني بيت اهلي المستوى المعاشي ماكو مقارنه وي اهل أركان وما جنه هيج نسوي ابد ولا علمتنه امي بس ذوله مبذرين وحتى حرام
بديت اعودهم الاكل بالبيت لان البره غالي ويكلف هواي وهم اعتماد دخلهم الرواتب والي افتهمته عمتي مشارك بفلس واحد كله عمي وأركان لازم يصير اقتصاد ب المصرف