الحب لا يعرف القيود

جواب ساره للمتابعين

أركان. بت اللذين ولا تكلف نفسه وادزلي رساله شكد تحارشت بيه حاولت ابد قافله شلون نحسه وزعله ثكيل مدري أني غلطان من عفته وطلعت بس شبعته كلام غزل كل مفاد 😏

ساره. بالنسبه لغضب راح اجاوب المتابعين لان شفت هواي ديسئلون عنه بالتعليقات ابد ما مل وجزع من أبويه بحيث وره ما عقدت دز واسطه للصلح ب اعتبار انه أني خلص حياتي استقرت ولازم يرجع علاقته بعمه اذا جان زعلان لان ترك بته
بس هو يبقى انسان سطحي ويركض وره سعادته وراحته وميعرف اكو سعاده مؤقته مثل حياته وي نغم وسعاده دائمه هو معاشه بسبب غروره وظل ميدرك عواقب الأمور لان الجرح الي يصير بالجلد ممكن يطيب ويترمم وينسي بمرور الزمن او يتلاشى بس الجرح الي يصير بالقلب منو الي يداوي ويلاشي هذا يكون عميق وكلما يمضي الزمن نزفه يزيد وبالذات غضب وكفات أبويه جانت ويا كومه بحيث يخجل ب اي مكان يجيب طاري أبويه بالعاطل
دز عمي واسطه للصلح بس أبويه رفض وبشده وعمي من سوء حظه كله لأبويه تفضل الغريب على ابن اخوك دمك ولحمك هذا صعد نزل غريب مراح يفيدك وصارت مشادات كلاميه بينهم وعمي نزل من شأن أركان كدام أبويه واطاول واجاوز بالكلام لحد ما اضطر أبويه يكله لا اريد اشوف غضب ولا اشوفك اتركوني اتركو بناتي يعيشون مرتاحات
كل هذا وما مل غضب ظل يدز واسطات لأبويه للصلح لكن ولا واسطه كدرت تستعطف قلب عمه لان كسر الخواطر هين بس جبره صعب ومستحيل وهذا حال غضب وعمه
وابويه شال من قائمة أقاربه شخص اسمه غضب للأبد ولحد هاي اللحظه الوصيه مال أبويه تضمن فقره تخص احمد اخويه مكتوب بيه من بعد عيني ما الك غير ولد عمك بس اني بريء من غضب وما اقبل يمشي بجنازتي ولا يحضر عزايه وما مبري الذمه اذا رجعت العلاقه ويا.....
اما وصف حياة غضب ف القلم للكاتبه
تماره الغراوي
نسرد طبيعة حياته نهاية القصه راح يكون بارت شامل لجميع الابطال الي أنذكر اسمهم بالقصه