الحب لا يعرف القيود

البارت الثاني والثلاثون

سهى. أحنه اول فرحه أبيتنه جانت هي مهر ساره رحت للصالون سويت تسريحه لشعري ورجعت أني وسرى هم سوت شعره طبعاً بدون مكياج لان امي متقبل بس خلينه شي اقل من الطبيعي ورجعنه للبيت
لبست فستان لون زيتوني الصدر ذهبي فاتح كلش ومبطن ومن يم الخصر ينزل شيفون زيتوني وحزام على الخصر لون ذهبي كلش حلو جان بس امي ما قبلت بدون ردن وخلتي اخليله ردن واخرب شكله جانت كلش مضيقه علينه والمساحه الي نتحرك بيه حيل حيل ضيقه ومبالغ بيه بس شنسوي
الحفله جانت اجنن هواي حلوه وراقيه وكلش هواي صارف عليه أركان لان مابيه اي خلل متكامله بحيث كل الي كاعدين عجبتهم وكالو من زمان محاضرين هيج حفله وساره شكله حيل حلو طلع تغيرت تغير جذري وسرى حيل كيوت طلعت اخر العنقود

أركان. من رجعت من الحفله مالتي طلعت وي جماعتي ما رجعت للبيت جنت عازمهم بمناسبة خطوبتي وطبعاََ سامر على رأس القائمه وحيل فرحو بيه وظليت وياهم بعدين رجعت لكيت اهلي مسويلي حفله وخالين كيكة ومشغلين ديجي
انقهرت من شفت امي واذكرت ما حضرت الحفله كله غرور بروحه وبدت تسئل ها شلونه الحفله وشلون طالعه العروسه اسمع وما اجاوب
خوات أركان. الحفله تخبل فد شي راقي بس العروسه مو حلوه طالعه يعني هي شكله هيج شتريد ام الصالون تغير بيه قابل أركان بهواي احلى وارتب منه وحركاته كله جانت مو حلوه

أركان. تخبلت من سمعت خواتي يغردون على ساره
بله شنو الي مو حلو لبسه لو مكياجه لو جمال عيونه لو ترتيب شعره لو لو....

خواتي. مجان شي مو حلو احنه انكول هي مو حلوه انت احلى منه
أركان. يعني بربكم ساره مو حلوه هل الجسم والطول والشكل البريء مو حلو والله عليكم أذواق
ضجت حيل بس ما ردت اغثن ابد
وظلو يصنفون ويحجون بينهم

ام أركان. أني ترى شايفته للبنيه ليش مو حلوه بالعكس واصلاََ هي وأخواته كلهن حلوات على امهن
وبصراحه ما اتوقع وحده منكم احلى منه

ابو أركان. هاي شبيكم هي على الجمال والله مو مهم بكد ما هيه كون تطلع خوش بنيه وتصون أركان وتحبه

أركان. صافن شلون مهزله بعدني بالبدايه وبدت الاراء السلبيه كله تطلع اصلاََ مو وكته
يله بلشو بالحفله لو نظل نحجي وننتقد

ابو أركان. تعال يمي
أركان. ها بويه
ابو أركان. ما صورته لمرتك خلي اشوفه
أركان. مصوره هاك شوف
ابو أركان. اللهم صلي على محمد
الله يسعدكم شبيه تخبل جنه وجه ممثله ليش مو حلو ادكولون على مرت اخوكم ولكم وتكسرون خاطره
ام أركان. شو راويني
الله تخبل وشلون لبس حلو ومكياج كلش حلو اصلا اي خلل ماكو ليش ادكولون مو حلوه

خوات أركان. ب الكاميره هيج طالعه
أركان. يابه أني غلطان مو حلوه صدك بس كون تفض
احتفلو وقطعو الكيك وكلمن راح لبيته كمت سبحت واجيت اريد انام بس ما اكدر عكب الي شفته اليوم اويلي كيكة مو بنيه حرام اتمنيته يوم زواجي وهي هيج بين ايدي اويلي شجان سويت
اخابر مترد اراسله مجاوب ظليت ادك لحد ما جزعت ونمت وهي ماكو