الحب لا يعرف القيود

البارت الحادي عشر

ساره. كعدت الصبح واني مشبعانه نوم لان الليل كله كاعده أفكر شلون راح يكون أول يوم اليه بالجامعه وما اذكر شوكت نمت
كمت واني بكل نشاطي وشوق اريد بس اروح وادخل هذا العالم
سهى. اباوع لساره شلون نشطه وكله حيويه راح اداوم وتحقق حلمه هذا الشي حيل يسعدني انه هي راح توصل للي تريده كمت بدلت ونزلت مستعجله ابو الخط يتصل عليه دا انزل وبكل سرعتي من الدرج وكعت ورجلي انلوت بطريقه بحيث سمعت صوته عزه الوجع مينوصف كمت بكل ألم ولبست وطلعت بس أعرج ما متحمله الألم وداومت لان ساره اول يوم دوام ادليه بالقسم مالته وادليه النادي وخط ما عده فلازم اداوم وظليت طول الدوام بس اريد يخلص اليوم وارجع
ما صدكت من خلصت اخر محاضره يوه يا من يوصلني للبيت الألم كل ساعه تمر يزيد

رجعت للبيت وبده الألم يزيد واخذني أبويه للدكتور وطلع عندي فطر وجبسو رجلي ومنعوني من الحركه وأخذت اجازه مرضيه وكعدت بالبيت انتظر أطيب يله اداوم وره بدت رجلي تورم والجبس يضيق ورحت دكتور ثاني وطلع التشخيص غلط وفك الجبس وكلي مجرد راحه وبقيت بلا دوام شهر كومه مواد فاتتني وهذا أصعب شي بالنسبه لأختصاصي لان دراستي صعبه

ساره. رحت للجامعه اول ما دخلت دلتني سهى القسم ورحت دورت القاعه طبعاً مرحله أولى منصبت القسم الكل يضحك عليهم لان جدد ميعرفون شي بس اني سهى فهمتني هواي شغلات
صعدت ودخلت للقاعه وتعرفت على بنيه جانت ويايه بالمدرسه بس ماكو بينه علاقه مجرد سلام بس هنا هي الوحيده الي اعرفه المهم كعدنه سوه واتفقنه اروح ونرجع سوه لان طلع بيتهم قريب علينه لحد الأن تمام حتى نشكل خط ما اكدر وي سهى الوقت مختلف
وراه نزلت أني والبنيه للنادي لان ريست ورجعنه صعدنه لكينه واحد طالب كاعد بمكان الاستاذ وناصب على الطلاب على اساس هو استاذ ردت ادخل كلي وين طلعي بره ليش متأخره ما حجيت اي كلمه دخلت اخذت الي أريده وطلعت جان يصيح ورايه بابا أني هنا استاذ لو صنم كتله لا بس انت طالب ودتمثل على الطلاب ضحك من كل قلبه كلي شمدريج كتله امبين لان انت لابس الزي الرسمي ههه
وعفته وطلعت هو هم ضحك والطلاب كلهم يضحكون على روحهم لان وكعو بالفخ مالته

صبا. أني صديقة ساره الي تعرفت عليه بالجامعه راح أصير من أقرب صديقاته أني وساره يربطنه شبه عجيب بس الاختلاف أني عيوني بيهن لون عسلي واضح ساره لا واني بشرتي حنطي ساره بيضه وأني معاني كله خشنه بس مرتبه بس سبحانه الله ماكو احد شافنه مكال خوات انكله صديقات حتى الاساتذه راح ينتبهون لهل الشي

ساره. خلص يومنه واني كلش حبيت علاقة صبا لان نفس طبعي ونفس لبسي وجان شرط أبويه صديقتي تكون نفس ذبتي مو اي وحده اصادقه حتى هنا ي محمد لاحكني 😁واتفقنه نسوي خط وصبا كالت جيرانهم يشتغل خط وعنده مكان فراغ لثنين بنات خلص النيه صافيه اتفقي ويا وأخذت رقمه حتى نتحاجه ونتفق اكثر

رجعت للبيت هلكانه من التعب وجان بيه طبع من أرجع اسولف لأهلي شصار ويايه بالتفصيل الممل أبويه جان يكيف على هل الشي يحس مضامه عليهم شي وبنفس الوقت أني أحب أحجيلهم وابد ما أمل 🤭🤭...سهى عكسي تماماََ لا تحجي شي ولا تتنفس ويا دوب انشوفه وقته كله دراسه ومن تخلص تكون صدعت تاخذ علاج وتنام وها للمعلومات سهى جانت تتخبل من شي اسمه شقه اوضحك وشخصيته هواي يغلب عليه طابع الجد وبنفس الوقت ذكيه كلش...