الحب لا يعرف القيود

البارت السابع والثلاثون

البارت السادس والثلاثون

أركان. يصادف عيد ميلاد ساره وره زواجنه ب ٤ ايام وقررت اسويله مفاجئه رحت سويتله كيكه وجبت شموع بعمره ونفاخات واماعين وكلاصات وهل السوالف وكتله صعدي بدلي راح يجي سامر هو وزوجته

ساره. صعدت بدلت وخليت مكياج نزلت لكيت باب الصاله مسدوده فتحته شفت أركان لابس دشداشه بيضه وكدامه كيكة وعمي كاعد على الكرسي مالته يمه بس دخلت
أركان. من دخلت شغلت الاغاني اله ورحت جبته بست وعايدته وكصت الكيكه وابويه بأس راسه والفرحه تلمع بعيونه من فدوه لعيونه
ساره. فرحني حيل وب الفعل وره شويه اج سامر هو وزوجته وأمه وكعدو هم يم عمي واحنه النسوان ب الصاله من خلال مرت سامر وأمه عرفت انه هم ناس فقراء حيل من الناحيه الماديه بس شلون اخلاق وتربيه وأدب شايلين يسون الفلوس كله بس عمتي من عرفت بيهم هيج سحكتهم بس عوزه تطردهم وكامت تستهزء ب امه وزوجته من يمي خجلت وشكد حاولت اجاملهم مفاد بعد لان ام البيت ضحكت عليهم

أركان. سامر لطش اكلك سامر
سامر. ها كول عريسنه
أركان. اليوم تبات انت
سامر. هاااا لا عيني شبات رايح كوم صيحلي اهلي
أركان. اي بعد عمك ألكفه هي وطايره روح
كمت صحت لأهله وراحو
صعدت قبل ساره وصحتله من فوك حبيبي
ساره. جنت ألم هوسه المطبخ
جيتك حياتي
كملت وصعدت
أركان. بس دخلت كمت اله بسرعه خطفته لحضني
متريدين اعايدج
ساره. انت عيدي كله حبيبي وما قصرت يخبل كل شي فدوه لعمرك حبيبي
أركان. اريد مكافئه
ساره. اطلب واتمنى
أركان. أريد حصتي منج
ساره. هههه وخر خلي اكول ابدل ونتفاهم
أركان. كومه ماكو قبل لا أخذ الي أريده

ساره. واني مكايله لا بس خلي ابدل لان مضوجني البس بس ما كدرت أكوم استلمني وضيعني ويا لغير دنيا

محمد. ام ساره اكتبيلي شنو محتاجه لباجر حتى ما انسى شي واكدي على سهى تجي من وكت وأختج هم هي وبناته همزين بعده مراحت حتى وياكم

ساره. باجر معزومه يم اهلي لان السابع مالتي وحضرت شنو راح البس وعازمين عيالي كلهم هم ونسابتهم
أني صار يومين اطبخ راحو حمواتي واني بلشت طبخ وحيل حابين اكلي وعمي خطيه ياكل قليل يخاف يسمن وهو مقعد وشنو اقدمله يكلي يخبل جنه اكل مطاعم من زمان ما ماكل هيج اكل كمت اركز على أكله وبالليل مياكل خبز لازم اكل صحي اسويله بيض مسلوك وبتيته وسماك عليه أو شوربه وبيه قطع دجاج او صدر دجاج بس مياكل هواي وبس يدخن وجاي
ابو أركان. عمو لتعبين روحج بس جاي وجكاير اريد
ساره. عمو طلب صغير
ابو أركان. كولي
ساره. قلل الجاير موزين عليك وعلى صحتك واني اكره ريحة كتله هيج حتى يتركه
ابو أركان. ما ول متحبين ريحته راح اقلل منه لخاطرج
ساره. اشكرك عمو
ظليت كاعده احجي وي عمي ب الحديقه وراه دخلت جان تستلمني ام اركان
ام أركان. ها شعدج كاعده وي عمج بره خير شنو جنتي تحجين ويا وشنو تريدين منه وشلعبتي بعقله
ساره. ههه سئلته شنو يريد عشاء وطلبت منه يقلل تدخين
من رخصتج عفته ردت اصعد الدرج نزل أركان
أركان. ساره تعالي اريدج
ساره. ها حبيبي
أركان. طبعاً مبدل أني
١٠ دقايق بدلي ونزلي راح نطلع
ساره. صدك شعجب
أركان. ها متريدين براحتج
ساره. لا اريد يله انتظرني
بسرعه بدلت ونزلت جنت لابسه بنطرون وبدي وفوكاه بليره طويله
ام أركان. هذا شنو لبسج اصعدي بدلي
ساره. شبي
ام أركان. مو مال طلعه يله اصعدي بدلي
أركان. يله حياتي امشي
ام أركان. ليش تقبل تطلع بهيج لبس
أركان. يمه هي لابسه عبايه فوك لبسه وبوشيه شيبين منه
ساره. هنا بهتت يا بوشيه هاي
أركان. اي تلبسين بوشيه
ساره. بس ما عندي
أركان. هاي اني حضرته الج لعد وحد عن امي مو تلبس
ساره. ما اعرف ليش لبسته بدون اعتراض وطلعت ويا بس اتعثر
اخذي لسوك الذهب اخذلي هدية زواجنه حلقه كله شذر كلي هاي بس من تطلعين لمكان وذيج خليه للبيت
حيل فرحت بيه بس البوشيه مخربه فرحتي رجعت ضايجه وما احجي الطريق كله ساكته وهو يلح شبيج يمعودة واكله من وره البوشيه