الحب لا يعرف القيود

البارت الثالث والثلاثون

🥰🥰

سهى. ههههاي شلون كبسه حلوه
ساره. هههه يله اليوم اني باجر انتي وامي كل عقله المفروض تغلس حتى بهاي تتحكم خرب
سهى. اي المفروض تسكت لحد ما انتي اصيرين حامل عود ادكلج ترى عيب ماما لو خالته وره الزفه 😂😂😂😂
ساره. اي والله أركان بالذات ولا راحه مو بيده من الله يمكن
أركان. رجعت للبيت احس روحي منتصر عليه شنو أكله ها عيب ها استحي خاف اهلي ميقبلون عباله بعده بحكم اهله

سهى. كعدت من الصبح أني مجازه رحت للصالون أني وامي ساره دوام عده المديره حقيره
بدت تشتغل بيه لحد ساعه ٣ الظهر يله خلصت شغل بيه بس طلعتني فد شي

ساره. داومت واني ميته قهر اخت العروسه عود لو الله خالقني قلم زايد ولا هل العيشه يس اريد اطلع
كملت دوام رجعت ركض سبحت ورحت للصالون سويت شعري ورجعت للبيت خليت مكياج أني ورتبت نفسي وجنت مشتريه فستان احمر الصدر شيفون كله وينزل على الزند منه شيفون وبي نمنم بسيط كلش والباقي ستن وتنزل وصله من الصره شيفون كلش حلو لبسته ورتبت روحي طبعاً راح يجون خوات أركان وخالته امي عزمتهم ادكول عيب صرنه نسابه

كملت استوني اريد انزل دخلت سهى اجنن طالعه حيل نزاكه لان سهى معانيه ناعمه كل شي بيه صغيره بس عيونه كبار ومكحلات كأنما امكيجته بطريقه اجنن هواي حلوه طالعه أني اخشن من سهى واطول ومعاني وجهي كله بارزه واكبر ووجهي أعرض فطلعنه كل وحده شكله يختلف عن الثانيه

سهى. رجعت بسرعه بدلت امي أصرت اخذ كوستم للحفله ما قبلت فستان عده فد سوالف حاكمه روحه بيه وحاكمتنه وياه
القطعه الفوك لونه بيضه وبيه شغل بصلي والقطعه الجوه لونه بصلي ساده ومابيه اي شغل نازك حيل بس مو مال حفله ابد
بدلت ونزلت جوه هم مرتبيلي كعده وخالين الصينيه مال ساره وادواته الكلاصات والماعون والسكينه مال الكيك كلش حلو ومرتب الميز ومهدي جايب كيكه شكل قلبين واحد بصف الثاني

مهدي. وصلنه لبيت سهى ودخلو اهلي اني ظليت بره واكف يم احمد وكال خابرت نسيبنه الثاني راح يجي حتى تتعارفون ومعزومين بالليل نطلع سوه
جو حلو وكلشي مرتب وعلى حسب الأصول وره شويه اجه النسيب لا هاي شنو هذا أركان شنو ماخذ المن منهم
أركان. سلام عليكم
شلونج حبيبي أحمد
شلونه مهدي الغالي
مهدي. هله عيني
شنو انت المن ماخذ
أركان. أخت المره
مهدي. لا والله شلون صدفه
طبعاً نشتغل بالسوك نفسه وجنه بالجامعه هم بينه سلام وماخذين صور سوه سبحان الله شلون صدفه
سئلت أركان شنو نظامهم وشنو اسوي من ادخل
أركان. بيك ومتبوسه فرصه هاي وصور ذكريات تبقى وبعد عمك لتقصر بالحجي المشفر
مهدي. هههه لتوصي حريص
ام مهدي. دخلنه الجو حلو ومحضرين ديجي اهل العروسه بس كتلهم يطفوه لان اغاني واني استحرم
ساره. ضجت من كالت طفوه لان حرام اي هي غير فرحه لو شنو
ام سهى. اكول حبيبتي مله ماكو
ام مهدي. أني مله وصوتي حلو هسه أقره
وراه كتله خلي يدخل الولد يلبسه حتى براحته
ام سهى. بكيفكم
سهى. صحت لساره حتى ترتبني خاف اكو شي بيه مخربط
ساره. تخبلين جنج كمر ماكو شي بيج مخربط
مهدي. دخلت اول ما دخلت شغلو اغنية مبروك مبروك يا حياة قلبي مبروك
ساره. أني جنت مسؤوله عن التشغيل بس شغلت اجتي امه تركض طفي حرام
كتله ميخالف خاله بس هاي الاغنيه علمود التصوير ان اشيل ذنبج
دطيري هي باقيه على الاغنيه كومه حرام يسوي الإنسان بس الاغنيه حرام شعب فاهم الموضوع غلط
بهل الاثناء خابرني أركان
أركان. حبيبي اطلعي بره
ساره. شكو ليش
أركان. أني بالطارمه
ساره. شجابك
أركان. معليج
ساره. طلعت صدك هذا موجود اجه تقرب عليه لج شطالعه تخبلين حتى احلى من حفلة عقدنه وشنو هذا الأحمر حياتي خجلت كلش منه وكتله روح منا ناس وتركته ودخلت