HIS HIDDEN IDENTITY (BOOK 1) (COMPLETED)

Chapter 43

Chapter 43: 'Start for Loving'

Ahli's POV

"TALAGA? PAANONG----OH MY GOD! KAYO NA?!"-di mapigilang bulalas ni ayna habang may nanlalaking mata. Bahagya pang nakahawak siya sa kanyang pisngi na tila namumula.

Kinwento ko kase sa kanya yung tungkol sa amin khanz pagdating ko sa bahay nila. Eh hindi na ako nakapagpigil dahil ako eh hindi ko maitago ang kilig ko!

Oo! Tangina! Kinikilig ang bruhang katulad ko! Akalain mo yun, nagagawa din pala akong pakiligin ng damuhong yun? Hindi ko padin kase nakakalimutan ang nangyari sa amin noong nanood kaming banda. Isang araw na ang lumipas pero mas malinaw pa sa sinag ng araw ang nangyari sa amin noon!

"Sigurado ka ba? Baka naman lasing ka na nun at kung ano ano ang---"

Binatukan ko siya!

Sarap makabasag ng babaeng to eh! Nawala tuloy yung ngisi sa labi ko.

"Aray! Bat ka nambabatok!"-sininghalan niya ako ng tingin at saka binato ang hawak niyang mangga.

Nanlaki ang mata ko dahil sobrang laki nung binato niya buti na lang, nakaiwas agad ako!

"Ano ba! Balak mo ata akong bigyan ng bukol noh?!"-sigaw ko sa kanya.

Inirapan niya ako at saka bubulong bulong na nagbalat ng mangga.

Nandito kami ngayon sa labas ng bahay nila ayna. Wala akong magawa sa bahay kaya naman naisipan kong bisitahin tong bruhang to. Baka di na humihinga, lol. Nasaktuhan ko namang binabalatan niya yung mga mangga, kaya nakisali na ako.

"Grabe ka rin eh! Wala pa akong nakakain simula ng dumating ka! Kanina pa ako balat ng balat dito habang ikaw naman eh kinakain lahat ng binabalatan kong mangga! Ang kapal ng mukha mo!"-mabilis niyang kinuha ang Isang mangkok na naglalaman ng mga mangga dahilan para hindi ako makakuha.

Sinamaan ko siya ng tingin at saka sumandal sa upuan.

"Balik nga tayo sa kwento ko. Iniiba mo usapan eh!"-reklamo ko at saka nag squat sa upuan.

Hinarap ko siya na ngayon ay todo subo na sa mangga na akala mo mauubusan. Tsk.

"Eh pinaglololoko mo naman ako eh! Magsisinungaling ka na nga yun pang ang hirap paniwalaan!"-bulalas niya at saka humigop ng kaunting suka at bagoong.

"Gago! Sinong may sabeng nagsisinungaling ako?"

"Oh kita mo na! Minura mo pa ako!"

Mabilis ko siyang tinadyakan sa sobrang inis.

"Aray! Talagang wala kang sinasanto eh! Pati ba naman ako, sasaktan mo?!"-nakanguso niyang hinimas ang kanyang paa'ng tinadyakan ko.

Umayos ulit ako ng upo.

"Maniwala ka na kase! Sa mukha kong to, nagsisinungaling ako?"-tinuro ko pa mukha ko. Mabilis siyang napangiwi. "Oh ano, aangal ka?"-akmang hahampasin ko siya pero nagsalita na siya.

"Oo na! Naniniwala na ako. To naman, binibiro lang naman kita!"-inirapan niya ako at saka umayos din ng upo.

Kinuha niya ang mangkok na may laman pa ng mangga at saka linantakan na naman niya.

Hanep talaga sa pagka adik nito ng mangga. Hindi na ako magtataka kung pati buto nito eh kakainin niya. Napapabuntong hininga akong umirap.

"Kita mo! Naniwala rin naman pala!"

"Pero sa totoo lang,"-mabilis niyang wika at saka tinabi saglit yung kinakain niya. "Hindi ko aakalaing, magkakagusto ka pa sa iba. Akala ko si zad na eh. Diba ang tagal mo siyang gusto pero nang dumating si khanz ang bilis nagbago."