မနက်ပိုင်းကားမတော်တဆမှုတွေနဲ့ရောက်လာသည့်လူနာများကိုခွဲစိတ်ပေးရသည်နှင့်လူကပင်ပန်းနေသည် ။ ခွဲစိတ်ခန်းရှေ့မှာထိုင်ဖို့လုပ်သည့်အခါ ကလေးလေးတစ်ယောက်ကခွဲခန်းရှေ့တွင်ထိုင်ငိုနေသည်ကိုတွေ့လိုက်ရသည် ။ လူကြီးသူမများလည်းတစ်ယောက်မှမပါ ။ ထိုကလေးလေးတစ်ယောက်တည်းသာ ။
"သားငယ်လေး တစ်ယောက်တည်းဘာထိုင်လုပ်နေတာလဲ"
"ဦးဦးကဆရာဝန်လားဟင်"
"အင်း ခွဲစိတ်ပေးတဲ့ဆရာဝန်ပါဗျာ"
"သားဖေဖေကိုကယ်တင်ပေးမှာလားဟင် ၊ သားဖေဖေကိုကယ်ပေးပါနော် ၊ သားဖေဖေကိုကယ်ပေးနော်"
"သားဖေဖေကဘယ်မှာမို့လို့လဲ ၊ ခွဲခန်းထဲမှာလား"
"အင်း ဟုတ်တယ် ၊ သားမှာဖေဖေတစ်ယောက်တည်းရှိတာ"
ဒီစကားကိုကြားလိုက်ရသည့်ခွန်လေး၏ရင်ထဲတွင် အရမ်းဝမ်းနည်းသွားရသည် ။ ကလေးလေးတစ်ယောက်တည်းအဖေဖြစ်သူကိုစောင့်နေရတာဘယ်လောက်တောင်ပင်ပန်းလိုက်မလဲ ။ ကလေးလေးကို သူ့ပေါင်ပေါ်တင်လိုက်သည် ။
"ခဏလောက်အိပ်လိုက်နော် ၊ ဖေဖေပြီးသွားရင်သားကိုဦးဦးနှိုးမယ်"
"ဟုတ်"
ကလေးလေးကသူ့ရင်ခွင်ကိုမှီကာအိပ်ပျော်သွားသည် ။ သူလည်းနံရံကိုမှီရင်းအိပ်ပျော်သွားသည် ။ သူနိုးလာသည့်အခါ သူနားနေခန်းထဲကိုရောက်နေသည် ။ သူကုတင်ပေါ်တွင်နှစ်နှစ်ခြိုက်ခြိုက်အိပ်ပျော်နေသည် ။ ဘေးကိုသူကြည့်လိုက်သည် ။ သူ့ကိုပြုံးပြီးကြည့်နေသည့်လင်းတာရာကြောင့်သူလန့်ပြီးထထိုင်လိုက်မိသည် ။
"ဆရာကဒီကိုဘယ်လို ....."
"မင်းကတကယ်ကိုအိပ်ပျော်နေတာပဲ ၊ မင်းအိပ်ပျော်နေတာလေးကချစ်စရာလေး"
"ဟို ဟို ......ကျွန်တော်လုပ်စရာလေးရှိသေးလို့ ခွင့်ပြုပါဦးနော်"
လင်းတာရာ၏အရှေ့မှမြန်မြန်ထွက်လာလိုက်သည် ။ အခန်းအပြင်ဘက်ကိုရောက်သည့်အခါ ထောင့်တစ်ထောင့်မှခွန်းသချိုးကွေ့သွားသည်ကိုသူမြင်လိုက်သလိုရှိလိုက်သည် ။
STAI LEGGENDO
SHADOW
Storie d'amoreYou can read not only unicode version but also zawgyi.❤ သျှားခွန်းသ & တံခွန်သစ် သွ်ားခြန္းသ & တံခြန္သစ္ From 8. 10. 2019 To 20. 4. 2020
