SHADOW

SHADOW 8

လက်နှစ်ဖက်စလုံးမှာအိတ်​တွေအပြည့်နဲ့ရပ်ကွက်လမ်း​လေးတစ်ခုထဲကိုဝင်လာသည်  ။  ဆိတ်ငြိမ်ရပ်ကွက်ဖြစ်​နေလို့တစ်ရပ်ကွက်လုံးကတိတ်ဆိတ်​နေသည်  ။  ခွန်​လေးခြံတစ်ခြံအ​ရှေ့တွင်မတ်တပ်ရပ်လိုက်သည်  ။  ခြံတိုင်​လေး​ပေါ်ကလူ​ခေါ်ဘဲလ်​လေးကိုနှိပ်လိုက်သည် ။
အမျိုးသမီးတစ်​ယောက်အိမ်ထဲမှထွက်လာသည်  ။

"မာမား  သားပါ  တံခါးဖွင့်ပါဦး"

မာမားကသက်ပြင်းတစ်ချချ​ခေါင်းခါရင်း  ခြံတံခါးကိုလာဖွင့်​ပေးသည်  ။  ခြံတံခါးဖွင့်​ပေးပြီးတာနဲ့မာမားကအ​ရှေ့က​နေအရင်ဝင်သွားသည်  ။  ခွန်​လေး  လက်ထဲကအထုပ်​တွေကိုချပြီး  ခြံတံခါးပြန်ပိတ်ကာအထဲသို့ဝင်လာသည်  ။  မာမားကဧည့်ခန်းထဲမှာထိုင်ပြီးစာအုပ်ဖတ်​နေသည်  ။  ခွန်​လေး  ဝယ်လာတဲ့ပစ္စည်း​တွေ  ဟင်းချက်စရာ​တွေကို  မီးဖို​ချောင်ထဲမှာသွားထားလိုက်သည်  ။  မာမားကခွန်​လေးကိုအာရုံမစိုက်ဘဲ  စာအုပ်ကိုသာအာရုံစိုက်​နေသည်  ။ 

"မာမား  သားဒီရက်ပိုင်းအတွင်းအလုပ်​တွေအရမ်းများ​နေလို့မလာနိုင်ဖြစ်သွားတယ်  ၊  မာမား​​နေ​ကောင်းလား"

"မင်းမြင်တဲ့အတိုင်းပဲ"

ခွန်​လေး  မျက်နှာ​လေးငယ်သွားပြီး  ​ခေါင်း​လေးငုံ့ကျသွားသည်  ။  သို့​သော်  ခွန်​လေး​ခေါင်းပြန်​မော့ပြီး  အတတ်နိုင်ဆုံးပြုံးလိုက်သည် ။

"​သွေးတိုးစာ​​တွေမစားနဲ့​နော်မာမား  ၊  သားမာမားအတွက်ညစာပြင်​ပေးမယ်  ၊  ဒီညသားနဲ့အတူတူထမင်းစားရ​အောင်  ​နော်"

"မင်းသ​ဘောပဲ​လေ"

ခွန်​လေးကိုတစ်ချက်​တောင်မကြည့်ဘဲ  စာအုပ်ကိုသာဖတ်​နေရင်းပြန်​ပြောသည်  ။  ခွန်​လေးအတွက်​တော့  ဒါ​တွေကရိုး​နေခဲ့ပါပြီ  ။
ဒါ​ပေမဲ့  သူမာမားကိုလုံးဝမမုန်းနိုင်ဘူး  ။ 

"ဒါဆို  သား  ညစာအတွက်ပြင်ဆင်လိုက်မယ်​နော်"

မာမားဆီကစကားပြန်ကို​စောင့်​ပေမဲ့  မာမားကတစ်လုံးမှမ​ပြောဘဲ  စာအုပ်သာဖတ်​နေသည်  ။  ခွန်​လေး  ထိုင်​နေရာက​နေထပြီးမီးဖို​ချောင်ထဲကိုဝင်လိုက်သည်  ။  ​ရေခဲ​​သေတ္တာထဲကိုကြည့်လိုက်ပြန်​တော့လည်း  သူထင်ထားသည့်အတိုင်းဘာမှမရှိ  ။  သူဝယ်လာသည့်အသီးအနှံ​တွေကို  လှီးချွတ်  ​ဆေး​ကြောပြီး  ဗူး​တွေဗူး​တွေနဲ့အကုန်ထည့်​ပေးထားလိုက်သည်  ။   အ​အေးဘူး​လေး​တွေလည်းထည့်​ပေးထားလိုက်သည်  ။  ​အေပရွန်​လေးဝတ်ပြီး  အားရပါးရချက်ပြုတ်​နေသည်  ။  အရွက်​ကြော်​လေး​တွေ  ၊  ကြက်သားကိုချဥ်ချဥ်စပ်စပ်က​လေးချက်ပြီး  အကုန်အဆင်သင့်ပြင်လိုက်သည်  ။