SHADOW

SHADOW 7

အခန်းတံခါးအဆက်မပြတ်​ခေါက်သံ​ကြောင့် ခွန်​လေးနိုးလာသည် ။ အိပ်ချင်​နေ​သေး​သော်လည်းအခန်းတံခါးကိုထ၍ဖွင့်ရသည် ။
အခန်း​ရှေ့မှာပါပါးကခါး​ထောက်ကာရပ်ကြည့်​နေသည် ။

"သားရဲ့စီနီယာ​ရောက်​နေတယ်"

"စီနီယာ ? ဘယ်သူ ......"

အိပ်ချင်မူးတူးရုပ်က​လေးနဲ့​ခေါင်း​လေးတကုပ်ကုပ်လုပ်ကာဧည့်ခန်းထဲကိုထွက်လာလိုက်သည် ။ ဆိုဖာ​ပေါ်မှာမိန့်မိန့်ကြီးထိုင်ကာ​ကော်ဖီ​သောက်​နေသည့်ခွန်းသကို​တွေ့​တော့မျက်လုံးပြူးသွားသည် ။
​ဆေးရုံမှာ​ သပ်သပ်ရပ်ရပ် ဆံပင်​လေး​တွေကို​ထောင်ပြီး မိန်းက​လေး​တွေကိုဆွဲ​ဆောင်နိုင်စွမ်းရှိသည့်ခွန်​လေးက အိမ်မှာကျ​တော့
​ထောင်ထားလေ့ရှိသည့်ဆံပင်​လေး​တွေကအကုန်လဲပြို ဆံပင်​လေး​တွေကအုပ်အုပ်က​လေးဖြစ်​နေပြီး ညအိပ်ဝတ်စုံ​​လေးကအပြာနုနု​လေးနဲ့ အရမ်းကိုချစ်ဖို့​ကောင်း​နေပြန်သည် ။ အိပ်မှုန်စုန်ဖွား​လေးဖြစ်​နေပုံက ခွန်​လေးနဲ့အလွန်ပင်လိုက်ဖက်လွန်းလှသည် ။

"အာ ဂွစာ အဲ စီနီယာ ဒီကိုဘယ်လိုလုပ်ပြီး​ရောက်လာတာလဲ"

"မ​နေ့ကကား​ပေါ်မှာ ဖုန်းကျန်ခဲ့တာ​ရောသိရဲ့လား ၊ အဲ့တာအခုမနက်လာ​ပေးတာ"

"အာ ဟုတ်သားပဲ ဖုန်း ၊ ညတုန်းကအရမ်းပင်ပန်း​နေ​တော့ ဘာမှမသိ​တော့ဘဲအိပ်​ပျော်သွားတာ အခုလိုယူ​လာ​ပေးတာ​ကျေးဇူးတင်ပါတယ် ၊ ဘာလို့အိမ်အထိလာ​ပေးရတာလဲ ၊ ​ဆေးရုံ​ရောက်ရင်​ပေးလို့ရတာပဲ"

ပါပါးကအ​နောက်က​နေ ​ခေါင်း​လေးကိုခပ်ဖွဖွ​လေးရိုက်လိုက်သည် ။

"အာ့"

"ဘာအာ့လဲ ၊ ​စေတနာနဲ့လာ​ပေးတဲ့လူကို​ကျေးဇူးတင်မယ်မရှိဘူး ၊ သားရယ် ခွန်​လေးကအဲ့လိုပဲ ၊ ဦး​လေးကပဲ​သူ့အစား​တောင်းပန်ပါတယ်"

"ရပါတယ်ဦး​လေး ၊ ခွန်​လေးအ​ကြောင်းကိုကျွန်​တော်အကုန်နီးပါးသိပါတယ် ၊ ဒီ​နေ့သူ့နားရက်မို့လို့လာ​ပေးတာပါ ၊ ဖုန်း​ပျောက်သွားပြီထင်​နေမှာစိုးလို့"

"အာ ဟုတ်သားပဲ ဒီ​နေ့ကျွန်​တော့်နားရက် ၊ ​မေ့​နေတာ"

အလွန်​မေ့တတ်​နေသည့်သူရဲ့သားငယ်ကိုကြည့်ပြီးသက်ပြင်းချမိသည် ။ အထက်လူကြီး ကိုယ့်ရဲ့စီနီယာကိုလည်း ​ကျေးဇူးတင်ရမှန်းမသိ အပြစ်က​ပြောချင်​နေ​သေးသည့် သူ့ရဲ့သားငယ်ကို သူဘယ်လိုဆုံးမသွန်သင်ရမည်နည်း ။ အခု​ခေတ်က​လေး​တွေမလွယ်ပါ​ရော့လား ။