မိုးကအသည်းအထန်ရွာနေသည့်ညဖြစ်သည် ။ လမ်းမကြီး၏ဘေးတွင်ကောင်လေးနှစ်ယောက် သူသေကိုယ်သေထိုးနေကြသည် ။
မဟုတ်သေးဘူး တစ်ယောက်ကိုအတင်းဖိထားပြီး သွေးအလိမ်း လိမ်းထွက်သည်အထိထိုးနေသည်လို့ပြောလျှင်ပိုမှန်သည် ။
"ကိုခွန်း မလုပ်ပါနဲ့ ၊ ညီမလေးတောင်းပန်ပါတယ် ၊ သူ့ကိုလွှတ်ပေးလိုက်ပါ နော်"
"အဲ့ကောင်ဘက်ကကာကွယ်ပေးမနေနဲ့ ၊ အဲ့ကောင်ကနင့်ကိုချစ်လို့လား ၊ လူမဆန်တဲ့အကောင်ကိုနင်သနားနေစရာမလိုဘူး"
"ကိုခွန်း ညီမလေးဗိုက်ထဲကကလေးရဲ့သနားပါ ၊ ညီမလေးရဲ့ကလေးကိုအဖေမရှိဘဲမရှငိသန်စေချင်ဘူး ၊ ကိုခွန်း တော်ပါတော့နော်"
"ဟျောင့် ငါ့ညီမမျက်နှာရှိနေလို့နော် မဟုတ်ရင်မင်းဒီနေရာမှာသေပြီ ၊ မင်းငါနဲ့ငါ့ညီမအရှေ့ကိုဘယ်တော့မှပြန်ပေါ်မလာနဲ့ ၊ မင်းပြန်ပေါ်လာတဲ့တစ်နေ့ မင်းသေနေ့စေ့တဲ့နေ့ပဲ ၊ လာ ပြန်မယ်"
ညီမဖြစ်သူရဲ့လက်ကိုဆွဲပြီး ညီမလေးကိုကားထဲအတင်းထည့်လိုက်သည် ။ လမ်းမကြီး၏ဘေးတွင်သွေးအလိမ်းလိမ်းနဲ့ကောင်လေးတစ်ယောက် ပက်လက်လန်၍ကျန်နေခဲ့သည် ။
သူ့ရဲ့မျက်လုံးတွေဖြည်းဖြည်းချင်းပွင့်လာသည် ။ သူသက်ပြင်းတစ်ချက်ချလိုက်သည် ။ ညီမလေးအတွက်နာကြည်းနေတဲ့စိတ်ကအခုထက်ထိမပျောက်သေးဘူး ။ ဘေးနားက စားပွဲလေးပေါ်မှာတင်ထားသည့်ဖုန်းလေးကမြည်လာသည် ။ သူထထိုင်လိုက်ပြီးဖုန်းကိုကြည့်လိုက်သည် ။
"ဘာလဲမိနွေ စောစောစီးစီး ၊ ကလေးနေမကောင်းလို့လား"
"သူပြန်ရောက်နေပြီဆို ၊ ကိုခွန်းသိထားလား"
"ဘာလဲ ဘယ်သူပြန်ရောက် ........ ၊ မိနွေ နင် ......"
"ဟုတ်တယ်ကိုခွန်း ၊ ညီမလေးကိုယ်တိုင်မျက်စိနဲ့တပ်အပ်မြင်ပြီးသွားပြီ ၊ ကိုခွန်းဘာလို့မပြောခဲ့တာလဲ"
"မိနွေ ငါ့ခံစားချက်ကိုနင်နားလည်လား ၊ အေး နင့်စိတ်မပြတ်မသားတွေကိုငါသဘောမကျဘူး ၊ နင့်အစ်ကိုဖြစ်တဲ့ငါကညီမဖြစ်တဲ့လူကိုထားသွားတဲ့ခွေးလိုကောင်ကိုကြည်ဖြူနေရမှာလား ၊ နင်နားလည်စမ်းပါ ငယ်တော့တဲ့အရွယ်လည်းမဟုတ်ဘူး"
KAMU SEDANG MEMBACA
SHADOW
RomansaYou can read not only unicode version but also zawgyi.❤ သျှားခွန်းသ & တံခွန်သစ် သွ်ားခြန္းသ & တံခြန္သစ္ From 8. 10. 2019 To 20. 4. 2020
