فى صباح اليوم التالى استعدت هدى لاول يوم لعملها ثم نزلت وركبت سيارتها واتجهت إلى الشركه بينما نور كان ما زال نائما بعد سهرة طويله صعدت هدى إلى شرين لتستلم العمل
هدى : صباح الخير يا انسه شرين
شرين : انسه ايه بقى أسمى شرين وبس احنا بقينا زمايل
هدى : ماشى يا شرين كنت عاوزة اعرف مكانى فين وطريقه الشغل و
شرين ( بأبتسامه): أهدى شويه انتى مستعجله كدة ليه
هدى : معلش حماس اول يوم بقى
شرين : ماشى تعالى معايا واقولك على كل حاجه
تذهب شرين ومعها هدى إلى مكتبها والذى يفصل بينة وبين مكتب نور باب فقط وفى هذا الأثناء ينزل نور من غرفته مبتسما على غير عادته ليجد والدة حسن الشهاوى ووالدته دولت عزيز يفطران قبل امه وألقى الصباح على والدة وجلس على طاوله الافطار
نور: صباح الخير يا ست الكل صباح الخير يا ابو على
تنظر دولت الى نور ثم إلى حسن مندهشه من ابتسامته الواسعه والمزاج المعتدل جدا
دولت : خير يا حبيبى كسبت اليانصيب ولا ايه
نور ( باستغراب) : ليه
دولت : اصل شيفاك على غير عادتك مبتسم ورايق قوى
حسن : ليه متعرفيش الى حصل امبارح يا دولت
دولت : خير يا ترى
يضحك نور وهو يعرف أن الاخبار وصلت لهم من أخته شرين ومن غيرها يعطى التقارير اليوميه عنه غيرها
حسن : مش ابنك طلع بيخاف
دولت : فى السن دى دى حتى عيب
حسن : بس التهديد جاب نتيجه يا رتنى عملت كدة من زمان
نور : خلصتوا القش عليا ولا لسه هتكملوا
دولت : دى لغه مدير شركه
نور : بصراحه لو قعدت اسمع ترياتكوا عليا هتأخر على الشغل
حسن : لا والشغل المرة دى يستاهل
يغمز حسن لابنه نور ليهز رأسه مبتسما ويخرج للشركه
كانت هدى بدأت تفهم عملها وتستوعبه بسرعه اعجبت بها شرين حيث ان هدى ذكيه ولماحه ومنظمه وهذة الوظيفه تليق بها حقا بعد أن عانت من التى قبلها وقبلها وقبلها فكانوا لا يهتمون الا بلبسهم وزينتهم المبالغ فيها كأنهم سيذهبون الى مرقص وليس إلى شركه كبيرة كشركتهم بعد وقت دخل نور إلى مكتبه حيث لم يجد شرين على مكتبها ففهم انها مع هدى دخل ليهاتف شرين طالبا منها القدوم إليه تركت شرين هدى بمكتبها ودخلت إليه
شرين : صباح الخير يا نونو
ينظر لها نور بامتعاض
نور : وصلتى الاخبار يعنى المرة دى بسرعه
ترد عليه شرين وهى مبتسمه ابتسامه عريضه
شرين : طبعا لان المرة دى مختلفه عن كل مرة
نور: جت
شرين : من بدرى
نور : وريتيها شغلها
شرين : عرفتها كل حاجه وهى بسم الله مشاء الله فهمت كل حاجه بسرعه اتمنى انها تطول معانا هتستفيد منها اكيد
تكلمت شرين وتنظر له نظرة لا يفهمها غيرة
نور : روحى على شغلك
شرين تخرج إلى مكتبها ويبتدى نور فى عمله وكانت هدى تتابع الملفات الموجودة على مكتبها بتركيز شديد وبعد مدة يرن جرس التليفون
هدى : افندم
نور : تعالى عندى حالا
هدى : حاضر
اخذت هدى نفسا وفتحت الباب بعد أن طرقت عليه ودخلت
كان نور ينظر لاوراقه وهدى تقف أمامه
هدى : احممم
يرفع نور رأسه وينظر إليها ليتفحصها من رأسها لقدميها فقد كانت تلبس بلوزه نصف كم لونها وردى وبنطال اسود وتضع قليلا من الزينه وتفرد شعرها على ظهرها وتضع( توكه طوق) سوداء على رأسها
نور : استلمتى الشغل
هدى : أيوة
نور : شرين بتقول انك فهمتى طريقه الشغل بسرعه
هدى : دى تخصصى مفيش مشكله
نور : لو فيه حاجه مفهمتهاش تقوليلى أو تقولى لشرين
هدى : تمام
نور : كل يوم الصبح اول ما ادخل تكونى عندى تقوليلى على مواعيدى وتكونى مرتبه الملفات الى راجعتيها قدامى على المكتب وبعد كدة تعملى ليا قهوة
هدى : وحضرتك تحبها ايه
نور : سكر زيادة
هدى : اوكى هبقى أوصى الأوفيس بوى عليها كل يوم بنفسى
يعقد نور حاجبيه وينظر لها نظرة غضب ويبتسم ابتسامه سخريه
نور : بس انا عاوز اشربها من ايديكى انتى
هدى : يا افندم أن ليا مسؤوليات معروفه مفيش من ضمنها انى اعملك قهوتك أو شايك أو اهتم بأكلك الحاجات دى تعملها مرات حضرتك مش انا
وقف نور من على كرسيه وتقدم إليها ليقف أمامها فهى تقل عن طول نور قليلا لترفع هدى عينيها لتنظر لعينيه وهو غاضب جدا
نور : انتى مديرة مكتبى يعنى انتى سكرتيرتى الخاصه الى بتساعدنى فى شغلى وترتب مواعيدى وتحضر معايا الاجتماعات وكمان تاخد بالها من احتياجتى فهمتى
هدى : بس
نور وهو يحاول استفزازها
نور : من الظاهر انك متعرفيش تعملى قهوة ولا شاى ممكن أخلى حد يعلمك
هدى : بعرف اعمل كل حاجه ومحدش بيعرف يعمل قهوة زى قهوتى
نور : اجرب الأول واقول بتعرفى ولا لا ودلوقتى عاوز قهوة سكر زيادة
تخبط هدى رجلها بالأرض وهى تزفر
هدى : حاضر
نور وهو يحاول كتم ضحكته على تصرفها وتخرج هدى لتذهب الى شرين
شرين : مالك يا بنتى هو نور سمعك كلمه ولا ايه
هدى تنتبه لشرين
هدى : ها
شرين : مالك يا هدى فيه ايه
هدى : هو انا ممكن اعمل قهوة فين
شرين : اخر الممر هتلاقى مطبخ كل حاجه هناك بس قوليلى انتى بتشربى قهوة
هدى : لا دى علشان خاطر المدير قهوة سكر زيادة
تتحدث هدى بطريقه نور التقليدية
شرين : اه هو طلب منك تعملى له قهوة
هدى : فاكرنى الشغاله عندة انتى هنا علشان تهتمى باحتياجاتى اكلى وشربى دى لو انا مراته مش هيعمل معايا كدة
تضحك شرين ثم تنظر لهدى
شرين : بصى يا هدى إلى طلبه منك نور دى عادى لأن نور مبيسمحش للاوفس بوى أنه يدخل مكتبه علشان بيخاف على الملفات الى عندة
هدى : ممكن أسألك سؤال يا شرين
شرين : اتفضلى
هدى : انتى ليه بتقوليله نور كدة متقوليش مثلا مستر
شرين تضحك عاليا
شرين : اصل انا ابقى أخته وبنت عمه
هدى : الى هى ازاى دى
شرين : انا بنت عمه واخته فى الرضاعه
هدى : اه بس الصراحه انتوا غير بعض خالص
شرين : ياه من اول يوم كدة عرفتى شخصيه نور لا يا هدى متتسرعيش وروحى اعملى القهوة بدل ما يسمعك كلام تانى وانتى لسه اول يوم
هدى : طيب
تذهب هدى لتعد فنجان القهوة وهى تريد أن تضع ملحا بدلا من السكر ولكن نفضت الفكرة من رأسها فهى لا تريد طردها من اول يوم فى العمل ستكون سبه فى السى فى الخاص بها ثم أخذت صنيه القهوة ودخلت لمكتب نور ووضعت القهوة بجانبه
هدى : اتفضل
وذهبت هدى لتدخل مكتبها ولكن استوقفها صوته
نور : رايحه فين
هدى : حضرتك محتاج منى حاجه تانى
نور : مش عايزة تعرفى رأى فى القهوة إلى من ايديكى
هدى وهى عند الباب
هدى : ميهمنيش
ثم تدخل إلى مكتبها وهى تلعن وتتمتم غاضبه منه فهو فعلا مستفز
أما نور كان مستمتع باغاظتها ولا يعلم لماذا ربما لأنها نوعا جديدا لم يقابله فى حياته بذكائها الواضح من لمعه عينيها جميله لحد مخيف وايضا ذات شخصيه قويه تتحدى اى احد فى سبيل كرامتها كل هذا استشفه من اول يوم لها معه تنهد وهو يكلم نفسه
نور : شكلك هتتعبينى يا بنت الحناوى
يأخذ نور فنجان القهوة يرتشف منها ويستلذ بطعمها فهى حقا تجيد صنع قهوة لا احد يصنعها مثلها وبعد انتهائه من القهوة ارسل فى طلبها لتقف أمامه لترى ماذا يريد ليرفع عينيه إليها
نور : بصراحه القهوة طلعت حلوة قوى بجد اول مرة ادوق قهوة بالطعامه دى وعلشان انا حقانى قلت اقولك مع انى كان نفسى تطلع وحشه ومتتشربش
تنظر إليه هدى بدهشه
هدى : وليه بقى
نور : علشان مطلبهاش منك تانى علشان زعلتى لما قلتلك اعمليلى قهوة بس الصراحه مش هقدر مطلبهاش تانى فياريت متزعليش
تنظر إليه هدى وترتسم على شفتيها بسمه تحاول إخفائها وتتنهد
هدى : ها على العموم إذا كان على فنجان القهوة مقدور عليه هعتبرها اممم( تضع يدها على ذقنها والسبابه على شفتيها كأنها تفكر ) زكاء عن صحتى عن اذنك
نور يضحك من كلامها وهو يتوعدها
نور : حلوة وقويه بس لسانها اه منه
*************************
قلت يا حلويين اكتب ليكم بارتات ورا بعض علشان تقدروا تدخلوا فى جو القصه ارجو تعليقاتكم والفلو تبعكم
