Becoming Empress but She isn't a Girl (Volume 2)

အပိုင္း ၁၄

ရပ်ကြည့်နေခဲ့ကြတဲ့နှစ်ယောက်က တစ်ဖက်ဆီကိုရောက်လာကာ ကျောက်လျင်ကအရင်

" ဖုန်းမင် စိတ်မဆိုးပါနဲ့။ အစောက ငါတို့နောက်ခဲ့တာကိုလည်း စိတ်ထဲမထားနဲ့။ မိဖုရားခေါင်ကြီးက လီချန်းကိုကြင်ယာတော်ရစေချင်နေတာလေ ဒါကြောင့် ငါတို့က နားအေးအောင်လို့နန်းတွင်းကထွက်ပြီး မြို့တကာလှည့်နေတာ။ အဓိကက ကြင်ယာတော်ရှာဖို့ပဲ"

လီချန်းဆီမှအကြည့်တွေကို ကြိုးစားရုန်းကန်ကာလွှဲလိုက်ပြီး ကျောက်လျင်ကိုကြည့်လိုက်တော့ သူ့ကိုရှင်းပြနေရာက မျက်နှာရဲသွား၏။ ထျန်ရှင်းဆိုသူက

" ဟုတ်တယ်။ ဒါပေမယ့် လီချန်းက မိန်းမတွေကိုတစ်ညအိပ်ပြီးတာနဲ့ စိတ်ကုန်နေတော့ အမြဲအနားမှာထားဖို့ အဆင်ပြေတဲ့သူမတွေ့ဘူးဖြစ်နေတာ ဒါကြောင့် ငါတို့တွေ အဆင်ပြေမယ့်သူကိုရှာရင်းနဲ့ ဒီကိုရောက်လာတာပဲ"

" မင်းတို့က မမေးရဘဲ အကုန်ပြောနေတော့တာပဲ အဟက်"

မခန့်မှန်းနိုင်တဲ့အမူအယာပြောင်းသွားတဲ့လီချန်းကို ကျောက်လျင်နှင့်ထျန်ရှင်းက လန့်သလိုကြည့်သည်။ နောက်မှ နှစ်ယောက်သားအသံတိုးတိုးဖြင့်

" ဖုန်းမင်ရှေ့မှာ ငါတို့က ..."

" ငါတို့က မင်းကိုအမြင်ကောင်းရစေချင်တာပါ"

" အမြင်ကောင်း ငါမိန်းမတွေနဲ့တစ်ညပဲအိပ်တယ်ဆိုတာက အမြင်ကောင်းပေါ့ သြော်"

" အာ လီချန်းကလည်းကွာ..."

" ငါတို့က မင်းကောင်းဖို့ပဲကြည့်တယ်ဆိုတာ မင်းသိပါတယ်"

အပြန်ပြန်အလှန်လှန်ဖြေရှင်းနေတာကိုကြည့်ပြီး သူနားလည်လိုက်ရသည်က လီချန်းဆိုသူမှာ ဒုတိယမင်းသားဖြစ်မည်ကိုပင်။ အိမ်ရှေ့မင်းသားထက် စွမ်းအားပိုကြီးသည်ကလွဲလျှင် မိန်းမလိုက်စားပြီး အပျော်အပါးသာမက်သည့်မင်းသားဟု လူသိများသော လီချန်း။

မြို့တော်က သတင်းတွေက ရွာထိ တော်ရုံမရောက်ပေမယ့် မင်းသားနှစ်ရဲ့ မြှာပွှေမှုအကြောင်းကတော့ ကလေးကအစသိသည်ပေ။ လူကြီးတွေက ကလေးတွေကို မင်းသားနှစ်ကိုသာဓကပြပြီး ဆုံးမနေကြဖြစ်သည်မို့။