مشاعر ممتزجه (مكتمله)

بارت 18

.. شنووو
.. اي بابا اريد اروح لبيتي
.. ودش يبا ليش ترحين لبيتج تعاي ويانة لبيت اهلج هم امج يمج تداريج والبنوات عشق ورفولة يمج اذا بيتج منو اليداريج
.. لا يبة اروح لبيتي احسن وهاج موجود وهم اخذ وياي البنات يدارني وخالتي موجودة وامي  هم تجي وياي

اكثم .. هذا هو براحتج حبيبتي وين ماترتاحين روحي
احمد بتنهيدة .. ماشي يبوج وين مايرحيج روحي

عشق ...
طول مااحنة بالمستشفى حمودي ماطاح من حظني ومااقبل انطي لااحد حتى وديان من صحت انطيتهيا شوي واخذتة هههه
احسة بهاي الدقايق صار روحي اوييلي شحلاتو يربي ومنا اني خوش مااحب الاطفال

وديان .. لج عشق اريد ابني اريد اشوفو
عشق .. تؤ تؤ صار ابني يلا ولي منليدج موو حمودي احنة ماليد هاية مو حلوة انت ليدني

وديان .. وج هو وين يفتهم تحجين ويا وانوب تريد تاخذ ابني خوش والله
عشق .. كيفي احجي ويا خالة وابت اختها انتي شدخلج لو غيرانة ننننن عود طيبي ذيج الساعة انطيجيا

نداهر اني ووديان والكل يضحك علينة بس نضراتي وكلبي راحو للشخص الي واكف يم الباب واحس نضراتو اخترقتني
نضرات اول مرة اشوفها
اول مرة يباوعلي بهيج نضرات حبيتها وماعرفت افسرها بس جانت حاوية ابتسامة وفرحة وامل

شافني انتبهتلو وصافنة علي وكف عدل وابتسم وغمز
يمممة احس وجهي اشتعل ناار رئسا دنكت بس احس خدودي يشعن حرارة

ماحسيت الا ضحكت وديان ولازمة بطنها
... هههههههههههههه
الكل .. شكو شبيج
وديان .. شبيكم واحد مايضحك فرحانة وضحكت بس صدك ماتحسون هنا الجو صار حار شوي لدرجة احس خدودي صارن حمر وغمزتلي

اباوع سيروان ووهاج كوة حابسين الضحكة وهاية الحقيرة توها طالعة من الموت وتبسمر بسيطة اني الج خزرتها ودرت وجهي

ثاني يوم طلعوها وراحت لبيتها
اسيد واكثم راحو للدوام ماكدرو يبقون  وابوي وعمو رجعو للبيت تعبانين وامي رجعت وياهم هي وريفال رحنة اني وبابا احمد وخالتي ام اكثم وياها وهي طلبتني بالاسم علمود اروح اداريها ماعرف شنو غايتها بس اني ماهمني فرحت لان راح اروح وي حمودي 

وصلنة هناك ودوش ساندها وهاج ويمشي بيها اخذها لغرفة جوة لان متكدر تصعد فوك واني شايلة حمودي خليتة يمها وطلعت للمطبخ لكيت نبأ وليليان خطية مسويات غدة وسوب لودوش
لكينة ام سيروان وابو رايحين لان كالو علساس ابو عندة شغل ضروري مكدرو يتأخرون وبقة سيروان والبنات هنا فترة ويرجعون

رحنة كعدنة يم وديان ونسولف واني وياها ملاطش على حمودي هههه
وطبعا الجلسة ماتخلص من نضراتو تجاهي

عجيب على جرئتو بابا احمد كاعد وهو عيونة منزلت مني

التفتت لاارادي صارت عيني بعين بابا احمد خزرني بعينو خزرة واشرلي بحاجبو اطلع