عشق
طلعوني كعدت بالصالة وعلكو الاغاني والهوسات وتجمع الكل هلاهل وركص
كامو الخوات امي وخالتي هناء وخالتي ام اكثم
وتكابلو يهوسون متت ضحك
الضحكة تطلع من كلبي
انوب كوموني وياهم وخلوني بالنص والكل داير مدايري
وماسولفلكم وديان وريفال لعبو لعب واني ولايكول عروس وخجلانة زحتها كلش هههههه
لحد مكالو اجو اهل العريس هنا كعدت عاقلة عيب بس الابتسامة شاكة حلكي
كعدت فحطانة من الركص صحت ع البنات جابلي مي وكعدت ريفال تعدل بمكياجي وتبوس بية ساعة تهلهل ساعة تركص ولاكعدت ثانية
شوية ودخلو اهل سيروان هواية جاييني اول مادخلو انكلب البيت هلاهل وهوسات تخبل
دمعت عيوني من الفرحة
وكفت اسلم اجت امو فرحانة حضنتني ودمعن عيونها
ام سيروان .. يفدوووة للجمال نيالو لاابني واخيغاا غااح يزووج وليدي وحيدي بالبت اليتمناها كلبو ماتتخيلين فغتي بي شكبرها
الله يسعدددكم يايمة ويهنيكم بحياتكم واطلب من ربي يطول عمغي حتى اشوف اطفالكم
عشق ..بست راسها وحجيت
عمرج طويل خالة انشاء الله تشوفين احفادج واحفاد احفادج ويخليج النة بجاه حبيبو المصطفى
ام سيروان ... يمة يفغحتتي بيكم ماتوسع الدنيا كلها
ابتسمت ونصيت
اجني نبأ وليليان ركض حضنوني فرحانات بزواج اخوهن واني فرحانة اكثر منهن راح انجمع بحبيبي
عرفوني على جدتهم يالله على سوالفها شكد حبيتها وخصوصا لان تنطي شبه لحبيبي حبيتها اكثر هههه
كعدو والبنات التهو بالضيافة شوية واتكابلو ريفال وليليان ونبأ والهلاهل صارت على فلس واقاربنة كلها تسأل عليهن شيقربن للعروس
وهنة صدقة لاللة طالعات يجنن عبالك حوريات بجمالهن
جروني رادو اكوم وياهن اردح واني لا شكلك عود ماعرف وعيب وكذا واني كوة لازمة نفسي مااخذلي هزة 😂😂
شوية وصاحة اجة العريس حتة يحني العروس
شكو ارتباك وخجل بالدنيا صار بية جسمي كلو كام يرجف اشتياق وخجل
وكلبي ماسيطر على دكاتو
التفتت ادور ريفال وديان ماكو اختفن اثنيهن خرب حظي
شوية ولمحت وديان رئسا اشرتلها بعيوني شوية وابجي اجتي يمي لزمت ايدها ايدي ترجف
وديان .. ياا شبيج ولج اذا هسة هيج عجل باجر شلون بيج
عشق .. وديان ماادري شبية ارتبكت
وديان .. هههه من الاشتياق عيني مشتاقة للحب
سوو مجال وبناتنة سترو نفسهن ووكفن على صفحة بس بناتهم قسم لبس حجاب وقسم لا
عرفت حيدخل كعدت عدل وجريت نفس مشتاقتلو مووت
دخل من باب الصالة بهيبتو وجمالو لابس دشداشة وعلى كتفة حزام السلاح ولاف الغترة والسبحة بايدو ضليت صافنة علي وفاتحة حكلي وكفتني وديان
أنت تقرأ
مشاعر ممتزجه (مكتمله)
Romanceخطف مراهقه ليرضي غروره وكبريائه ويبتز بنات عمها وخالتها التوأم للحصول على.... رح تعرفون بلقصه وديان:- بروح ابوك اتركني ابداعت امك ولك لااا اوكف بداعت اختك بداعت اخوك الله يخليك تركني ريفال:- اي مو انته رجال ..مااحس اله راشدي فر خدي فر الله يساعدج...
