مشاعر ممتزجه (مكتمله)

بارت22

وديان.. كملنه ريوك كام وهاج شال الاماعين اللله شكد حلو انته تشتغل وانه مصفطه بس حرامات كلهه جم يوم وينتهي هذا الحلم

.. وليش ينتهي انتي مامطيتني مجال اشتغل وياج افوت للبيت الكا نضيف عجل شسوي اني

.. علاقل ماتترك بطالة العرگ والمزه مالتك بل هول

.. هاي قبببببل هسه غير

.. الله يديمهه هههه

.. حب اني رايح اسبح واكوي ملابسي فوك لان عندي موعد بلسته وي ابو السياره بلكراج راح ابيعهه حته اچمل فلوس البيت ووراها اروح لابو ذاك البيت

.. راح تبيع السياااره!!!!
.. اي ليش
.. شو ماكتلي راح تبيعهه غير تكلي
.. اكلج عليمن ادري بيج ماتقبلين بعد عليمن
.. يعني ليمته لكيت الشرااي ليمته اتفقت
.. انتهى كلشي باجر اسملهه للرجال اليوم بس نروح علمود اوراق
.. وبيش بعتهه
.. هسه شلج غرض بعتهه بسعر يكفينه للبيت ويكفي اشتري قطعه الي وره بيت اهلي
.. هاي الي وره بيتنه
.. اي
.. والله تلعب من وره ظهري كلشي ماادري بايع ومخطط يشتري قطعه وانه ولاادري
.. شبيج حب غير كله علمودج
.. انه ماردت هجي تسوي وتضغط عله نفسك
.. يهون يروحي يهون الج... حجاها وصعد فوك وهو عل درج يكلي

.. فوتي اشربي علاجج بساع
.. اوك كمت شربت علاجي ولميت الاماعين بس اكو الم ببطني حدبت من ورا حته ماغسلت الاماعين بس خليتهن بلسنك نزل وهاج مبدل ملابسو ومتعطر ومشط وكاع يسوي بساعتو

.. اخذتي علاجج؟
.. اي توني شربتو
.. عفيه باساني براسي وراد يطلع
.. اكلج شو بعد مشتاق.ليش ماتبوسيني ظالمه
.. سويتلو بوسه بلهوى
.. بخيله
.. همممم اي عادي ابوسك بس مامغسله من البيض
.. خررب امشي ولي الله وياج.. طلع يركض ويضحك ضحكت لضحكتو رحت غسلت

ورحت يم حماده اللوتي نايم يم ريفال لايحوس ولاينوص يمي ينكلب جني ههههه بستو ورحت لفراشي

اول مانمت عليه ضليت اصفن هيه نومتي وطارت ضلييت اصففن ادري باحمد محروك كلبو امس كاعد عله اعصابو بس انه كمت ابين كدامو انو بعد ماريدو خلي يحترك مثل ماحركني من جنت احبو وهو جان ولامهتمم خلي هجي خل يحس بلي سوا بيه علاقل ماراح ينخطف ويصير بي الي صار بيه خليه يضوگ ربع من تعبي بسببو احس نفسي كمت احقد عليه شيصير لو مامتعاللي عليه بذيج الفتره مو هسه انه مرتو وماصار كل الصار الك بيهه حكمه ربي

فلاش باك 🎬

وديان بعمر 13 سنه مثل كل عطله بيت بابا احمد ينتظر بناتو لمينه ملابسنه واخذنه اكثم بسيارتو والطريق ممل بلنسبه لعشق وريفال بس الي جن رايحه لاحلامي كلساع اضحك وانكت وامي تعيط عليه

.. شبييج بس ضحك اثكلييي ولج والله مليت الله واكبر من وراج ماتموتين واخلص هو العار مايطمه التراب