مشاعر ممتزجه (مكتمله)

بارت 12

هلووو نرجع لاحداث وديان القصه صارت خبطه ههههههه

وديان

وهاج الساعه ب3 اكعد
كاعد هسه شويه..

  وهــــــــــاااااج احجي عجمي اكلك ب3 بعدين وتكول ماكعدتيني

شبيج اتزگحين كعدت... اكلج.حضريلي بنطرون وقميص مكويات

كك
حضرتلو اخذ اوراق بيدو وطلع ضليت بحيره ويمكن اخذ نصيحة سيروان خابرت احمد

.. الو يبه
.. هلا يبعد ابوج شلونج باباتي
.. الحمد الله نعمه مشتاقين
..كافي وديان تأدبي ماربيتج هجي ربيتج عل صح شبيج عد رجلج وتصيحين مشتاقين
..يووو شلقصه مو هذا قصدي
..قصدج او لا هذا الشي عيب وحرام انتي عله ذمة رجال وانه هم عندي مره عله ذمتي صح طلكت محكمه بس عله ذمتي حته لو ضلمنه الزمن مايصير هجي

..اوووف لاتاكلني وتشربني اعرف عليمن جايتك وبعدين رزلني
..والله طولان لسانج زعطوطتنه يلا احجي
..راح اصير ام كافي تصيحلي زعطوطتنه

.. خوش بس تحجي شبيج
.. وهاج....... 
وماادري هسه اجر ويا عدل وامشيهه لو اضل عله طبعي
.. ودوش بويه 
..ها
..محد دايم لاحد
..يعني؟
..جري وي رجلج عدل هذا متندم صدك ويمكن بعد يومين تجي منو سوالف ماتتوقعيهه منو تكولين معقوله هجي يحبني وهاي راح يشتريلج بيت فوگ طاقته والله لان عجبج ولان يريد يصلح خطؤ جري عدل يبه وانسي احمد ارجعي بذاكرتج لمن جنتي تعتبريني ابو الج

..والعبره خانكتني جاوبتو انشالله
..بعد محتاجه شي يبعد ابوج
..لا
..يلا عجل لان انه بلدوام
..مع السلامه
..مع السلامه بنيتي

سديتو وانه الف فكره براسي بلنعايه شفت روحي هاي الايام عندي فد شي بداخلي لوهاج بس مااريد اصدكو انو انه بديت اتقبلو 

دخلت للغرفه لميتهه وعطرتهه وبردتهه وبدلت رحت لمجمع نسائي قريب عل بيتنه جبت منو سيت نوم جديد بس هاي المره غير مو مثل ذيج المره مجبوره هاي المره صدك اريد اصالحو لان صدك تغير

رحت لصالون جانت جيرانه وماعدهه زبائن ف بساع تخلص اذا اروحلهه كتلهه اريد اصبغ شعري احمر كرزي وخصل صفر مااتذكر اسم اللون الاصفر شنو جان بس هو اصفر(  مستقبل القصه  راح تعرفون ليش وديان ماتتذكر)

بساع صبغتلي وخصلت مر تقريبا ساعه ونص رجعت للبيت سبحت وتمكيجت ولبست السيت جان لونو احمر خمري يعني عل رماني ولون شعري كلب خلقتي طلعني اخبل احله صبغ عليه وكملت كلللشي خابرت وهاج

..الوو
..هلا
..ليمته تجي
..شبيج خايفه
..لا اسأل
..فد نص ساعه
..اها جيب وياك همبركر وبيتزا ومشتهيه موطه خلط فراوله وككو
..حاظر بس موجنهه توهه طلعت مشتهاتج النسوان تشهه باول شهر خاف بيج شي
.. لا عادي
..بس هاي هيه
..اي
..حاظر