مشاعر ممتزجه (مكتمله)

بارت11

اسفه كلش لان مانشرت امس داومت رجعت نمت ولزمت كتبي من ال6لل12 عذروني حبابون

تخجل من ضواك وتنطفي الشمعه✨
واموت عليك من صوتك اسمعه 🕊

✨✨✨✨✨✨✨✨✨✨✨
ريفال... طبعا بعد معانات صار عدنه عرس وراح نخور ونركص واريد العب لعب هههههه هسه تكولون شبيج شوفو الفرحه مو الان عرس ولله انو الان يمكن تحضير صدفه ❤المهم طبعا باجر الحنه واني ممشتريه شي وحته عشق مامشتريه اتفقنه انه وياه انو ناخذ الاء ونروح ياخذنه اسيد وصدك رحت اصيح اسودي بس ماكو فص ملح وذاب رحت للبستان الخلفي ادور علي خاف لابد اهنا يسولف وي ام ظل الطويل بس ماكو باوعت وجان اشوف الشارع العام اوووف اتذكرة اول لقاء النه شكد جنت مرتبكه وخايفه بس حسيت بأمان جانت عيونه صح حادات بس من شافني هدئ حته ميخوفني ولله ماادري يمته حبيته وطحت هل طيحه مااحسيت غير حبيته واريد اشوفه واشتاقله ههههه دخلت وانه افكر وكالعاده اجت السچاچه تكمز {رااح انروح }هههه اثاري لكت اسيد وراح ياخذنه بس من عرفت السمين حياخذنه ضجت لان هاذه فد واحد عوينجي ايباوع عل عشق بطريقه ثوله مثله ولاه فد فاهي وفوكاه يزحف 😂
المهم قنعتني عشقي وبدلا ورحت للسوك شلعت كلبي ياله اختارت فد معقدة
بالاختيار يارب يجي اليوم الي تسحل سيروان بي مليت هل كد ما تسحل بيه خل يعرف الي حباه شكد مزعجه طبعا اني هم اشتريت فستان واحد الحنه قصير كلش والثاني العرس مستر كملت غراض من مكياج وهل السوالف بقة غراض ماما وصت عشق اجيبهن الان اختي روحه بهل سوالف فد نازكه بيه انه اضوج من الفره احب اخلص بسرعه وارجع هي لا طبعا مدام الاء راحت وخلتنه بالمحل واستاذ سمين مدري وين غط ضلينه ننتضر حيل ضجت الان ماعدي صبر كلش فنجان انتبه عل ابو المحل اكلني بنضراته ضليت اباوع عل نفسي خاف بيه شي طالع استغفر الله هسه انه لابسه عبايه سوده من فول ليجوه ليش هيج يبصبص خرب ولله احتارينه وياهم سافره لا خلصت لابسه عبايه متخلصت شكد مكروهين انوب اجه
.. تعالو ادخلوا للمحل انتضروهم جوو (بخباثه)..لا عمو شكرا هسه يجون
انصدم من كتله عموو الغبي هو صح حلو  بس ماله حق يزحف مايدري عدي رجال مالي كلبي وعيني عباله اكلبه وتهي بهي،،عشق ماتت ضحك تكلي ولج يخبل لا ياعمو حلت البركه من اجوو ورحنه طبعا ابو المحل من مرية يمه بتزعلي صفح وكال
(عيونه تخبل وتكلي عمو خرب حضي😂)
متت ضحك علي بس مابية بس مشيت كأنو مسمعت
كملنه كلشي ورجعنه طبعا حجت عشق الي صار بطريق الاخت عاشقه او ولهانه بس تتكبر رجعت ميته تعب اريد بس انام ارتاحيت اخذتلي قيلوله وكعدت لكيت عشق جايبه حبشكلات نزلت بالعلاكه قصف هههه
الحنه.....
طبعا كعدنه من الصبح كالعاده نضفنه و كملنه انوب رحت بدلت وتمكيجت
لبست فستان اسود قصير
بلا غرور طلعت حلوة 😻 ابوس بنفسي وعشق وديان ميتات ضحك علي
ام احمد... ريفااال
.. ها خالتوو اجيت بسته بخذه
.. يبعد عمري يمه انتي نادرة بسرعه تشتغلين دروحي وزعي مي وعصير وكيك ذني كامن يتحججن وعشق تعبت و وديان حامل
.. اي خالتوو من عنوني ياعنوني انتي
اكلج صدك
.. ها يمه
.. هاي شطالعه بداعتي راح تخربين علينه
.. هههه يااا يااا
.. ولله حمره برصه تخبلين ومربربه ذبت شهل جمال
... (بخجل)هههه ولج شهل الحجي
..بخزره) ليكون تردين تتزوجين مدام هناء
... ههههه يا يا فلك طرج انع اتزوج من بعد نزار ام هيكل اسمعي
.........اهنا الصدمه.......
جنت ممنتبه انو ام هيكل واكفه وراي يبووو ولساني جنه رشاشه عود كلت اصير ثكيله كدامه نسحلت ولله
. ها خاله هلا شلونج
.. هلا يمه غيفال شلونج
باوسته وسلمت عليه ودي هيج احضنه بلكي بيه عطره بس ماكو كلعاده خابت ضنوني رحت اكمل شغلي
.. صلوات عل نبي شهل الجمال العدكم ام احمد
... ههههه
. ههههه يا توج شفتيه
.. هههه اي ولله جانت ماتطلع من اجيكم بس مدري يمته شفته يمكن بسبعة وهاج   اي يمكن ومانتبهت عليه بس شصايره
تخبل
.. اي ولله اتخبل ما داحكه اللسان عسل ونوب نادرة تركض ركض
.. هنيالوو ابن عمه يتهنه
.. ياا خيه ما تريدوو تتخبل منوو
.. يااا ليش شبي سمعة من هيكل الولد دكتور ودارس بالخارج ولله حمدلي بي هيكل هواي
.. جا خيه هي مو بالدراسة البت نافرتو كلش مو شلون ماجان
.. خطيه خاف ينطيوه وهي مارايتوو
.. ولله خيه عزيزته ابوه مااتخيل يغصبه
بس خافن ينه عليه ذاك ولهان بيه
.. الله يحله يخيه لجنه خوش بنيه
.. اي ولله يله كومينه هناك
ريفال...ضيفت الكل ومتتالية ضحك عليهن هاي التكلي خل احطلج تطواله الفستان وذيج تكلي جسمج مال كرص وكل وحده تكلي سالفه موتني اجيت اطلع شفت خالتي وعمتي اجن
.. خالتو كملت كلشي
.. عفيه يبعد امج يله روحي تونسي
.. تمام،،، جانت ام هيكل تضحكلي كانو مرتاحتلي يربي وتحجزني😂
رحت للمطبخ حطيتله ضيافه اشتغلت اللواكه كله لجل عيون هيكولي رحتله دنكت عليه
.. ببتسامه)خاله تفضلي
ياا حببتي قابل خطار وتقدميلي
.. لا خالتي بالعكس البيت كله الج والنه الباب
.. حبيبتي الله يوفقج  تعاي اكعدي يمي
.. تمام خاله.. اجيت كعدت يمه
سولفت هي وخالتي و الاحلى هيكل دك عليه
يمه غيفال هاذه ماعرفله وجلبلي هيكل اله اخذو دشوفي شيريد
.. انه
ام احمد... اطلعي يمه بره ردي علي
.. تمام
اخذت الجهاز
.. الو
.. الو يمه اكلج دشداشتي البيضه الي تنطي عل السمائي وين هي والسبحه السمائي يمه شبيج احجي تأخرت احمد حرك الجهاز.... الو
مدري ليش جمدت من سمعته يحجي
.. احم هو هسه اسأله
.. لبوة شيسوي النقال عدج
.. هي خاله كالت اخذي وجاوبي ولله مالي دخل
.. تمام بويه بس كليله
تمام ثواني
.. خاله وين ملابس الشيخ ال بيض عل سمائي والسبحه السمائي
. . ياا ذني بكنتوري التعليك مكويات وحطوطات سوه السبحه يلكان بالجيب
.. ها تمام
.. الو
.. هاا بويه فضني
.. اي هنه بملابس خاله اقصد بالتعليك
.. شنو
.. الكنتووور التعليك مالت خاله بغرفته بي موجوده الدشداشه مكويه هي والسبحه بالجيب
.. هاا مشكورة بويه
.. مع سلامه
.. فيمالا
طبعا راح وني كلبي يبوو ذبت ههههه
طبعا ماحسيت غير جرت عشق رحنه للقاعه وووو رجعنه ميته تعب متت تعب مباشرتا صعدت نمت لثاني يوم
واليوم هو العرس اكثر وحده كاسرتني وديان بس مااكدر اواسيه شحجي شكول سوده علي حتموت فوك الحمل والتعب فرت العرس التنضيف والتوزيع مع انو قاعه هواي نضفت خطيه وهذا بنات عمه ولاتهزهزن ابد لمن عاطت بيهن جنت اشتغل جوه ايدها انه وعشق حته متتعب ابد ولا تضوج طبعا اني لبست فستان طويل كلش وحجاب لانو بابا حمودي حيدخل وني محجبه كدامه كملو كلشي وني جنت شويه ضايجه لانو وديان ضامه بكلبه القهر وتبين فرحانه حسيت مكسورة عل كسرته شبعت ضيم هل بنيه من يوم يومه مرتاحت
خلص العرس وني نمت نمت اهل الكهف للصبح ياله كعدت  طبعا من الصبح لكيت الجداري الكبار{الصفاري} كمت غسلتهن كلهن ونزلت بيهن فرك شكلت دشداشتي بملابسي الداخليه وضليت اجلف انوب كلهن اصخام وعل ريك بس الجو فد شي صوت العصافير وبي نسمه بارده
ماحسيت غير الباب الحديد الجبير الخارجي صار بي صوت واشوف هيكل راجع للسياره نيالي من صباح 😻ركضت لكيت جبت عشق لبسته واجيت اركض
.. شيخ هيكل
.. هلا بويه
.. صباح الخير
.. هلا صباح العافيه
.. اصيحلك بابا احمد
لا بويه ما يحتاج
.. بس غير اجيت علي
.. اي بس هو عريس خلي نايم 
.. لاهو كعد ديتريك
.. خلي بويه خلي
..زين هيج تروح ونته شكلك تعبانه ومصخم
... هههههه مصخم اي غير ابوج احتركت القاعه مالته وحنه نعزل بيه
لطمت صدري... عزززه العزاني
شلون هاي
.. اسم الله من العزه لتلطمين هيج
ماكو شي هيج خفايف
.. ياا سوده علي
.. بويه اسم الله شجاج من الصبح عل الصخام والسودة صلي عل نبي
.. هو غير خفت
.. ههههه ادري وين انتي ماتدرين
.. غير نايمه
.. نوم العافيه
.. شكرا
.. يله يابه كملي شغلج بس سدي الباب وكولي الاحمد تره كملو العمال وراحو
.. ليش انته عامل عد بابا
... ههههههههه اخ بويه ولج شهل الفهاوة غير صديقي عريس وانه بداله اوكف عل شغله ههههههه سويتيني عامل خلف الله عليج
.. بفشله... هههه اسفه مقصدي
.. هههههه ماصار شي فيملا
... باي
راح صعد بالسياره يربي ايخبل انوب الدشداشه مصخمه حته وهو تعبان يخبل ذبت يربي عشق ولله عشق مو اختي عشق لا هو العشق
ركضت وكولي نشاط سديت الباب وكملت شغلي ودخلت كلت البابا عل الحجى هيكل وسكت راح خابره واني سبحت وبدلت لانو وهاج اجه حيرجعنه للبيت طبعا مرة بابا احمد حيل تتنعوص
احمد حيل تتنعوص بس بلساني مسكتته ههههه تستاهل ولله مااكره لانو القدر حكم هي تصير لبابا بس مبين عليه مو راحه لان تبسمر بوديان ولااستحت ابد ...
كملنه كلشي وصعدنه بالسياره بعد ماودعنه الكل وني مكحله عيوني بشوفت العزاز امتلت البطاريه وننتضر بلقاء اخر

✨✨✨✨✨✨✨✨✨✨✨
ورده وشتلني الشوك يم بابا اهلگم 🥀

مو ذنبي ذنب الروح هيه التحبگم 💕
✨✨✨✨✨✨✨✨✨✨✨





اابدله وتسريحة الحنه ل ريفال
بقلم كوكه الخيكاني
طبعا اني نفسي الي جان اسمي ريفال الخيكاني بس غيرته الانوار الكل عباله اني البطله لاكني هاذه الاسم احبه لذالك مسميه البطله مالتي علي اما اني فهاذه
اسمي كوكه تحياتي الكم حبايبي
احبكم ❤😻😚   

ام رواس- خبلني احداث الحنه توهن يكتبنهه ادري صارت خربطه تحملو يااحلى متابعين وبما انه انو احب الكيك فانتم كيكاتي 🌷🌷

مسحت البارت لان ماجان معدل واكو بلنسخ خطأ وصايره خربطه بلاحداث جانت المكالمه مامنشوره وهي اهم شي ههههه