مشاعر ممتزجه (مكتمله)

بارت 49

هاي 9000كلمه تعويض الكم

عشق ..
هاية الفترة كدرت اسيطر وارتب وقتي ليال كبر وصار يكعد يخبل بعدة دنفووش وعيونة كبار ينكرط
تعلق بية اكثر وصاار نحسس من صغرة وين مااروح وياي

حتى ابو مرات مايقبل يبقى عندة واذا شالة احد يوكف كلبة من البواجي طالع علية من جنت صغيرة شكد نحسة ومو بسرعة اخذ على احد هاي الخصلة ابدد مو حلوة وشكد دعيت ابني مايطلع هيج
وسيروان الي ميتحاجة صاير كلش روحة بخشمة مدري شبي يكول انتي ماتهتمين بية واني ليلي ونهاري بينة هو وابنة

واني نفسيتي هم مو كلش ليل نهار افكر ماعرف ببابا احمد الي ميبس راسة مايقبل يصالحنة لو بالسادس ماجاي الحك اقرة والمدارس ع الابواب بس احتمال اسجل خصوصي على هذا التعب لورة عرس ريفال الله كريم علمود مالتهي بعد

سيروان جان نايم ع الجرباية وايدة على عيونة لان مشغلة الاضوية ومخلية كرسي ليال يمي نايم واهز بي خذيتها فرصة طلعت السجل علساس اسويلي جدول واحل مسائل كلشي مافتهم طبكت الكتب وشمرتهن
انعل ابو الدراسة يابو اليقرة هسة اني بعدني كلشي مبادية وهيج انشلع كلبي وكلشي ماكو يالله شلون راح اكدر احقق حلمي للحظة اتخيلت كل الي حلمت بي وامنياتي الي رافقني من طفولتي كلشي ماحقق منهن نزلت دمعتي

عبالك اريدلي حجة بس علمود ابجي

فز سيروان التفتت شافني كاعدة بالكاع فرك وجهة
علمود يصحصح
شافني ابجي

التفت فاز باوع لليال بصفي نايم واني ابجي
كال
شكو عشق شبيج
مابية شي كلشي ماكو ارجع نام

استغفر الله وكال
حبيبي عشق شبيج عليمن البجي شصاير

كتلك ماكو شي كلشي مابية

استغفرك ياللهي وطبج مدري شنو يعني اذا اسألج شبيج تصيحين كلشي مابية واذا ماسأل تكلبين وجهج علية

لا لتخاف ماكلب وجهي عليك ارجع نام

عاط .. هسة شخبصتيني ارجع نام ونام خليتي بيها نوم انتي

همست
سيروان شبيك الطفل نايم

نتر
المن مخليتة بالكرسي كاسرة ظهرة كومي نومي بمكانة

سيروان الولد توة نام هاي شبيك تعيط

وشبت بيج اسألي نفسج والله اني من كيفي اعيط مو مليت كل ماشفتج لو مدلغمة بوجهي لو تتبكبكين وحتى اهتمام ماكو اذا انتي بوجهي متباوعين

هاي علية سيروان يعني لان كتلك امس تعبانة نمت وخليتك كاعد هيج تسوي واليوم كلة مدري شلون تحجي وياي

مو هي بس البارحة شوفي نفسج صارلج شكد هاملتني وهاملة نفسج اجي من الدوام طايح حظي ومشتاقلج اريد بس ارجع علمودج وبس الزمج تنبزين ساعة تعبانة ساعة اريد انام ساعة ابنك