مشاعر ممتزجه (مكتمله)

بارت 23

رجعتو للكاروك دحكت للساعه سبعه اله ربع مديت روحي بلفراش سيروان نايم بلدوانيه وخواتو خطيه تعبن امس من نمت الظاهر ظالات هنا رايحات قبل لااكعد بليل فراحن نامن ابيت عمهن الي همه عيالي

توني اريد اغفه طفرت ريفال
.. صباح الخير
.. صباح النور شكعدج هسه نامي اشو هاي كابلتني

.. وديش تدرين احس روحي راح انفجر
.. اسم الله دخيلك ربي ليش
.. شلون راح يجي
.. شنو
.. هيكل
.. شوفي ريفال انه الوحيده الما الومج لان اعرف شنو هاي المشاعر وماره بيهه وهستوني بديت اتخلص منهه ومو تخلصت لا تحولت لشخص ثاني ف ماراح اكلج بطرانه ومن هل سوالف بس اكلج نصيحه ريفال حيدر مو هين
.. ياكل تب..
.. لاتستهينين بي ابن عشاير كلشي يسوي علمود الي يحبهه ريفال حكمي كلبج مدامج بلبدايه ولاتصيرين مثلي صرت ام عندي رجل وابنو بحضني وانه من يطب احمد اصفن ريفال ماريدج تنكسرين كسرتي حكمي كلبج وعقلج يروحي

.. مااكدر
.. ادري بس حاولي
.. هسه شسوي ولج والله الليل كلو مانمتو<تحجي وتبجي>
.. كومي هسه هو عله جيه كومي بدلي وغسلي والله كريم
كامت بدلت وغسلت ولبست شالهه ندك الجرس راحت فتحت الباب واجتني طايره
.. ودوووش ودوووووش
.. هاا ولج راح يفز الطفل
.. اجه الشيخ

شيخ هيكل:- يالله يهل البيت
.. هله بيك شيخ تفضل.. طيني حجابي ولج اخذت حجابي وطلعتلو
.. بلمهلي ام حموووودي شلونج شلون الصحه جاي اسلم واتحمدلج بلسلامه
.. الله يسلمك لالا تعال للهول نكعد خطيه سيروان نايم
.. شنو نايم خاف نايم هسه ادفرو ابطنو
.. لاا خطيه شسالفه
.. خل يولي يجيبلي كيمر عرب
.. جاهز الكيمر
.. والله مايهدالي بال اله اكمزو من نومتي

طب للدوانيه ضربو جلاق كعد ذاك يصرخ ويتشاقون رحت ريفال حضرت الريوك كعدنه كلنه

شيخ هيكل:- شلونج ريفال
..الحمد الله شيخ انته شلونك
..بحمد الله شنو بعدج هواي تبجين
..هاا
..ههههههه اتشاقه وياج يبه لاتاخذيهه جد اكول وهاج وين
وديان:- راح يبيع السياره ويكمل فلوس البيت ومناك ينطيهن ويجي طلع من السته
..شعجب يبيع روحو ومايبيع السياره
سيروان:- هسه شلنه غرض اهل شي ناكل انطيني قوصه
وديان:- شنو
..قصدي گرصه گرصه مال خبز
..اهووو سيروان تعرف جنوبي وانباري يمي لاتحجي مصلاوي ولاطكه بي
..حاظر ام حموووودي

كملنه ريوگ وشالت ريفال الاماعين تلمهن بس وجع بطني زاد مدري شني هاي

هيكل.. والله لو ما جدي ولااضل بس جبرني اله تحجي وي وهاج والا انه كلت اروح اسلم من الباب واطلع

وديان..لا شيخ وهاج تغير وصالو هواي يعني نتأمل بي خير
..ياالله هو ليمته يجي
..مادري عله جيه
..والله كلش تعبان خل يجي اسلم وانام كبل
..نام ومن يجي اكعد
..لا اريد انام فد مره ارتاح
واحنه نحجي نفتح باب الدوانيه سيروان طاگه الازرگ بردااان متلفلف ببطانيتو انفتح الباب واجه وهاج