مشاعر ممتزجه (مكتمله)

بارت36

صوتو عل بارت الي قبله تره ماكو تفاعل
ينصح اطباء الصين للوقايه من فايروس كورونا الضغط على النجمه في نهاية البارت
والنج9مه ماتكهرب عله كولت فلان
.............................................................

عشق

اليوم اخر يوم الي كعدت على همسات بابا يوعيني
فتحت عيوني اتصفن على حيطان الغرفة
على كد مافرحانة مخنوكة راح اطلع من بيتنة واعيش غير بيت
ربي وفقني بحياتي الجاية واكدر اسعد حبيبي
ياالله

كمت غسلت وتوضيت ورحت لغرفتنة لكيت ريفال كاعد تمشط رحت حضنتها وبست خدودها

.. صباح الحب
.. صباح الخير حقيرة امس ليش عفتيني انام وحدي

.. انتي رحتي تكملين شغل واني حنيت لحضن بابا ههههه
.. اممم حضن بابا بعد انتي منا وجاي تعرفينة تعرفين حضن بابا الافندي راح ياخذ كل حياتج

.. هههه لككك فديت الغيور اني
يلا لج خلي اصلي واكمل ملابسي علمود الحك تدرين بية ماشاء الله اخلص بسرعة

.. اي والله سودة علية اول وحدة انتي تكملين ماتشوفيني سبقتج ولبست لان ادري بيج بعد اذا وكفتي ع المراية بعد لو يجي مدري منو ماتوخرين

... ههههه تقارين مني عزيزتي
.. خاب ماتولين من يمي خل اروح انضف قبل لانروح
..اي انتي ابقي دومج تنضيف

لبست جادر الصلاة وصليت صلاة الصبح وركعتين شكر ودعيت انو الله يوفقني وينورلي طريقي وكمت لبست قميص للركبة حلو ونازك اشتريتة وي النيشان لونة نيلي وبنطرون ثلجي والشال لفيتة لفة تركية
القميص وي الشال برز لون بشرتي

لبست محبس ناعم وسوار الي جابة سيروان وحلقتي مانازعتها

وخليت مسكارا وكحلة بني خط خفيف مجرد تحديد لعيني وحمرة لون بناتي هادئ
صراحة طلعت اخبل بدون غرور 😁
هههه لا جذب جذب عادية اصلا

جيكت اغراضي والجنط كلشي مناسية رحت لفوني مخليتة ع الشحن ضميت الشاحنة وفتحتة لكيت رسائل من سيروان جاوبت علي وسديت الفون

طلعت من الغرفة لكيت ماما امل وريفال مخبوصات تنضيف وريوك
وامي تمشي وتنتر

رحت بوستها وهديتها خطية دمعتها بعينها واني امشي طايرة فرحانة باجر حنجمع بحبيبي

رحت للدوانية لكيت حيدر واسيد كاعدين يثاوبون وكوة فاتحين عيونهم

شلت الجك مالت الماي وعطت بيهم

.. تكوووومون لو اذبب هذا الماي كلة على رووسكم والله

حيدر .. خاااب دولي توني بدلت وسرحت شعري وعلي احلف مااخذج وياي

.. لاا والله ماياخذني هو اصلا اذا مارحت اني العرس بكبرة يخرب لان اني العروس بعظمتي وجلالي