مشاعر ممتزجه (مكتمله)

بارت39

عشق

خلصت الحفلة واني عيني على ريفال الي وجهة اصفر ومرتبكة من نزلت وشافتني خزرتني كل قوتها حسيت عيونها حيطلعن

اجت كعدت يمي والبت ترجف اتمنيت يمر وتخلص الحفلة بسرعة حتة اشوفها شبيها حتتخربط

لمن خلصت الحفلة اخذت وديان وريفال وصعدت فوك لغرفتي
وحجتلنة ريفال ومن حجيها وجفصة سيروان
عرفت هو مسويلهم مكيدة يعني احتمال اكو فد اعجاب من ناحية هيكل

ماحجيت لريفال ولاكلتلها على سيروان ماحبيت يصير عدها امل كاذب وبعدين تنصدم
ونظرات وديان الي كلها شك وهي تباوعلي

هديناها وخليناها ترتاح وغيرت ملابسها
نزلنة جوة بعد مابدلت لان البدلة ضايقتني
عود بعدين كلت ارجع البسها لسيروان

كعدنة يم اهلي واني كعدت بين امي وماما امل
وحاضنة ماما
اخاف يرحون واني مشابعنة منهم

شوية وصاحولي سيروان يريدني
رحت لكيتو بباب المطبخ

ها سيروان ردتني
اي حبيبي بلغي اهلج خلي يتحضرون
لان دزو عليهم يرحون

برطمت وحجيت
لا عفية سيروان حباب لتخليهم والله بعدني ماشفتهم ولاشبعت منهم الله عليك لتخليهم يرحون

حبيبي والله مايقبلون توسلت باحمد يبقون مايقبل
يلا يروحي لاتبجين اني اخذج الهم وداعتج بس يصيرلي مجال
وروحي لبسيلج شي وتعاي احمد يريد يسلم عليج

اي هسة اجي
رحت يمهن كتلهن يتحضرن وصعدت فوك

لبست شالي وخليت عباية على راسي خاف هيكل وساهان موجودين عيب منهم

نزلت وعباتي بايدي لكيتهن مكملات لبست العباية وطلعت لبابا احمد

واشوف ريفال ووديان دموعن تنزل بهدوء خصوصا ريفال

طلعت لكيتو واكف بالطارمة يم سيروان وعمي وهيكل
يحجون ويا يبقى بس بابا احمد شي اكيد مايقبل ابوي واعرفو

ابتعد عنهم من شافني اجيت
وكفت يمو مبرطمة شافني هيج
ابتسم واخذني
بحضنو مشتاقتلو

حضنتو ابجي وهو يمسد على راسي ويهديني وصوتو مخنوك

احمد ... كافي يروح ابوج بنيتي عشقي دموعج يلجمن كلبي عزيزتي عليمن البجي كافي ولج مايصلح

عشق .. مم.مشتاقتلك لاتروحون
وكمت اشهك

احمد .هههه هاي انه هيج طلعت عزيز وانه مادري كافي يلا بنيت احمد ماتبجي وتنزل دموعها على كلشي درفعي راسج خل اشوفج

ابتعد باوعتلي واني وجهي صاير خرايط من البجي والدموع وامسح عيوني بكف ايدي

وخر ايدي من وجهي وكال