مشاعر ممتزجه (مكتمله)

بارت40

اعرف هوااااي تأخرنه بس مو من عندي السبب من تبارك ورجاءا حاليا القلم لتبارك الي يشوف اكو تأخير بلتنزيل يروح لحساب تبارك علخاص يحجي ويكلهه نريد بارت بس بشرط انو الكلام يكون بأسلوب مو انه افتح الخاص مال الواتباد والغلط عله فلس صح تاخرنه بس مو توصل للغلط والكلام الماينحجي user70355956 هذا حساب تبارك من تشوفون اكو تأخير روحولهه وافهمو ليش

............................................

عشق
طلعت المدرسة واكو كم بنية اجت يمي يتعرفن علية ومن وين وجان اكو بنات اثنين كاعدات كدامي هم تعرفت عليهن

مبين عليهن حبابات بالبداية جنت كلش محافظة ومااخذت ميانة بس هنة يسولفن واني استمع وابتسم

بالفرصة الثانية طلعت كعدت بالساحة على جهة
واتذكرت وديان وريفال
هسة همة سوة مشتاقتلهن موت وانوب اتذكرت سوالفنة بالمدرسة

عيوني كامت تدمع حسيت احد كعد يمي
التفتت شفت بنية محجبة وجهة دائري بشوش
عيونها كبار وملونة كلش حلوة

ابتسمت وقدمت ايدها مرحبا اني ماسة
ابتسمت باستغراب
صافحتها وكتلها
اهلا عاشت الاسامي اني عشق
عاشت الاسامي حبيبتي اي اعرف اسمج
اني طالبة وياج نفس الصف
اهلا وسهلا تشرفت بمعرفتج
الي الشرف اسفة اجيت وقطعت صفنتج بس شفتج كاعدة وحدج حبيت اتعرف عليج عادي تصير صديقات

ههه اوك
ليش ضحكتي
هههه لا مو ذكرتيني من احنة صغار شلون
نتعرف عبالك طالبات اول ابتدائي

هههه عادي هي احلى شي حياة الطفولة

اخذنة الحجي وهواي ارتاحيتلها اخذتني للحديقة تصير ورة المدرسة وكعدنة هناك
سولفتلها على ريفال ووديان وهي تسولفلي عنها
خلصت اليوم كلو وياها واخذتني فرينة المدرسة وتعرفني على كل مدرسة تدخللنة

لحد ماحلينة طلعنة سوة لكيت سيروان واكف مقابيل الباب يم سيارتة وداير وجهة لغير جهة منتظرني فدو حبيبي مايباوع للبنات ههه

التفت وشافني ابتسملي ابتسمت وودعت ماسة
ورحتلة

هلو حبيبي
هلا بروحي يلا نمشي
اوك
صعدنة وهو لزم ايدي باسها كال
اشتاقيتلج
ههه واني هم
بس مو بكدي
ومنو كلك مو بكدك
اني اعرف
لا حبيبي اكثر منك
هاا تشارطين
نشوف
ههههه شلونج اليوم بالمدرسة شصار ماصار

كعدت اسولفلة على يومي بس ماجبت طاري المدرسة مدام سيروان يحبني وادري بي شنو ابد ماشك بي وحتى لو جان اكو بينهم شي قبل لايخطبني فهاي حياتة بالماضي مالي حق احاسب واكعد احقق

وصلنة للبيت سلمنة على خالة وعمو وصعدنة فوك
بدلت ملابسي وسيروان بالحمام طلعتلة ملابسة ونزلت جوة البنات توهن جايات
حميت الاكل واجت نبأ تساعدني