مشاعر ممتزجه (مكتمله)

بارت 23

- اعتذر لنفسي ، عن كل مرة تلهفت لشيء وخاب ضني ، !"

********************
وديان :- راحن البنات وانه وصيت ريفال انو تروح تنام اخاف عليها اجه عليهن اسيد وطلعن واسيد دره انو انه متعاركه وي ريفال وضاج كال شلون هجي كدام الولد وعتذر من الولد وعلساس الولد مايدرون مضمون العركه ف اسيد اعتذر من الولد وكاللهم احنه مشتاقين للشيخ باجر غداه يمنه وباجر احنه معزومين ابيت عمي هيكل بعدو ضايح علي سواه المهم راحو

هيكل :- اخذت السويج وطلعت فتحت جام السيارة كلش مخنوك امي جاي اتعب روحه اهواي وماتحجي وتكول تعبانه وخايف عليه وبين كلمه والثانيه كالت ازوج حته اشوفك مستقر كبل لا اموت اكثر شي اخاف منه اتمنه اموت ولااشوف واحد ثاني من اهلي ميت او اخسر شخص عزيز انه بت عمي امل محجوزه الي من جنه ازغار بس هي ماتعجبني عايشه بأمريكا ومامتعلمه تقاليدنه عاداتنه كلما تجي تكول على اهلي انوو معقدين و متخلفين بس انه تريدني اريد زوجه تحب امي وتهتم اله حب مو خوف مني تصير بت لامي وهاي ابد مو امل لحت امي علي فضجت لان ماريد ازوج هل البنيه وما كدر اكسر كلام جدي ولا اكدر اكسر كلبها لان تحبني وتهتم بتفاصيلي اخاف اكسر كلبها المهم ورة ماسديت الجهاز اجيت للديوانية مالكين الشباب صحت صحت ماكوو سمعت صوتهم جووة دخلت وسمع الولد يحاجون ريفال الي فهمته صديقته مريضه وتبجي عليه ما معقوله بنت مثلها تبجي على صديقته لان مريضه هي الي تزور مستمسكات وتجي من الناصرية للانبار وتطلع وي رجال غريب وهي حديثه علمود تنقذ بت عمه وما تخاف هسه تبجي على موقف بايخ مثل هذه ونوبه بجيه بشهكه وحيل محروك كلبه بس شويه وكامت تزمخ على الولد وتحاجيهم بحركه هم كانو يردون يضحكوة بس هي نار كبررة عاطت بيهم وطردتهم كلت ابقه احاجيه لان ميصير تصيح على لاكبر منه من حاجيته جاوبت ابرود مو كلت الكل يطلع عبالك لاميرة ديانا امرت انه محروك كلبي وهاي باردة وقللت ادب طلعت حركتي بيه بس انتبه عليه حيييللل عصبت اكو دمار ابكصتها بين وصاكه سنونها بعدييين اله فهمت سالفتها
  رجعت كعدنه سولفنه جبتها عله صديقي احمد

- وهاج باجر يجي صديقي احمد للناصريه يجي يعزم عله عرسو ويروح لازم اشوفو من اخلص العزيمه مال بيت ابو اسيد

-يااحمد

-احمد ..احمد نزار ماتعرفو شلقصه

وديان :- بابا احمد صديقكك !!!وجاي يعزم شوو ماادري

- هاا يعودلج

  -غير ابن خالتها الي مربيها

-يوو شلون طارت عني ولاادري

-اي تروحين للعرس مو انه اخذج وياي

وهاج وهو يصعد الدرج :- ماكو روحه     !!!!!

ريفال :- طبعا رجعت وليل كله منايمه ابجي للساعه سته الصبح ثكلت اعيوني فنمت المهم كمت بالتسعه كلت البابا حنام عد بيت ام اكثم نعسانه وهوسه العزيمه هو من شاف عيوني عباله وجع راس كتله لابس تعبانه كال روحي طبعا اكوو باب فاصل ابينه وبين بيت عمو ابو اكثم لبست حجابي ورحت شافتني مرة اكثم