مشاعر ممتزجه (مكتمله)

بارت 26

وين اكو بارتين مدري تلاثه بيوم واحد كنالكم تقطعنه ونعوضكم وهاي عوضناكم وجاري التعويض 😊😊

ريفال.... طبعا خابرو عل امي كالو انو وديان جاي تطلك وحدي حسيت صابني مغص بطني من الخوف جلبت بيهم اله اروح وعشق كذالك فرحنه للمستشفى وديان بس تعيط موجوعه اني المغص صار عندي ازيد وخوف عبالك اني جاي اطلك مو وديان شويه ودخلوه للصاله بعد ما كوه قنعناه انو لازم تدخل للصاله ضلينه ننتضر بصالة الانتضار ماضل دعاء ما قريته اصعب موقف بحياتي لمن طلع الدكتور وكال ماتت 💔💔......
جان بابا احمد يمي واكف من حجيه الدكتور هو مباشرتا تقدم.....
.... ضليت ارجع ليوره اريد ابتعد رجفه ايدي مكدرت اسيطر عليهن رجلي احس بيهن بدن يخدرن وصارن اثكال عبالك بيهن اثقال فكي ضل يرجف بقوه الساني عقفته عل لثه حته مااعضه هلكد ما حركة الفك قويه صوت خاله واني وهنه يعيطن جان قوي وبي صدى واني اسمعه اصوات هواي وبيهن تردد جان الصوت يحفر براسي من الوجع عيوني صار بيهن حركه مثل الملح لمن يدخل العين چفني صار ثكيل بده ينغلق اريد اسيطر عل جفني لان هاي حالة الانهيار هيج احس جنت اردد بداخلي... ريفال وديان مبيه شي جذب هاي تشابه اسماء جذب انتي متعود عل مقالب وديان يمكن جاي تمقلبج لا تخافين هسه تطلع واضل تضوجج بلسانه لا تخافين ولله مبيه شي.. ضليت اذكر كل المواقف الي تسويه ماحسيت غير وشه ملت اذني....................

... على الاغلب راح تكعد لان تتحرك
... شفتي ابوه فد صاك يخبل
... اي ولله انوب مكبرته بنته مبين مزوج عل وكت
... خرب ولله حرامات ماياخذني ثانيه

جنت اسمع كلامهم اريد تحرك بس جسمي مايعيني حيل ثكيل شويه شويه بده الخدر يروح كعدت تذكرة وديان ماتت

  ... عززززه بعيني
احمد... اجيت ببنيتي حبيبتي
ماحسيت غير اني بحضن بابا احمد رجعت ريفال الطفله الي تجي لهاذه الحضن تبجي وتشكي وهو يشيله ويحضنه  ويراضيني
شددت حضنتي وضليت بس اشهك
.... ريري ولله مبيه شي

.. لا ما.. تت ولله... اني.. سم.. عت.. دكتور..... ر كال
... لج يبه اختنكتي بشهكتج جري نفس ولله كومي اراويجياه ذيج تخبل واجاه ولد وراح ترضعه شبيج بعد يله كومي لا تبجين
... تجذب... ع.. لي...  ماتت هي... خاله بجت
.. هههههه ولج خالتج ملكوفه بس كومي هسه اكلج رفيله دشوفي اليوم بحضني هااااا كتلج مستحاج يجي يوم تنسي وترجعين رفيله الزعطوطه هههههه دكومي فدوة لهل العيون صايرات جنهن الماس من الدموع
.. يعني هسه وديان موجوده
... اي ولله كومي نشوفه
بثنين ايدي لزمت ايد بابا احمد وايده ايد بابا احمد وايده الثانيه لفه عل جسمي جنت غصب امشي لان رجليه بيهن خدر شويه و طلعنه خارج هاذه القسم وكفت

... بابا ليش راح نطلع ولله وديان ميته ومتكلي
... لج بابا ولله مبيه شي البنيه ليش تفاولين
... بروح ابوك
... استغفرالله وروح ابوي يريفال اختج وديان عايشه بعد
.. ليش طالعين.
... لج بابا هاذه قسم حالات طوارئ وهي بقسم الولاده لازم نطلع وروحله يله امشي 
رحنه للقسم الولاده وصلنه للغرفه جان ادخل اشوف وديان مبتسمه وبيده طفل زغيرون كلش تقدم بابا احمد اخذه صلى عل نبي وسأله عل اسمه كلتله احمد اني تبنجت اباوع عليه وابجي..... مساع عبالي راحت مني الحمدلله ياربي محسيت نفسي غير تقدمت وحضنته وابجي