مشاعر ممتزجه (مكتمله)

بارت47

فز كلبي على صوته رفعت راسي لا اراديا شفت بكل هيبه كاعد ولابس اوف وايت
وشماغه الابيض واحمر وعكاله الي ماخذ مكانه غصب والعبايه الاوف وايت وطرفه ذهبي ساعه ذهبي وبروش ردان الدشداشه ذهبي واللحيه محدده وكانت اخف من الشارب نهاية الشارب بيه شبه برمه.
عيونه حواجبه كلشي بي يخبل وياخذ العقل

تجاهلني بعد وياي ثگل الدم
لاتنطي مجال اصعب وكابر هم
ضبط سوي روحك عود مامهتم
والله تحبني حب بس الله بي يعلم
تراقب عن بعد گلبك عليه يلوب
جرأه البالگلب لو تنتقل بالفم
چا كلمة احبك جزت ذاك الصوب
والاطرش سمعها واجه وگلك تم
من اكعد گبالك تلتفت ليغاد
مو يمي القضيه وانت رب اليم
اسولف ويه غيرك احس بيك تموت
فص عينك طلع ما اعرف شدردم
احجي بصوت عالي شدردمت لتخاف
من المنضغط اتوقع اشبع ذم
ولو مرات ادك دگة خباثه وياك
اشوفك روحي واكعد اختل اتبسم
تظل عينك تدور عليه بين الناس
والبيدك يطيح ويغدي وجهك دم
هنا يبدي الضعف ويبين المبهم
بهاللحظة المشاعر صدك تترجم
حسبالك رحت؟!!
لاما رحت موجود..
وهذا الوگع من ايدك دهاك الزم
دايخ بيه دايخ هسه شموازيك
فضها وكول احبك شلك بهالهم
يعجبك شكلي صوتي ووكفتي وممشاي
حافظني حفظ تندلني وين انشم
متردد بطبعك حذر مدري شبيك
ترجع الف خطوه وخطوه تتقدم
اذا حتى السلام ترده بالمثقال
ما اسلم تكول شدعوه ما سلم
لكن هم اعذرك عقلك مأذيك
الله يساعدة چم قسم يتقسم
ما بين المكابر والخجل والشوگ
والحب والشرف والنسب وابن العم
ترا الدنيا گصيره والسنين خفاف
من تتبده منك بعد ما تنلم

يعني راح اصير اله جسمي كله كام يرجف وبردت
ام هيكل... غيفال اغفعي غاسج شوفي ابني الحليوه (ريفال ارفعي راسج)
احس نفسي نترست فرح مجرد ما تخيلت انو اني زوجتهمباوعلي ولا نضره واني جنت العصر بأيدي حدما كالت ام هيكل خليهم وحدهم يشوفون بعض خاف يخجلون كدامنه
طلعوا كلهم وضلينه وحدنه واني احس كلبي وصل لبلعومي
ضل ساكت ماححه اي شي بس اسمع الخرز مالت السبحه وحده توكع على الثانيه رفعت راسي ابتسملي بحيره كال
... شلونج ريفال
بأرتباك.... الحمدلله.. اا انته شلونك شيخ.
... عايشين
دنكت شويه واجه بابا احمد دك الباب ضرب على ضهر هيكل

... ايييي ابو محمد ما صدكت جنك
هيكل بأبتسامه.. يله ابو نمر امشينه

استغربت من ردت فعله دخلت ام هيكل كعدت يمي تحضن وتبوس بيه
... مامصدك ولله راح تصيرين جنتي غبي( ربي) يحبني
ام اسيد.... هذه حبيبتي خيه هي بتكم بعد
ماما امل ندستني ورفعت حاجب تملي ابتسميابستمت ضلت يسولفن على اللبس والذهب
ام هيكل... اي غيفال شنو حابه اجيج لهنا نشتري لو امج انتي امج
... لا خاله ميحتاج انتي اشتري الي يعجبج
... لا حبيبتي ميصيغ ( ميصير) انتي عروس
... لا خاله اني كتلج بكيفج الي تردي وتشوفي صح سوي
... الحمدلله ربي على هيج بنيه ولله بنتي مو جنتي
عفتهم وكمت ليجوه اختنكت دخت بهيكل ونضراته شلون محتار عبالك ميردني ومغصوب دخلت ماما امل كالت شبيج.
.. مامقتتنع هيكل
.. ليش
شكله محتار... الله كريم لتفكرين خلي كلشي للوقت
.. رايحه انام
يمكن تكثر مره صرت بيه بارده اعصاب هي هاي المره هيكل تقدملي بسبب بابا احمد شلون راح تكون حياتي زين همه شو اتفقوا وعبالك اني ما الي رأي خابرني البنات وبكللامهم حاولوا يقنعني ثاني يوم اجوت ام هيكل تحمست هواي عبالي هيكل وياهه بس نسيت انو هو مزوجني لخاطر علاقته بأخو اني شنو عبالي مثل المخطوبات ...
رحنه للسوك وام هيكل  وامي هنه الي ختارن ماعرف شنو شترن بس يأشرن واني اهز راسي واني ممنتبه جنت مثل اللعابه ابأديهم كدما محتاره بالي يصير حجزوا بدله وصالون