مشاعر ممتزجه (مكتمله)

بارت24

كلولي صورة وديان حلوه لو لا اولا

واخيرا شلعتلكم بارت من توته ههههههه البارت

بقلم تبارك الطائي

كعدت الفجر ع المنبه مالت الفون مو عادتي اكعد بس لان بابا احمد راح يروح اخليلة حلاوة وابينلة شوية زعلانة
شنو يعني بس يعيط علية ويروح والله مااقبل الا يراضيني

طلعت من الغرفة لكيت الاضوية طافية وبس كلوب الاستقبال مفتوح

رحت على رؤس اصابيعي شفت الباب مردود
باوعت من فتحت الباب شفت بابا كاعد منتجي صافن ويدخن
اووووف يابابا ادري بيك لحد هسة منايم اوووف الله يصبر كلبك بس هو اليعلم الي بداخلك

رحت للمطبخ سلكتلو بيض وطلعت الجبن وكيمر ومربى وخدرت الجاي
كمل الريوك
وديتو للاستقبال
دخلت شفتو على نومتو حس بية دخلت فز وكعد عدل

دخلت وماباوعلو
خليت الصينية بالكاع وهو يباوعلي
.. صباح النور
عود جاي يقصفني حمادة عيني جاوبت بدون ماباوعلو
.. اكل قبل لتروح موزين عليك وراك طريق
ودرت وجهي ردت اطلع كال
.. الناس تصبح اول يابة ماكو لا صباح لاسلام لاشي

صبح الخير

لا والله كلفتي نفسج شنو ولج عود زعلانة على بوج لج

امس سويت حلويات ونمنمات راح اخليلك حصة اخذها وياك اكلهن بالطريق واذا مااكلت انطيهن لخالة هناء
وطلعت

وشنو عيني ليش ماازعل فوكاها يريدني ماازعل ههف

رجعت للمطبخ طلعت الحلا لكيت سنبوسة هم وياهن عزلتلة من كلشي وخليتهن بعلبة غلفتهن وخليتهن ع الميز
ردت اطلع شفتة واكف كدامي
درت وجهي بزعل وبرطمت
رحت اطلع وكف كبالي

هاي شنو حبيبة ابوها زعلانة منو
اني رئسا دموعي نزلن لان بلاصل اني مخنوكة ماعرف من شنو وانوب اجة بابا احمد زودها انهضمت كلش
هسة تكولون توج تذكرتي تزعلين هو اني شفت طريقي هم اخترعت وهم رحت نمت على وقت

لاه لاه ليش بنيتي عليمن هالبجي
علية ترة والله محد يستاهل هالالماس ينزل من هالعيون التسحر لاي كائن من يكون حتى لو كان انه

اني دنكت وكمت امسح بدموعي ويرجعن ينزلن غيرهن ماعرف شجاني

حبيبتي عمري بنيتي عشقي باباتي اني والله مو قصدي عليج والله ماتحمل زعلج علية
اني شلون ازعل عشوقتي الحساسة عساها بكلبي انشاء الله

لاا مااقبل تدعي على بابا

هههه عجل مو زعلانة على ابوج شو تخافين علي

اي زعلانة علي بس مااحب احد يحجي على بابا حتى لو جان هو نفسة

هههه عشقي تعالي كعدي هين خل اسولف وياج سالوفة صغيرة