مشاعر ممتزجه (مكتمله)

بارت41

ريفال
طبعا رجعنه من الانبار وهسه اني مستقره بين اربع حياطين واني بلا عشق ولا وديان وحدي اطلع بره امي ترزلني لازم تلكاله سالفه تحجي علي والبنات استحي احجي وياهن الان شي اكيد عيال وازواجهن ميلحكن ذبيت نفسي على الدراسه اخلي امي تنام اطلع انضف البيت اخلي البيت يجنن تبقه بس المواعين اغسلهن وجبات ومع ذالك ممتخلصه احس عصبيته زادت عن قبل اكثر تريد تفش حركته حته الكلام مالتي قل كمت مااحجي كل خلك ما الي فد فاهيه الحياة بلاهن ودائما اكعد وحدي افكر بيهن الحمدلله انو اكو دوام واشوف وديان جان هسه اني مقريه فاتحتي تخيلو تعيشون ابيت متسولفون ولاتضحكون بس ساكتين وفوكاه مشتغله رزايل عليكم جاي احس نفسي اختنك مخلصته بس ابجي حته اذا مبجيت اروح اتابع فلم حزين حته ابجي ههههه غير استاذ هيكل الي ماخذ عقلي واذكر لمن دخل علي وني لابسه الفستان احس جسمي تصير بي قشعريره واخاف شلون خليته هيج يشوفني زين اني مو ذنبي ولله هو دخل علي وارجع اكول يطبني
سم المن هيج لابسه ابيت ناس غربه ماعرف عنهم شي ومن اتخيل انو بابا احمد تصير علي نضره انو بنته ممربايه وخاصه من صديقه هيكل هسه اني حبيت المن حابه واحد يعرف اهلي اهووووو راحت الفيزياء اطشرت من راسي عود جاي ادرس لكيت الرسم والشخابيط على تك فلس الكتاب يصيح الغوث اليوم اخر امتحان و مخلصته اسخت كمت طلعت للمرجوحه بره احس البيت جاي ياكلني امي نايمه وابويه طالع واسيد اسم مااشوف اله بالصدفه واذا راد شي مني ردت اروح لبيت عمو ابو اكثم علمود ماما امل تجي يمي تنام بس كلت اروح انوب يطلعلي حيدر ركضت جبت جهازي خابرته

الو حُبي
امل... هلا بالزين كله
... يمه فداوي ماما اتلاحكي المتعوبه بتج
بشهكه... اسم الله ولج شبيج
.. عفيه تعالي لبيتنه
... ولج ريفال شبيج يمه باد حيلي ماكدر اكوم ياهي وياج امج
... يمه شبيج ضايجه مبيه شي ولله
بجرت نفس... الله يطيح حضج ولاتبطلين سوالفج عبالي بيج شي
... اي دام اني هيج عزيزه تعاي للحديقه كاعده بالمرجوحه
... هههههه الجبير يجي للزغير وين صايره هاي ريفال هانم
... ماما عفيه ماريد اشوف ابن اخوج
... احممم محظظظورره لزمي لسانج
... عززه يمج يله باي

... هههه جايه بس يولي مشروب شوكلاته
... هايمه صايره تحجين انكليزي
... جاا بس انتي
...تتعاي اسويلج عوجت حالكي وكلت شوكلاتتته
.. هههه يله جايه
ضليت كاعده اجت كالت هاا
جريته من ايده وكعدته وحطيت راسي على صدره وحضنته حيل هي لفت ايديه على جسمي والثانيه على راسي تمسح على ضلت ساكته محجت شي وياي واني شكيت كلشي بداخلي من دون مااحجي وابجي يلا صوت الدموع وحده تنزل شددت حضنتي عليه اسحب بعطره بكل قوتي احس عطره دواي ماريده تبتعد ابد
بشهكه.... ماما لتعوفيني
همست.... وين اعوفج امي شعدي غيرج اني

... لاتتجاهليني بعد
... ماما ردت اعلمج درس وتجاهلتج بس ولله بالي وكلبي يمج عبالج مجنت انتبه الج ماما الي تسوي غلط واني امج واعلمج هل شي محلو هل شي الج عبالج مااعرف بعشق انو هي تحب سيروان لا وعيونج اعرف كلش زين وحاجيته واعترفتلي وكالت انو هي رايدته ومرايده سجاد واني شفت سيروان مناسب ويريد يزوجه وستقتل من البدايه يريد يزوجه او وهاج شفتي سوة المستحيل وخلاه تصير اله وهسه هي متعوفه عده بمعزت الهوى بس ماما خواتج تزوجن اشخاص نفس البيئه تدرين بيه اني ما اهتم بالمستويات بس لتنسين اني عذابي هاذه بسبب اهلج ومستوياتهم ليش تتعذبين مثلي يعني تردين تصير مثلي هيج مخلصته ... خليني ساكته
تدرين من دخلت ام شعر الكاريه( شعر قصير)و الفستان
.. منو هاي