مشاعر ممتزجه (مكتمله)

بارت51

ريفال : التغير الي طرأ على حياتي بعد الزواج كلش حبيته و مرتاحه حياتي هادئ
طبعا شخصية هيكل كلش تشبه شخصية بابا احمد الفرق هيكل هادئ وخجول مو مثل بابا احمد دائما حرك ويسولف ويحجي بشكل انو اذا تريد تثبة شخصيتك اله لازم تصرفات مو بس تسولف وتشرح مثل بابا احمد جان يسميني ملسونه الان اسولف وادافع وما اسكت بس هيكل لا يباوع على كل تفاصيلي على كل تحركاتي يحاول يكتشفني اذا اسوي فد تصرف حلو يبتسم تك خد ويغمض عيونه بأمتنان خاصه لمن يشوفني شلون اهتم بماما وجدو كلمات امي لمن تدعيلي من اساعده بفد شي او انضف غرفته او احضر ملابسه من تسبح او من تطلع تروح لخالتي ام احمد تجي رجيله يوجعنه وامرخهم دائما اسمع كلام حلو منه شكد ما اتعب ارتاح من اسمع كلامه ودعائه الي بالراحه والحفظ كلش حنونه نضراته ولمساته دائما تحاول تنصحني وتعلمني واني اكون كلي اصغاء اله احب ترتيبه صح جبيره بالعمر بس نضيفه و نازكه الى ابعد حد ...
دائما تحب تكعد بالصاله الكبيره الي يطل عليه الغرف والمطبخ والدرج وتكعد تقره قرآن بصوت مسموع تكول ينطرد الشر الحرمل الي ميخلص من البيت دائماً قبل المغرب تبخر البيت و تقره المعوذات جانت كلشي تسوي تصيحني

اسوي وياه حته اتعلم ولمن اغلط متصيح او تحاول تطلع غلطي بالعكس تصححه وتكلي نسوي غير مره وهو يصلح وحده يضل يجي بأيدج عادي احب كل تفاصيله ودي بس اضل كاعده يمه بس مااكدر الان شخصيتي منعزله مااحب اكعد يم احد هواي غير لنو اني استحي منه..
جدو الي اول ميرجع يصيح ريفال ويكون جايبلي شي ويا لو من يطلع ويكلي بنتي شمحتاجه مديحه الي لمن اكويله ملابسه او ابخر البشت
كلشي بهل البيت صاير جزء مني واحبه ومااريد اتركه
غرفتي وعالمي الخاص بيه الي احب يوميه اغيره واغير بترتيبه والي دائما هيكل يضحك علي ويكلي كلمره ادخل للغرفه عبالي متيه مو غرفتي
احب لمن يرجع هيكل اكون مسويتله عصير يشربه وبعدها يروح يسبح ويلكه ملابسه بالحمام وبمن يرجع لازم قبل لايجي بشوي اكون عندي علم حته اغير شكلي وارتبه وبكل مره اركض بيه للغرفه ارتب نفسي امي تضحك علي وعلى لهفتي احسه تفرحك من تشوفني اهتم بأبنه دائما اسمعه توصي بي واكله مرتك وديل بالك عليه واهتم بيه مثل متهتم بيك
فزيت على صوت الباب الي يعلن دخول هيكل
... عزززه اجيت
بنفس النبره... لا بعدني تقرب وسحبني لحضنه ست ريفال يمته ناويه تبطلين العزه مالتج ول مصكوعه مايصلحح
.... هههه

ه غير انصدمت بجيتك انته شلون هيج محد يحس عليك عبالك حيه
بمكر ... افه صرت حيه يمريتي
... الامثال تضرب ولا تقاس
... احجيه على نفسج اني زعلت وزعلي ثككككيييل
لفيت ايدي على ركبته... امممممم شلون اراضيك
شالني ووخلاني على الجربايه.... معليج هاي خليه عليه
.... ههههه هيكل لا راح يأذن الدنيه مغرب
.. شبيج يولو هاذه نوع من العباده
... يمووو من يمته هاي
... متعرفين مستجدات تعالي
دفعته وركضت لخارج الغرفه
صاح بصوت.... ريفال
... ماا اجي روح هيكل عيب ليسمعوك
... ولله اجي وراج
... عفيه هيكل شبيك زغيرون
...كتلج تعالي
ضربت رجلي بالكاع بقهر.... هيكل شبيج ولله عيب شنو ليسمعوك صوووتك
... يولو انتي حرمتي و حلالي منين استحي محد الو عندي تعالي
... هيكل راح يأذن
.... بعد نص ساعه
... مااا راح اروح يم ماما كافي هيكل ولله حته لو تصيح مااجي
... يصير خير الزمج
نزلت اضحك علي شلون يصيح ويتحلف رحت كعدت يم امي جانت كاعده على القنفه تقره قرآن حطيت راسي على جتفه هي سحبة راسي خلته بحضنه وتمسح علي واني تكرفصة صوته راحه نفسيه هادئ وتجود الكلمات عبالك تقره قصه مو قرآن افهم كل كلمه مو مثل من اني اقرا جنت مغممغمظه ودخل هيكل كال
... مو راح يأذن ماتحدرين تصلين
... بعده ممأذن هسه فد شويه
باوعلي صفح... عجل لسانج شطوله الي يكول راح تقره التعقيبات
ام هيكل ... صدق الله العلي العظيم.... شبيك يمه
تقرب منه باس ايده وفر ايده الثانيه على ضهره وكرصني من زندي طفرت هي انتبة ضحكت ... سلامتج يمه بس مشتاقلج واجيتج
.... مشتاااقلي؟ تشتاقلك العافيه
.... هههههه ام هيكل جنج مو مصدكه
... لا منو يكول
ريفال... اني راح احضر العشا على مايأذن
ام هيكل.... لا تسوين شي بس الج ولرجلج اني ماريد وجدج معدته تدرين بي
... ليش متريدين
...مااشتهي احسن ابقه بلا عشى الام معدتي متتحمل
هيكل.. بقلق.... اخذج للطبيب يمه يشوف شبيج
.. لا يمه مابيه شي بس الاكل باليل موزين جم مره جربت ابقه على العصير الي تجيبه غفوله انام مرتاحه وشبعانه بدل هل الاكل
هيكل... ريفال سويله كوكتيل
... هسه من عيوني
رحت احضر بالكوكتيل وهيكل اجه.. اني راح اجيب عشى لتعبين نفسج بس سوي عصير
... اسويلك