مشاعر ممتزجه (مكتمله)

تكملة بارت 16

عشق

طلعو الجماعة من البيت اجتي امي للمطبخ باوعتلي ضحكت وراحت

باوعت لريفال
... اكلج شبيها امي
.... هههههه خطية متفاجأة من بتها كبرت وراح تتزوج
... نجبي ريفال منو كلج قبلت وراح اتزوج
.... اممم الله يرحم ذوليج الناس الي يكمزون ويصحون احببة احببة ههههه( وتقلد صوتي )

.... ديلا يلا لتلزميها علية وبعدين مناسيتها الج مالت الصبح حقيرة
.... ننننن منو كلج صيري خبلة وكمزي
... برطمت بدلع وحجيت .. ريفااال
... نعم
... اكوووولج
.... انتجت على الكاونتر وحجت.. اممم كولي
.... عضيت شفتي وحجيت
احممم تدرين
.... دفضيها واحجي
.. احمم ااا ني احبة
... ابتسمت بفرح واجت يمي منووو منووو سوسو مو ادري
.... اممم هزيت راسي ونصيت بخجل احس وجهي اشتعل نار
.... رفعت راسي هاي شبيج لج وجهج صار جنة طماطة خايسة هاي كدامي هيج صار بيج جا من تعترفين لسوسو شتسوين
.... اوووو ريفال كافي

... اووك اووك بس بشرط تجين هسة تحجيلي كلشي بالتفصيل الممل من الطأطأ السلام عليكم

... اوك
رحن للغرفة حجيتلها كلشي وعن مشاعري والاحس بي وهي ايدتني وشعجتني انو اوافق واكيد الكعدة ماتخلة من مداهرها وياي وتحب تخجلني باي طريقة

لليل انجمعو العائلة كلها وبيت عمو ابو اكثم يمنة وعمة امل والولد
كلهم كاعدين وفتح الموضوع بابا وي عمو رئسا دارلي اسيد رفع حواجبة ويضحك

خررب اتمنيت الكاع تنشك وتبلعني ردت اكوم بس الخبلة مخلتني لزمت ايدي
... كعدي خل نسمع
بابا.... والله ياابو اكثم اليوم اجونة على عشق خطابة
عمو... اي بالخير بس منو
بابا.. لناس تعرفهم بيت ابو سيروان عم وهاج رايدها لسيروان ابنهم اجة هو وابو والنسواين وياهم

عمو... والله اني الولد واهلة ماعرفهم ذيج المعرفة والولد ملتقي بي بس كم مرة
بس اتذكر من اجة بكعدت وديان اول مادخل اجة باس راسنة واعتذر مبينة اخلاقة حلوة

اسيد... اي عمي والله الولد اني هم ملتقي بي وحاجي ويا اخلاقة ورد ولاتنسون وديان دائما جانت تحجي بي وتكول دائما يدافعلي وميخلي وهاج يضربي ويصير بجانبي بكلشي بس اني ماتركة هيج اكيد اروح اسئل عنة واشوف

بابا.. ها بوية اكثم انت شتكول
اكثم.... والله عمي ماعرف بس على كولة اسيد نروح نسأل والله كريم واكيد البنية الها رئي 

بابا... اكيد يابة هو القرار الاكبر الها

اسيد.... بس يابة من رخصتك مو جن عشق صغيرونة على الزواج احنة ليش من هسة نضلمها ونزوجها 

بابا... يابة قابل اني راح اجبرها وازوجها قصرا واذبها وين ماجان
بس يابة اذا البنية موافقة الله يسهلها 
بعدين لاتنسة سالفة وديان شصار بيها من رفضو اهلها خطبتها