مشاعر ممتزجه (مكتمله)

بارت 10

...ابقــه #يمـي
صرت اشوف الدنيا #بيك   
         الدنيــا ماتوكف ع #احــد
                 بس احس وكفت #عليك ..🍃❤

************************
عشق

صعدنة بالسيارة اني بعد ابد ولاالتفتت خفت الصراحة لان صدك زودتها شوية وثانيا هي خزرتة تخوف تشل الشخص بالمكان

جنها خزرة اسيد اذا حجينة او شي وخزرنة رئسا نلصم

.... درت وجهي اريد اعدل حجابي صايرة عبالك جني

ملتهية اعدل بحجابي وادردم ووجهي على الجامة وجانت السيارة مضللة يعني اكو انعكاس بسيط للوجه اكدر اشوف بيها

ملتهية ونسولف ماحس الا سيارة مرت من يمي بسرعة رهيبة الا درجة فزيت من مكاني

اباوع الكاها سيارتة خرب
... هذا شبي مخبل
ريفال... هذا ياجلب  هيج يسوق هيج وكون تنكلب بي السيارة على هذا اهمالة بلا سوة حادث

عشق( بااندفاع ) ... لاااا اسم الله شبيج ليش تدعين لا انشااء الله ميصير بي اي شي

ريفال بشك... هاي شنو على كيفج عيني شحجينة احنة قابل سبينة العنب الاسود وماندري
ولج اخاف تعرفي

الاء... هاي شبيج وياها ريفال شحجت البنية كلتلج لاتدعين

عشق... شكو ريفال شبيج كتلج لاتدعين لان خطية يجوز اكو عائلة بالسيارة يجوز امر مستعجل يجوز رجال ومرتة ويجوز اكو ولد تنتضرة امة ل

ريفال... هوووب هوووب هووب على كيفجن علكيفجن اكلتني بكشوري ياكلمة ردي لمكانج عمي اسفة اشناء الله اني تنكلب بية السيارة بس اسكتي ولاتضلين تتفلسفين براسي

عشق ... جبي مو احنة وياج يعني نموت وياج واني بعدني بعز شبابي اريد اتهنة اشوف حياتي

ريفال.. اي وتتزوجين وتجيبين اطفال ومن س

خليت ايدي حلكها وخزرتها
... احمم منو كلج ازوج اصلا مااريد
... اي امممم هجم بيت الباميا

... خليتها ودرت وجهي عنها
رفعت راسي لكيت سجاد مركز علية رفع حاجب ودار وجها

... وانت شبيك كببر حتى كببر ناقصتك اني
والله ياالله

وصلنة نزلنة على مطعم
طلبنة اكل وبقو يسولفون اني مفتحت حلكي بعد
ومدنكة مارفعت راسي لحد ماخلصنة وطلعنة

رجعنة للبيت لكيناهم مكملين كلشي والاماعين مغسولة همزين
مابينة حيل كلش فترينة السوك شبر شبر محل محل

وكوة يلا لكيت فساتين عجبتني للحنة والعرس لان ذوقي كللللش صعب يعني بالمناسبات على الاقل يرادلي روحتين 3 للسوك يلا اثبت على شي

دخلنة للصالة لكيناهم كلهم كاعدين يشربون جاي وعمة امل تصب

حجة سجاد بعد ماكعد يم امي
... اييي اجة بوكتة عمة بداعت اعزاز كلبج فد استكان
.. من عيوني حبيبي