احمد..اوكفي خل انزل اشتري هذا يبيع جاي مخدر ..نزل واجه صعد
..ليش ماجبتلي وياك انزل اشتريلي
..شنو
..مثل ماسمعت
..يولي اجيت شارد من البرد
..منو كلك تشتري لروحك وماتشتريلي
..الهم طولج ياروح حاضر يابه ..نزل اشترالي واجه
..من ليمته تشربين جاي
..من جلب بيه الانهيار ..تصدك صرت مثلك الجاي مااشربو باستكان من اعصب ..الله يخبل هذا الجاي
..عجل بيمن تشربينو
..بكوب بكلاص حته وهاج متعجب
..ليش هجي موزين عليج وانتي الحديد مصفر عندج
..شسوي ماكو شي يهدي اعصابي اذب حركتي بلجاي لان ماريد اتعارك مع العلم وهاج ساكت عني ومامسويلي شي بس مرات اصبح فايره اعصابي وادور عليه الزله هو هم مايتحمل مريض نفسي وانه مريضة اعصاب ف اكوم اكله امشي روح لاهلك يطلع هو بس اضل الوب اريد افرغ اعصابي
..كارثه هاي
..والله لو تدري شكمت اشرب
..شتشربين
..كل والله مااذيج
..والله مااذيج شتشربين بس لاعرك ولج
..شساااااالفه يييييع لعبت روحي لا اشرب ناركيله
..شلووووون
..لاتكلي شلون مثلك من تكوم تسفت بلجكاير ومتدري بروحك مره معصبه ووهاج متمدد عل جربايه ويدخن ناركيله اجيت سحبتهه منو واختلي نفس هو ضل صافن بوجهي وايدو عله نفس الحطه كلي تسودنتي طلعت الدخان نفختو وشركت كتلو مااتحمل بعد كلي تعاركي وياي ولاهجي تسوين
.. خطأ يبه اذا معندج احد تتعاركين ويا خابريني انه اتفهمج واي موضوع تردي اختاري وتعاركي
..ههههه
..والله
..شبيك صفنت
..لا ماكو شي بس تذكرت شعر
..طلعو احب الشعر ..طلع رام وخلاه بلسياره طلع رفعت الصافي
كتلهم ضحك..
كالو ماشفنا بس هيه من الضحك منطبكت رحيهه
وعلي تكول مرجوحه مو انسان
تشمر نفسهه بحضنه ويدنيهه
اخذهه الماسهر بلركن تالي الليل
اخذهه الماطخت خدوده بتراجيهه
اخذه الجان يتمنه ينعزم حته من باب ابن عمهه يطب يهنيهه
عرفتو قاصدني بيهه وماهتميت رجعنه للبيت
فتحت الباب ودخلنة للاستقبال بعدهن على جمعتهن بس البنات فارشاتلهن على الرغم اكو غرف فارغة بس بعد العراقيات بهيج جمعات عدهن حلاتها بسهرتهن للصبح سوالف وضحك وذاك كال وذيج كالت
احمد / هاي شنو بوية صايرة دوسني وادوسك ادري كحط اماكن متكومات كلجن هين
هناء / هسة دسلم اول دخلتلنة تجوعر
احمد / ها يمة رحمة الله والديج عجل الحين صرت اجوعر خلف الله عليج
ام اكثم / خايبة شبيج ويا هذا حمودي الغالي تعال يبعد خالتك ماعليك باامك
احمد / استلم انوب صرت حمودي عمي سلامتجن كلشي ماريد رجال شكبرني والشيب غازي راسي تسميني حمودي
كومي ولج ريفال روحي جيبيلي ماي من الجوارين الظاهر هينا مايضيفون خطارهم
وديان / ياااا شو درت علية غير انت اكلتنة اكل بلسانك نسيتني حتى الماي عجل صرنة مانضيف خطارنة ها
أنت تقرأ
مشاعر ممتزجه (مكتمله)
Romanceخطف مراهقه ليرضي غروره وكبريائه ويبتز بنات عمها وخالتها التوأم للحصول على.... رح تعرفون بلقصه وديان:- بروح ابوك اتركني ابداعت امك ولك لااا اوكف بداعت اختك بداعت اخوك الله يخليك تركني ريفال:- اي مو انته رجال ..مااحس اله راشدي فر خدي فر الله يساعدج...
