مشاعر ممتزجه (مكتمله)

بارت55

بداية
نعزي انفسنا والمتابعين بوفاة الكاتبه والاخت الاء احمد(ام غايب)  سألين الباري ان يرحمها ويتغمدها برحمته التي وسعت كل شئ
صراحه خبر صدمنه كلنه ولحد الان ماطالعه من الصدمه قبل كم يوم تسولف وتضحك بالتعليقات الف رحمه على روحهه خلتنه نعيش الضحكه بوقت حزنه والحزن بوقت فرحنه وتفاعلنه وي كتاباتهه هواي قصصهه من اقرب القصص لقلبي دقيقه من وقتنه نترحملهه ونقرالها الفاتحه

..... ــــــــــــ.... ــــــــــــــ.... ـــــــــ... ــــــــ... ــــــــ...

وديان..  طلعنه من بيت بابا احمد وهاج كال اكعدي ليوره علمود حملج كعدت وخليت حمودي يمي اوووف ماجني فاركته ليله تكول دهر كامل ضل يبوس بيه ويتكلب بعدين طفر وكعد بلصدر يم ابو
طبعا هو لسان كويل بس قلما يحجي كله افعال اذا راد شغله يسويهه ومايحجي بس اذا نفتح لسانه تكول رشاشه محد يسكتو

.. ببا
.. هاحبيبي
.. ننونك(تلفونك)
.. شتسوي بي
.. علبه (لعبه)
.. هاك
.. ودوث هههه (ودوش ههههه عود خذته يظري بيه ماارضى) 
.. اي ابوك يمك اذا وصلنه للبيت اشوي بصل عله اذانك
.. نننننن
.. عابت هل لسان ضمه
.. ننننن
.. يممه فلك ولايكعد راحه
.. اماا
.. ها
.. نننللله عتيل (نستله وعصير)
..ماكو نستله وعصير مدام خذت التلفون
..ماااااااااا
..وجعا ذب التلفون نعمت عيونك
..اااااااااااااااااااا

وهاج..وديان شبيج عقلج ويا
..والله كله من وراك
..عن هذا الحجي شتكولين نطلع للنجف نزور ونطلع للبيت اليوم كلش جاي ابوي ويزن عله بالي
.. يزن ابنك لو صااحبك
..ثنينهم
..يلا خوش
..راح اخابر احمد وهيكل يجون يزورون اذا بيهم جيه لان البارحه كال هيكل اريد اروح وي احمد للزياره..خابرهم وكلوله بعد احسن جايين ويانه فرات

طلعنه للنجف توه طر النور واحنه كدام قبة الامام علي عليه السلام هو اخذ حمودي يزورون وانه رحت طبيت وزرت وصليت وطلعت اخذنه لمطعم ونزل ريوك احس وهاج مرتاح راحه مو طبيعيه

..اليوم فرحان
..حلمان بابوي شايل ابنه يزن ويمه يزن واكف وراح ازورهم وهذا ثواب بروحهم اخذ ثواب من المطعم وطلع شفنه فقير انطينا وكنالو اقره الفاتحه

انه صرت وره وحمودي كدام وطلعنه للمقبره متواعدين وي الولد بلمقبره حته نرحع مره ثانيه للامام ونتغده

تمشي السياره وعيني نص فتحه عله حمودي وحبيبي القرآن مشتغل بصوت عبد الباسط راحه نفسيه فوول بس انه دوم گلبي ينقبض اذا احي للمكبره

وهاج مخلي التلفون بجيبو ورابطو
..اكو واحد يخلي التلفون بجيبه ومطلع واير عبالي حيه
..بس حيتج بيضه
..ماتخلي هنا
..هذا يلعب بي خلي هجي
..خوش

..غمضت عيني عله صورت القرآن وسمعت صوت وهاج
..هذا المطي نايم خايب هيوووو ودگ هورن سياره حمل بصفنه رجع دگ هورن ماحسيت غير صرخة وهاج
.. وللك ابنيييييي وراها صار صوت قوووي وماحسيت بشي بعد