#عراقي_الهوى
للكاتبة ام مصطفى
البارت السابع
مر يومين ع روحتنا للقاضي
بدينا نجمع فلوس من ولد عمي ومن العشيرة كولها ماجابت نص المبلغ
منو نروحله يحلف ماعدي
واليساعد اكثر شي ١٠٠ الف
ياربي شلون منين نجيب
كل يوم يمر احسة سنة واخوتي بالسجن
امي عدها كم قطعة ذهب هي والبنات هم باعوهن
بس شي قليل ميسد
اخر شي ابوي قرر يبيع البيت
-يابة شنو السالفة وين نروح
-بوية بيتنا جبير نبيعة ونشتري صغير ومجمل الفلوس
اخوانك اهم
-بكيفك بويه بس بيتنا تربينا بيه وجوارينا
-الخير في مااختاره الله
هيج مكتوب النه
-امي وافقت كالت بيعوه ماعدنا غير حل هاي هيه
راح ابوي دك قطعة بالبيت الدار للبيع وخلة رقم تليفون بيه
وراح للدلال هم عرضة يمةة كله مستعجلين ع بيعته
بهاي الفترة رجعت فتحت المحل الملي كم فلس كلت ليش كاعد
.......
زينب
هادي حجة وي ابوي وراهب ياخذنا اني وصادق وياه حتى نداوم مناك
طبعا وافقوا ماكو غير حل
اخذت ملابسي وكتبي وملابس صادق ورحنا لبيت عمي
عندي اثنين بنات عم تقريب وحده بعمري ووحده بعمر رقية اختي
وهادي وبعد اثنين صغار بكد صدوقي
اول مطبيت تلكتني مرت
عمي هلة يمة هلة بيج شلونكم امج شلونها بعد مااجيناكم
-الحمد لله عمة زينين
تعاي طبي عمة
عمو رسن ابو هادي هم اجة باسني ها بوية شلونج اهلج شلونهم
بخير عمو
والبنات هم
فتت جوه هادي كال يمةة زينب وصادق تبقى يمنا هاي الفترة ع مود المدرسة قربية علينا
-اي يمة هلا بيهم البيت بيتهم
-اشكرج عمة
دفوتي يم البنات اخذي راحتج عيوني
فتت يم البنات يسئلوني شلون طبولنا الامريكان
حجيت الهم
رويدة :يمةة الله يساعدكم شلون رعب اني من اسمهم اخاف اوارتعب
-اووف شحجيلج يمعودة الله لايعودها متنا خوف والله لو من خذوا الولد غير متنا وامي تصرخ وابوي احتار شيسوي
شذى : خطية راغب متت قهر عليه
-اووف وناطق سودة علي هم
-اي اثنينهم خطية
كومي كومي غيري ملابسج
جايبة ملابس لو انطبج
-لا جايبة
رقية
راحت زينب وحسيت ابفارغ بالبيت
اووف ياربي اتطرشنا
الله يساعد كلب امي
شفت امي تلبس عبايتها
-ها يمةة وين رايحة
-ماشية لبو طلبة لباب الحوائج موسى بن جعفر اريد ولدي من الله ومنه
ادري مايرد طالب حاجة واليوم اربعاء
زيارته
-يمةة اروح وياج
فدوه طاك كلبي لا ضلي يم ابوج وراهب خاف يرجع من المحل يريد شي
راحت امي هاي اول مرة تطلع من سالفة اخواني لهسه
سكينه حجت
وين راحت امي
راحت للامام الكاظم ع
عليه السلام والله البارحة نخيته وادري مايرد حاجة باب الحوائج
خابرت ع زينب ها زينب بشري اليوم داومتي
اي داومت
زينب اول يوم ابات يم بيت عمي ولا نمت غير وجه الصبح اتفزز ومامرتاحة بنومتي ومستحية
الصبح كعدت وي البنات روديدة رابع عام
وشذى اخر سنة جامعة
وهادي يدرس كلية فنون جميلة
