#عراقي_الهوى
للكاتبة ام مصطفى
البارت الثالث
صارت عيوني براسي شكد فشلت من محمد بودي الزمها املخها
هسة شيكول الولد علي اخواتة لازمات الباب
اني لج
شافتني وانهزمت جوه وهاي العلوية ضلت واكفة تتلفت
وصلت يمها
تفضلي
-لا بس جنت جاية اخيط
-عدنا بيت واحجن جوه مو حلوة وكفتجن بالباب وخزرتها
احسها فشلت مني كالت مشكور ودارت وراحت
كتله فوت محمد فوت
لا سويلي طريق
طبيت جوه
وينكم
رقية:- سمعت صوت راهب يصيح وينكم
ختلت بصف امي
-شبيج
-يمة راهب شافني واكفة بالباب
-وانت شعدج بالباب
-مو همسة بت السادة اجت تريد تخيط وتسئل
-انت ماتجوزين جم مرة كايله اذا تجيج زبائن فوتيهم جوه
-هي مطبت كالت محد ابيتنه
وينجن
راهب
-تعاي ولج جم مرة كايل الباب لا تفتحينه ولا توكفين بيه
-والله همسة تريد تخيط
-همسة منو
-هي العلويه
-واحنه ماعدنا بيت توفتيها
-لا هي مقبلت
-باعي احسابج بعدين اني اعلمج
سوي غدة صديقي جاي يتغده يمي
ولحد تطلع وبسيطة
-اي صار
فتحت باب الاستقبال
فوت حمودي
-يا الله
جاي ازاحمك
-صدك جذب دمشي فوت يمعود
تفضل تفضل
رقية يبوي ع حضي شيخلصني من راهب اووف
امي كالت حضري المواعين حتى نصب
واغسلي الخضورات
اي يوم
رايحة اصلي
فتحت البوري ميجري يبوووي مخلص التانكي
شلون هسه منو يشغل الماطور
الماطور نقطتة بالحوش يم المغسلة
باوعت ماكو احد
خل اطكها ركضة ادوس الدكمة وارجع
بسرعة وصلت للنقطة دستها التفتت ارجع
صديق راهب وراي رافع ردن قميصة مبين جاي يتوضة
صار وجها بوجهي
يمةةة شصار بيه متت مستحة من الفشله طكيتها ركظه وسديت الباب
محمد :- طلعت اتوضه وارفع بردن قميصي ممنتبه وجان نفس البنية الي
جانت بالباب صارت بوجهي
شو هاي شافتني وصار وجهه دم
طكتها ركضة عبالك جاهل وهي جبيرة مبين مو مال هيج تصرف
شكد عيب والله دا اسبب ازعاج للناس
يجوز جانت بالصحيات
رقية :-عزززززة بعيني بس لا راح يكوله لراهب
ساعة السودة اليوم اني بيمن مصبحة
من خرب حضي
كلبي يدك سريع كام يربي بس كون ميكله وين الحسين ومايكلة
افرك بيدي يربي شلون نحس هذا اليوم
غسلت الخضرة
وصبيت صينية تمن مرك دجاج احمر وخضروات وخبز
هسة شلون اصيحة
خلي اروح اكولها لامي
دخل راغب
اييي عفية راغب زين اجيت هاك شيل الصينية للاستقبال
منو عدنا
صديق راهب
ها ناوشيني
اخذها وراح
راهب
تغديت اني ومحمد ورجعنا للمحل
محمد يتشكر مني
-يمعود عليمن شبيك صدك جذب
رجعت فتحت المحل وكعدت
خابرني فضل كال اليوم منطلع خلي نهدي شوية هاي الفترة
-هاي هي واني هم ابوي بلكت يهدأ مني
-ديله لعد عود متخابر
-الله وياك
رقية
ضليت خايفة والموقف ميروح من بالي
خاف يكلة خاف راهب يرجع يرزلني خاف وخاف
حتى المكينة مكدرت الزمها
حجت زينب
-رقية شبيج اليوم مو ع بعضج
-اسكتي ولج اليوم موقفين صارن وياي
وشيخلصني من راهب
-لا بربج شكو اوكفي خل اجيب حب واكرز وانت احجي
-دولي اني ناقصتج تصنفين حضرة جنابج
-هههه لا عليج الله شكو
-اليوم هاي همسة دخيل بختها اجت تريد تسئل شكد تجيب قماش لبرنسيسه
كتلها فوتي جوه كالت محد بالبيت اجيت اسئلج
-اي
-اي ومااحس اله اخواج راهب نازل من تكسي وفوك راسي
هوووصديقة
-يااا عزززة وشصارر
-عفت البنية وانهزمت جوه
وطب شبعني رزالة كال حسابج بعدين
-اي وبعد
-انوب امج راحت تصلي والتانكي مابي مي
كلت خل اشغل الماطور
ع السريع رحت شغلته
وجان صديق راهب يصير بوجهي يريد يتوضه
-يبووووي شكد عيب شجاج
-حضي المصخم اخاف يكلة لراهب شفت اختك
-لا مااعتقد شلون يكلة فشلة
-اي والله فشلة شكد مستحيه من الولد انوب طكيتها ركضة عبالك شفت جني
-هههههههه
اي انت اضحكي شعليج ترحين وترجعين ميحجي عليج الضيم بس علي 🤦♀️
