#عراقي_الهوى
للكاتبة ام مصطفى
الجزء ٢
البارت السابع
زينب
اول مافتت للبيت استقبلتني عمتي هلة بيج يمة
ونسوان حمويني وحمواتي
طبيت نزعت حجابي وسرحت شعري نزلته
طلعت يم المعازيم شفت ثناء وامها
واكفة وتباوعلي
مقلدت الها ضليت كاعدة يم العروس
اجت اسماء سلمت
لج هلوو مشتاقتلج بذاته اسئلي كولي
والله اسئل انت اختفيتي
شسوي تعرفين سعد مانعني والله من ذيج الشغله
الله يساعدج والله حبيبتي الشفتيه مو شويه تره
اي الحمد لله ع كل حال
بدت تصير الحفلة اسماء يمي
اجو اهل الولد حنوها للعروس
ورة مطلعوا كلت اروح ابدل واخابر سعد يجي ياخذني لهلي امر عليهم مدام اجيت
دخلت للغرفة لكيت اسماء هم تبدل
ها راح ترحين
اي والله هم يله وراي دوام باجر
صدووك ليش بطلتي
شسوي سعد كاي عود اقدملج خارجي
واني هم لعبت نفسي
وهسة حامل
حبيبتي الله يتمم بالخير عليج
دنحجي
دخلت ثناء درت وجهي وكمت البس بحجابي
كالت ممكن احجي وياج
كتلها ماعندي حجي وياج اني
عفيه بس اسمعيني ابوس ايدج
جرت ايدي تريد تبوسها تفاجئت
باوعتلها شكوو كل ضني متندمة وتريد تعتذر
كتلها احجي العندج
زينب تره اني مو شريرة بس الصار وياي مو شوية والله
تعرفين شنو شخص من الطفولة تحبيه وتثقين بيه ويروح منج
سعد كولشي حلو بحياتي وانت اخذتي مني
اني مااخذت احد اصلا مااعرف بعلاقتكم ابد
اسماء كالت الها ثناء عوفي زينب بحالها البنية متعرف بعلاقتكم
ادري هسة دريت قبل جنت اتصور هي كلتله يفسخ الخطبه بس من عرفت هي متدري
اجيت احجي وياها واعتذر منها
لبست جنطتي بجتفي
حبيبتي اني ماعدي شي وياج عادي مسامحتج ردت اطلع
اوكفي زينب وتبجي شكلها يكسر الخاطر
اني حياتي تهدمت بسبب سعد مااكدر بعد ازوج
ليش حبي عيشي حياتج سعد اتزوج انت هم ازوجي وانسي
ليش سعد مكلج الصار بينه
كتلها كلي كولشي ميضم علي شي
مع ذالك لا انت اول ولا اخر وحدة تنفسخ خطوبتها
صح بس سعد دمرني سعد اخذ شرفي وعافني
-شنوو شتقصدين
ليش مكلج هو اتقربلي
شنووو
اي والله وبيش احلفلج مرة جنت بايتة يمهم واجيته للغرفة نسولف وصار بعد الي صار بوكتها جنت احبه ومخطوبين وعاقدين كلت عادي
بس هو عافني بسببج.
وبعد فترة حملت منه وجبرني اسقط
بوكتها جان خاطبج
-جذابه انت وحدة جذابه حرامات وكفت سمعتج
باوعت لاسماء شتحجي هاي
كالت اني مثلج مصدومة مااصدك
كالت اوكي مسحت دموعها وطلعت
اوراق وتحاليل وتقارير
كالت هاي شوفي اقري التاريخ
هذا تحليل الحمل
واخذن علاج وسقطته ودخلت مستشفى شوفي
االله لا يوفقة دمر حياتي شلون ازوج
اذا ابوي يعرف يكتلني
اني كولشي مااريد منه بس يزوجني يوم يستر ع علي ويطلكني حتى ازوج
شنو ذنبي اني لان حبيته وثقيت بيه
جان يكلي اني مااريدج مااحبج ليش خطبني ليش اخذ شرفي وجان يتقربلي
حتى اخر مرة قبل الخطوبة بيوم
