مساء الخير متابعيني
#عراقي_الهوى
للكاتبه ام مصطفى
ج٢
البارت ٢٣
فردووس
راح راهب صعد للحشد
الدنيا احس ضلمت بعيوني البيت حزين
عمتي ليل نهار تبجي تمرضت وبدت تكطع الاكل
واني ليل نهار يمها كاعدة اداريها اخفف عنها
عمةة انت قويه ليش هيج صرتي انتي مو مؤمنه خلي ايمانج بالله قوي
والنعم بالله بنتي بس ولدي اثنينهم مااعرف بحالهم ماادري ياهو الراح يطب علي بجنازه
اسم الله الرحمن
انه ليلي ماانامه منا ناطق الهد حيلي اليوم اله عشرة ايام لا بين ولا عين ولا خبر منه
ولحكه راهب صار يومين شالع كلبي يربي منين اجتنه هالمصيبه يارب ارحمنا برحمتك وخلصنا من ذول المجرمين
يارب لو ناطق بعده عدل عينك عليه. نجيه من مصيبته
ولو ميت جيبلي جثته ادفنها وارتاح واسلم امري لله
واحفظ راهب.وكل واحد راح يدافع ع ارضة وعرضة
اي هيج عمه بدال البجي ادعيلهم الامام الحسين ع لمن ع الاكبر طلع للبراز يقاتل
الامام الحسين راح لزوجته ليلى كلها علي الاكبر راح يبارز القوم ادعيله
فاني سمعت من جدي رسول الله ان دعاء الام مستجاب بحق ولدها
يكول ليلى فتحت صرها ورفعت راسها للسماء وكالت
من الحسين الاهي وشما بي مصيبه اريدك علي سالم تجيبه
ساعة ورجع علي الاكبر سالم
فياعمة لنا اسوه باهل البيت عليهم السلام ادعيلهم فدوه اروحلج
بالاخص راهب والله البيت احسه بارد وحزين لان هو ماموجود
صدكتي بنتي اني لازم اخلي عيني بعين الله واملي ان شاء الله بالله جبير.
رقية
احس محمد عنده شي مو خالي رجعت لكيته مشتري ملابس جدد ومزين.
وفرحان
حتى مااهتم لجيتي ولا سئلني ليش تاخرتي واخواته داير ميدوره كل شويه ماخذهن ع صفحة وطك سوالف
احس اكووو شي مو خالي ابد
كلت اراقبه اشوف شعدنه
المبايل مخليله رمز ردت افتحة مكدرت
اجت رؤى خطار
طبعا هي الوحيدة زينه وياي
كتلها رؤى بروح امج وابوج محمد شعنده احس اكو شي صاير بهاي الاسبوعين الرحت لهلي
شو متغير وحتى ميحجي وياي
حتى ولده هاملهم ولا سئل عنهم كليلي صاير شي حلفتج باعزاز كلبج
كالت رقيه اكلج بس لا دكولين اني كتلج عليج القران استحي من محمد
لا والله مااكول بس فهميني شصاير
الصدك محمد خطب
شنووووووووووو
اششش لا حد يسمعني الله عليج خليني اروح يله تحجين والله كلها حذرتني
شتحجين رؤى شنو خطب واني شنوو وخطب منوو
خطب حماة ندى صارله سنه ع علاقة بيها وانت يحضي مااتدرين ضلي بس اكربي شوفي نفسج جنج عجوز وين رقيه قبل اجيتينه تخبلين لبس وجمال واناقة جنه كولنه نغار من لبسج وناخذ ملابس احنه
شوفي انت هذا ثوبج اروح وارجع بيه
تحجي واني مااسمعها مجاي استوعب كمت اعيد شريط ذكرياتي
حماة ندى يعني اخت صديق راهب
اي اي كوثر
كوثر هاي البايرة عمرها ٣٠ سنه وممزوجه
اي هيه لج مخبلته لبس ودلع وسوالف
زين شوكت خطبها وشلون وافقوا
عادي ندى دبرتها اله وي زوجها
صار اسبوع من خطب يحضي وانت يم اهلج
ليش بطرانه اني موو اخوي انفقد بسبايكر
شلون اعوف اهلي بهيج ضرف اني هسه اجيت وبالي كله يم امي الي واكعه لا اكل ولا شرب
الله يساعدكم
ليش هيج يسوي محمد وياي قصرت بشي وياه جبته بكل طريق
اسكت واتحمل يكول هامله نفسج
اطالب بحقي واحجي وانتفظ ع تصرفاته وع تصرفات اخواتج يكلي تكرهين اخاوتي وانت ماتتحملين
كوليلي شسوي فهميني
اني بعد ماابقى بالبيت ابد لو تنكلب الدنيا رايحة لهلي وهالمرة مراح ارجع ابد طلاك
يا شبيج تخربين بيتج وتعوفيه لهاي
هو بيتي خربان خربان والينبني ع الغلط يهدم
من البدايه زواجي غلط بمحمد سكتت وكلت ميخالف لخاطره اتحنل تالي هيج يطعني بظهري هاي مجازاتها هيج
كمت ابجي
طبيت للغرفة
خليت ملابسي ومبلابس ولدي
وتخذتهم وطلعت بدون مااحجي شي محمد جان مو هنا
خلي يزوج موفق اليبيعني بهيج سهوله اني هم ابيعه
مكتوب علي العذاب
هالمرة اخذت قرار ماارجع لو ع كص ركبتي وولدي الي وهو مهنه بيها
