#عراقي_الهوى
للكاتبة ام مصطفى
ج٢
البارت ٣٠ والاخييير
بعد مرور خمس سنوات سنة
٢٠١٩
صار عندي اثنين ولد علي و كرار
وطبعا همسه الجبيرة
ورويدة ولد وبنيه
استقريت بالمشتمل حسيت بالامان اكثر بيت وزوج تحلم بي كل مرة واطفال وباب ينسد علينا
الف الحمد لله بنتي فرقد رجعتها تدرس جبتلها نقل من العمارة لبغداد عن طريق عمها خابرته وتوسلت بيه حتى بس يجيبلي النقل
والحمد لله صارت ثالث متوسط
طبعا كبرت بسرعة بهاي الخمس اسنين صارت بنيه شابه عبالك ١٥ سنه ونص عمرها وهي حلووووه بيضة ع عماتها وضخمةة طول وجسم
وابوها راهب مدللها لان يتيمةة
طبعا كامت تصيحلة بابا
بس بهاي الفترة احس صادق عينه منها
يجي يدرسها ومهتم بيها ويغار عليها
هذا ضيك لا تلبسيه شعرج طالع
من تروح للمدرسة يوصلها
صادق نسخة من راهب نفس الشكل والاخلاق
بس بديت اضوج اخاف ع بنتي مهما يكون ومااكدر احجي وبنتي اشوفها تفرح بجيته ومن يطبلنه تكعد يمه وضحك وسوالف
لو يدرسها وهي صافنه بوجهه
المهم كم مره لمحت لراهب بس احسة مفتهم عباله اقصد يلهيها ع دروسها
واخاف احجي يفهموني غلط
فديوم خابرتني مرت عمار
كالت معزومة ع عرس مصطفى
ياا صلووات راح يزوج
خطبتله بنت اخوي واخذت بيت حواسم وراح نكعد اني وياه وبنت اخوي بيه
ربي يوفقج ويفرحج بيه ويعوضج تعبج وصبرج خير ونعم منج مقصرتي وبقيتي بله زواج وربيتي وتعبتي والله انت فخر للمرة العراقيية
-وسفة ازوج وره عمار ليش يجي رجال بعده يملي عيني
الحمد لله مصطفى ابني كبر هاي عمره صار ١٩ سنه وطلع سبع وحنين مثل ابوه
الله يحفظه صار عشر ست سنوات مشايفته من يوم الاجيت اخذت فرقد منكم فدوه اروحله من ريحة اخوي الحمد لله صار عدي ابن اخوي سند الي
حبيبتي بيتي مفتوح الج بيت اخوج هذا وورثة سنين ضامته اشتريت هالبيت بيه
متقصرين الحمد لله رجلي منقصر وياي
بس عزمتي البنات خواتي
اي عزمتهن
اي فدوه صار اكثر من عشر اسنين ممشاوفين بس مخابرات نتخابر طاك كلبي عليهن
يله عمري مو متجين
لا اجي اخلي ابو همسه يجيبنا
سدته مني
بالظهر اجه راهب من المدرسة
صبيتله الغدة
كال صعدتي لرقية
اي والله يوميه تسئلني نفس السؤال
ميخالف اذكرج
مناسيه والله صينيتها وحد
وهي هم تطبخ حتى دكلي لا تجيبين
ميخالف
اكلك راهب خابرتني مرت عمار شلون فرحتني
خير ان شاء الله
مصطفى ابن عمار عرسة الجمعة وعازمتني اني واخواتي
شكد فرحت راهب صار اسنين مشايفة خواتي
حجيت وبجيت
لا تبجين ام همسه اخذج زحف والله اني اختج سميرة اضوج من زوجها من سالفته وياج جان خذتج من زمان الها
واختج الجبيرة ماتندليها انت
ادري بيك متقصر بس اني طكت روحي ع خواتي وع لمة اهلي جني مكطوعة من شجره
اه واني وين رحت مع الاسف عليج مو بعينج
انت شحجي شكول بحقك قليل انت هدية ربي ونعمتة وجبرته الي ع الي شفته الله عوضني بيك انت ابوي واخوي وامي وزوجي انت كلشي بدنيتي
بس هم الوحده منه تحتاج اهلها تحن وتشتاق الهم ولمتهم
-ادري والله وحاس بيج
اخذج الخميس اطلبي لفرقد وهمسة اجازه ونروح حتى امي ناخذها ويانه تتونس
ولو تكفي السياره جان ناخذ رقية
شلت ايده وبستها ربي يطول عمرك
الفلوس يمج اخذي رقية وروحي اشتريلكم ملابس للعرس وهديه زينه للعريس
الله يطول عمرك ويحفظك
