#عراقي_الهوى
للكاتبة ام مصطفى
البارت ٢٢
رقيةة بيوم الحنه
زينب وسكينه راحوا وياي للصالون هم يردون يتمكيجون
اول شي لبست بدلتي جانت كلش حلوه
وبدت تمكيجلي ام الصالون كتلها مااحب الطوخ عفيه خفيف
كالت هو هم هيج انت حلوه وبيضه ميرادلج طوخ ميلوكلج
خلصت اباوع حلو مكياجي البدله جان لون بنفسجي طوووخ كولش
سوتلي تسريحة كولش حلوه عبالك ضفيرة
البنات تمكيجو
محمد كل شويه يخابر خلصتي
اخر شي خابرته خلصت
كال اجي اخذج حتى ناخذ صور
اوكي انتضرك حبيبي
رغم الفرحة الي بداخلي بس جان اكو خوف من اهله حيل خايفة منهم بس محمد خطيه هواي حبيته وحسيته حنين
اجة محمد لبست برنص ع راسي وطلعت
سكينه وزينب اجه سعد اخذهم
جان ابن عمة يسوق واخواته اثنين وياه ندى وزهراء
صعدني وكعد بصفي
ماحجينا ولا كلمة
لحد ماوصلنا المصور
نزلنا كال يله حبيبتي ناخذ صور
فتحلي الباب ونزلني كايدني
فتت جوه للستوديو جان كادر نسوي
دخل وراي
ذبيت البرنص
كال اللهم صل ع محمد شطالعة
هاي انت لو مبدليج
باوعتله بابتسامة شنو قصدك جنت مو حلوه
-لا يابه بس بعد احلى صرتي
راسا جفتت زهراء علينا
حمودي اريد اخذ صور وياكم
-اي ادللي اول صوره وياج بعد شتردين
اجت جان لازمني وخرت ايده مني ووكفت بنصنا
طبت ندى وراها اني هم اخذ صور
ادللوا
دخلت المصوره
اخذن صوره مره مرتي غير كافي
اريد صور منفرده اني وياه غير من حقي
ماكو لزكن
لحد ماالمصوره كالت عيني وخرو خلي ناخذ صور للعرسان
وخرن
بدت تسوي لقطات النه ومحمد حييل فرحان ومتفاعل وي الصور
طلعنا
جاي اصعد بالسياره ركضت زهراء وندى صعدن وياي ليوره
حمودي بعد كعدنا انت اكعد ليكدام
استحى هو وصعد
احسهن متقصدات لهاي التصرفات
مع ذالك احاول اكبر عقلي وياهن
وصلت للبيت
نزل نزلني هنه بقن
دخلني جوه
اتلكوني باهلاهل وهو كايدني كعدني
كال ساعة واجيج
تردين شي
لا الله وياك
ساعة واجي احنيج لان وراي حنه بالليل
اوكي
باعيلي
رفعت راسي
يابة خل اشرد
ههههه
طلع والبنات بدن سون احتفتال بالبيت بنات خالي وعمي واخواتي والجيران
وحتة همسة عزمتها اني
زينب
سعد خابرته كتله اروح للصالون وي رقيه
كال روحي واني اجي اخذج
كتله اوكي
تمكيجت ونزلت شعري
لبست فستان اسود وبي كرستال وشذر فضي
من خلصت خابرته اجه
سكينه كالت اروح وياج عيب من محمد خل ياخذون راحتهم بالصور
كتلها هله بيج
صعدت بصف سعد
يباوعلي صفح ويأشرلي بعيونه
عود يستحي من سكينه
واني اسوي حركات كدامة احرك كلبه
لزم ايدي قوي ويحجي صاك ع سنونه بسيطة اني الج
وصلنا نزلت سكينه
ردت انزل لزم ايدي تعاي ولج سد الباب وين
شغل سيارة
عزه وين اطلع حيفي بيج تلعبين علي بسيطة
يا سعد وين رايح عليك الله
ناخذ صور احنه هم عرسان وحد
ياا صدك تحجي اي والله لعد شعبالج
خبال والله انت
اي مسامعة عشك مخابيل
هيج عشكي الج
لزمت مبايل وخابرت ع سكينه
سكينه حبيبتي رايحين ناخذ صور لا يضل بالج بعدين احجيلج باي
سديته يباوعلي ويسوق ويتبسم بمكر
اخ منك ومن سوالفك
