#عراقي_الهوى
للكاتبة ام مصطفى
البارت ٢٦
بعد مرور اربعين يوم ع وفاة همسة
رقية
يمةة راهب راح يموت حيل متأثر احجوا وياه يطلع من غرفتة
خلصت اربعين همسة وهو منازل من الغرفة اله للضرورة
حيل خايفة عليه ماما احسة انكسر كسرة جبيرة وبعد مايرجع مثل قبل
اووف ليش الصار بيه شوية كلنا انكسرنا مو بس هو راهب
اخخ يابنيتي عمت عيني عليج
يوم انريد واحد يحجي وي راهب ويطلعة من ماهو بيه
منو يمة بس ربج يباوعلة
فضل ابوي مو عدة رقم فضل
كون يخابرة ويجي يحجي وياه
والله ماادري اسئل ابوج.
اني كلت لسعد بلكت يحجي وياه يجي كال استحي وحقة عوفوه ع راحته
بس اخاف حيل عليه يمة خاف يصيرله شي
شفتي بالاربعين شلون يصرخ صريخ ع كبرها
اخ شبيدي عليك يوليدي عساني اني ميتة ولا مرتك
اسم الله عليج يمةة
اكولج يوم سعد كلي ع مود العرس واني استحي احجي
يكول طلعت الاربعين بعد
كتلة مااكدر ازوج واخوي حزنان
يكول اهلي يحجون علي يكلون الاربعين وطلعت شكو باقي والدنيا كلشي عليها
اني كتلة مااكدر اخوي حزين واني افرح لا مااكدر اعذرني
زعل من البارحة ميحجي وياي
عوفيه يزعل ع راحته
شنو تزوجين واخوج فرحان.
دنحجي ونزل راهب
رفعنا روسنا
كال زينب خابري سعد كليلة هالاسبوع نزوج
حبيبتي الحزن بالكلب والناس غربة وهواي انتضروا علينا
-بس
بلا بس كتلج مااعيد الحجي مرة ثانية سمعتي اتصلي بيه وكلليله هالاسبوع نزوج
عافنة وطلع
راهب
رحت للاربعين
جنت حييل مشتاق الها اشم ريحتها يومية بفراشي وبملابسها وبكنتورها
اباوع ع صورها تعبت حييل انكسرت احس نفسي ضايع تايه بدونها
وصلت مرحلة اعترض ع حكم الله
والوم بنفسي تعبت حييل.
رحت الها وكعت ع كبرها كومي هموستي اجيت اشوفج مو اشوف كبر وطابوك ردتج تتلكيني كومي وكعديني من هالكابوس الاسود ليش هيج خذلتيني ليش كسرتيني
بجيت اول مرة هيج ابجي واطلع صوت
بعدين كعدت اقرالها سورة ياسين
ووصيت امير المؤمنين علي ع عليها كتلة هاي بحمايتك ياعلي صغيرة وتخاف اوكفلها ياعلي
رجعت للبيت
ثاني يوم بالليل اجتني بالحلم
هموسة هاي انت
راهب ليش هيج صايرلك راهب كوم
ردت اكوم ووكعت
راهب انت قوي كوم وراحت مني
وين همسة كمت اصيح
فزيت
احس نفسي شابع شوف منها وحاجي وياها
بجيت وكمت توضيت وقريت قران الها
طبعا طول هاي الفتره ماانزل من الغرفة وتمرضت احس حيلي نهد شكد عزيزة طلعت معلكة بروحي
قررت افتح المحل احس امي واخواني كلهم انكسروا وياي كلهم يباعولي
نزلت واسمع زينب تحجي لامي
اذكرت زينب وعرسها مااجة ع بالي عبالك جنت بغير عالم
رقية
انكسرنا كلنا ع راهب اخوي وحزنه ع همسة من كل كلبنا
انكسر واهسي كلش من كلشي
وحتى محمد احس هملته
اشتغل بله واهس وماعندي فرحة
بالحمل والطفل وحمواتي وعمتي اكلن كلبي ع الاسود ذبيه مايصلح جنج غراب تفترين علينا وووو تعبت اشتكي لمحمد يكلي شسوي امي واخواتي تحملي
فديوم جنت مقهورة ع راهب خابرته وكوه يحجي
سديته منه وكعدت ابجي عليه بالغرفة
راهب لو شنسوي مانجازيه هو ابونه واخونه
دخلت عمتي علي
استلمتني حجي وصياح شنو احنه ماعدنه شغل وعمل نهار كلة ناصبة عزة ابيتنه وكاعدة جنج غراب تردين تحزنين روحي لهلج احزني اني اخاف ع ابني شنو هالفال النحس
خرب حضك محمد ع هيج قسمة متعجبين ميت عدكم واحد هالناس تموت بالجملة ...
وضلت تحجي ساعة علي اووف
