#عراقي_الهوى
للكاتبة ام مصطفى
البارت ٢٣
بعد مرور شهر
زينب
عفية سعد عليك الله خلي اقرة لا تشغلني عن الامتحانات والله تشتت افكاري وراهب كلي اذا رسبتي ماكو زواج تعيدين السنه يله تقبل
-لا لا لهنا ومع سلامة بس قبل الا انام يصير اخابرج بس انام ع صوتج وبس
-اففف متصيرلك جاره ضل خابر وارسب واعيد السنة وذاك الوكت اخذ راحتك
-ها لا عيني مع سلامة بس خابري انت عود
باجر اجي اخذج للامتحان
لا مااريد اندل الطريق مو تريد تروح وتراجع ع مود وضيفتك بالتربية
روح اني اندل
والله مايهون علي اروح واعوفج بس لازم اروح مجبور
رقية
حبيبي اريد اروح لهلي صار هواي مرايحة اخر مره من عزمونه بالسبعة
اي عادي باجر من اروح للمحل اخذج وياي
-فدوه لعمرك
دسويلي جاي والله راسي يوجعني مدري شبيه
صار تدلل
طلعت اسوي جاي وره العشه
دخلت للمطبخ مكلوب كلاب واني ستوني غسلت مواعين العشة ونضفت الكاونتر ورجعت كلشي بمكانة ودخلت للغرفة
اباوع شنو هاي يومية هيج اووف
خليت القوري ع الطباخ
طبت عمتي
ليش المطبخ هيج هوسة
والله عمة مو كدامج نضفته وفتت لغرفتي قبل ساعة
ها مو زهراء سوت عشة الها ماعجبها العشة مالتنا
دخلت زهراء بصينيه شمرتها ع الكاونتر
كتلها ادري عيني غير ترجعين كلشي بمكانة وراج
-تره المطبخ عليج
-اي اعرف بس مو معناها ابقى واكفة بالمطبخ
غير اليطلع شي يرجعة بمكانة
-وانت شنو تحاسبينه نسد حلكنا مناكل
-لا موهيج الف عافيه بس والله طاح حضي من المواعين
عمتي كالت روحي اخذي الجاي واني اغسلهم
-لا عمة ميصير احنه سته بالبيت وانت تغسليهم
خل اودي الجاي وارجع
صبيت جاي ورحت انطيته لمحمد
كال متفركيلي راسي مدري شبي
اي صار كمت افرك براسة ع كيف
تسلم ايدج
رقية انت نعمة من الله دزها الي حيل فرحان بيج اني والله
-الله يحفظك الي
خل اروح
وين
اغسل المواعين
مو غسلتيهم
لا غيرهن مالت زهراء
ادري زهراء تاكل غير تغسلهن وراها
-مو علي المواعين
-طلعت لكيت عمتي تغسل بيهن وكالبة وجها وادردم
اني صرت الجنه تاليتي اني اغسل مواعين عود جننت عشتوا.
عمة مو كتلج اني اغسلهم
طبيتي ماطلعتي اتفرج عليهن اجونه خطار
مو محمد راسة يوجهة وفركتله راسة
دروحي لعد يمة خليني اكمل اني بعد
طبيت للغرفة اووف والله بين نارين شلون ارضيهم ماادري
راهب
اكولج همسة اربعين جدج طلعت مو
اي اي اني جاية ابشرك
ع شنو تبشريني
عمي انطة بنته لواحد عامي
-اي وشنو يعني وين البشاره
رهوبي يعني من مات جدي بعد عمي الجبير بمكانه صار وهسه عمي انطة بنته لعامي يعني بعد احنه نكدر نزوج
وتكدر تتقدملي
-صدك والله احلى خبر سمعتة
باجر ادز امي مااتحمل بعد
اي هلة بيها
