#عراقي_الهوى
للكاتبة ام مصطفى
ج٢
البارت ١٥
زيينب
طول هالاسبوع واني اكول باجر يصير خير وراح يطلع لان هو بريء
كل شويه اخابر عمي لو حماي ابراهيم
يكولون بلكت باجر عكبة
الى اسبوع تالي خابرت سهام حلفتها
جان دكول زينب سعد راااح بعد
يااا شنوو راح
يكولون راح يتقدم للمحكمة كل الادلة ضدة
وينحكم لو ٧ سنوات لو اكثر
شنوووو عفية صدك تحجين
اي والله سودة علي خوية
شمرت المبايل وابجي ملخت روحي تملخ
التمن علي البنات شكو
ولجن راح من ايدي انهجم بيتي راحت فرحتي وراح دلالي اويلي ع حضي الفكر
سعد راح ينحكم اقل حكم ٧ سنووات
حجت امي منو كلج اسم الله شتحجين انت
يمةة اخته كالت انتوا تدرون ومدكلولي اشوف راهب ميحط عينه بعيني
اه اه
كمت ابجي بحركة وكلها مقهورة وياي
شسوي شلون اساعدك سعد
ابيع روحي لو بفلوس بس مو شغلة فلوس
انسجن امكانك وانت اطلع
شسويت يربي وهيج تعذبنيييييي
وج يمةةة بتي كولي يا الله بعد متنحكم بس حجي
رقية
كلنا مقهورين ع سعد وباجر محكمتة والله راهب خال محامي وابوه خال بس متفيد عمها وابن عمها وابوها وامها كلهم شاهدين علي
متركبه براسه بعد
وزينب تكسر الخاطر وبتها تريد ابوها اطلع صورته بالمبايل وتبجييي
رجع راهب شاف وضع زينب اخذها يحجي وياها يهديها بس مفاد خبله زينب انوب تحب بخبال سعد كامت حقهاا والله دللها دلال اتحدى رجال يدلل مرته هيج صدك يحيها جان ويخاف عليها
اووف ليش متكمل السعادة دائما ويانه عاد وحدةةمن بيانه ترتاح
فردوووس
الصبح طلع للدوام راهب
وصعدتلي رقية
كالت شنوو شبيج راهب صعدني يمج
لج والله متت صخنت وجسمي يون علي راسي عيوني وبس ارجف
اي هاي صخونه بالعظم تمووت
هسة صح فكتني بس راسي مووتني بعده
دكومي حبيبتي غسلي وتريكي ونروح للمستشفى بعد للمضمد
اي اني من راحت اختي ولهسة احس مرضت
ديله كومي
نزلت غسلت وتريكت
وجان نسمع زينب تبجي ثاري مخابرة حماتها
والله انقهرت عليها متستاهل من اجت والهسه بس تبجي ومعكتفة وحدها قليل تحجي والحزن امبين مبين عليها
بعد التهينا بزينب
رقية
والله سالفت زينب قهرتنا كلنا اجت ولا ع البال
انوب زينب حامل خطية واشوفها شلون تنقهر وتبجي
مااكدر الها خابرت ع سكينه
شبيج كاطعة عود اختنا الجبيرة
شكوو. ولج بناتي دوام ومتحانات شهرية
ادري بس كطعتي كل شهر تجين يوم ترحيت شدعوه
ميخالف صرتوا جناين بعد وزينب وجهالي تصير هوسه
اووف هو ع زينب تجين
وحجيت الها اتقهرت
اجي بلكت بالليل ساعة وارجع
خابر محمد هم حجيتله انقهر هم على سعد مال خوش ولد ميستاهل والله بس شبيدنا والله لو شغلت افلوس كولنا نطي
اي صح هم راهب كال
اكلج
هاا
اليوم امي حاجية ع وحدة من كرايبتا الي
اي
اي تريد تخطبها والبنيه ميت زوجها وقابله حتى لو ع زوجه ثانيه تزوج
-صدك تحجي لو تشاقى
ليش احنه بوضع ضحك وشقى هسه نحجي ع سعد مقهورين
-اي وهسه شتريد اصفكلك من صاير عربانه وامك تجرك روح ازوج عادي
-اني جاي اكلج ع الي صار اصلا مقبلت
بس امي تلح خبلتني
-ليش مقبلت مو عوايدك ترفض شي لماما
-رقييية كافي
-محمد تريد تزوجك امك انت تريد تزوج متصبر الله وياك بس طلكني وازوج اني هم ازوج شناقصتي وحتى ابنك اشمرة عليك مااريدة خل اشوف حياتي
-لججج لسانج اكصة لو عدتي هالحجي
لا والله اعيدة وازيدة
بسيطة جايج اله اادبج
وين جاي
اجييج للبيت والقران اسحلج ارجعج للبيت هواي دللتج وكمتي تتمادين
واذا مااجيتي اعرف شسوي
-محمد ماعوزنه مشاكل تريد تزوج روح ازوج
رجعة وي امك ماارجعع ابد
سديته بوجهه واني ارجف من القهر وغيرة
يريد يزوج ومكيف جاي يكلي
من خرب حضنا اي والله
انوب اني شبعت بجي وماطلعت من الغرفة نسيت حتى فردوس اخذها
