#عراقي_الهوى
للكاتبة ام مصطفى
ج٢
البارت ٢٨
فردوس
طلع راهب للبيت والدنيا مشايلتني من الفرحة
نذرت من يطلع احني اديه وارجلي
وحنيتهن بنفس اليوم
وك ليش هيج تسوي بية والله متت بغيابك راهب متوقعتك هيج تخذلني
معقوله متفكر بية مدكول وين تروح هي وبتها خلافي
-شلون ماافكر بيج والله والله بحلك الموت وشايل همج
-ادري مجبور
-اي غيرتي جابرتني
-بعد متروح والله
-لواكدر مااقصر بس جني تعوقت جسمي كله شظايا مااكدر تشيله
-سودة علي بيه ولا بيك رهوبي
حضنته
-ايييي افيش ياريحتج ياحضنج مشتاقلج
-حبيبي اني المشتاقتلك اوعدني بعد متسويها بيه
-الله الحافظ فردوس احجيلي شسويتي بغيابي
اصخمت واتلطمت شسويت
-ههههه حشاج عمري رحتي للدكتورة اخذتي سونار لا والله كلشي ماكو
راحت رويدة وطلع ولد بيها
-صدك
-اي والله
الف الحمد لله
انتي باجر ورحي جيكي نفسج حبيبتي
مو هسه خل اشبع منك ومن شوفتك واروح
رقية طلع راهب من المستشفى وابوي جاب اثنين طليان وذبحهن لوجه الله تعالى ولسلامة راهب وناطق
وعزم الاهل والجيران والاضدقاء
وانخبصنا بالطبخ والخطار بيت عمي وبيت خالي واخواتي وحتى اهل همسة اجوي واهل سعد وووو البيت انترس ناس
ونركض وماملحكين
اليطب علينا يطش واهليه ويهلهل
انكلب عرس عدنا عبالك
والله واحلى من العرس اخوني طلعوا من الموت الحمد لله دفع البلاء عنهم
راهب ابوي عزم لطلعتي من السلامة وذبح خرفان اثنين
الكل عايفني ويسئل بناطق ع حادثة سبايكر
طبعا ابد مسولف النا راد مره يحجيلي كتله مو وكتها ارتاح هسه وبعدين
بس اليوم عمامي وخوالي بدت تسئل بيه
وبدة يحجي مثل مكال صديقة
ناطق
الصبح كعدنا لكينا كل الظباط والاكبار شاردين
اجونا جماعة كالوا احنه العشائر وراح نحميكم ومطلعكم
وامنونه
تالي غدروا بينا وسلمونا لداعش
بدوا يسئلونه اسئله طائفية ويسبون ويشتمون مذهب الامام علي ع
وكاموا يطلعون السنه وحد ياخذوهم للسجن بتهمة التأمر مع الروافض وحكومتهم
والشيعة ياخذوهم يقتلوهم
جانت شكولهم تلعب النفس وسخين ريحتهم تكتل لحايا عدهم لابسين دشاديش كصار اكثرهم يحجون فصحى ولهجتهم مو عراقييه
يشتمون بالشيعة وبالحكومة
جنه حتى منكدر نحجي بينه الخوف ماخذنه
شدوا ادينه
وصعدونا وجبات وجبات وقسمونا بينهم
احنه اخذونه لمكان شبه مكطوع وصحراء
ووصفونه صف بالكاع نومونا ع وجوهنا
وبدوا يرمون بالراس
اني بجتفي اجت
وبرجلي
عافونا وراحوا
واحد من الولد طلع عدل كام من راحوا من شفته حجيت اجة علي كومني البقيه اكثرهم بيهم نفس يجوز لو يتعالجون يعيشون بس بقوا يرافسون وينزفون
عفناهم ورحنا جرني الولد
وشد رجلي حيل حتى ينكطع النزف
وكمنا نمشي بالبساتين يومين ناكل خضرة من الكاع ونشرب مي من المبازل
